ಮಾಲ್‌ನಲ್ಲಿ ಜಾಗಿಂಗ್ ಮಾಡಿದ ಯುವಕ -ವೀಡಿಯೋ ವೈರಲ್

•   Wed, Jan 07 2026 01:51:29 PM



• ಮುಂಬೈ, ಜ. 07 (DaijiworldNews/TA): ಯುವಕನು ಟ್ರ್ಯಾಕ್‌ನಲ್ಲಿ ಓಡುವ ಬದಲು ಮಾಲ್‌ನಲ್ಲಿ ಜಾಗಿಂಗ್ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ನಗರದಲ್ಲಿ ವಾಯು ಮಾಲಿನ್ಯದ ಮಟ್ಟ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು, ವಾಯು ಗುಣಮಟ್ಟ ಸೂಚ್ಯಂಕ 200ರ ಗಡಿಯನ್ನು ಮೀರಿಸಿದೆ.

  

  ಈ ವಿಡಿಯೋವನ್ನು ಭವಿನ್ ಪಾರ್ಮರ್ ಎಂಬವರು ಇನ್‌ಸ್ಟಾಗ್ರಾಂ‌ನಲ್ಲಿ ಜನವರಿ 05ರಂದು ಪೋಸ್ಟ್ ಮಾಡಿದ್ದಾರೆ. ವಿಡಿಯೋದಲ್ಲಿ ಟಿ ಶರ್ಟ್, ಟ್ರ್ಯಾಕ್ ಪ್ಯಾಂಟ್ ಮತ್ತು ಸ್ಪೋರ್ಟ್ಸ್ ಶೂ ಧರಿಸಿರುವ ಯುವಕ ಮಾಲ್‌ನ ಒಳಾಂಗಣ ಸ್ಥಳವನ್ನು ತನ್ನ ಪರ್ಸನಲ್ ಜಾಗಿಂಗ್ ಟ್ರ್ಯಾಕ್‌ ಆಗಿ ಬಳಸುತ್ತಿರುವುದು ಗೋಚರಿಸುತ್ತದೆ. ಮಾಲ್‌ನಲ್ಲಿ ಜಾಗಿಂಗ್ ಮಾಡುವುದರಿಂದ ಒಳಗಿನ ಗಾಳಿ ಹೊರ ಹವೆಗೆ ಹೋಲಿಸಿದಾಗ ಶುದ್ಧವಾಗಿರುತ್ತದೆ ಮತ್ತು ಪರಿಸರವೂ ಸ್ವಚ್ಛವಾಗಿರುತ್ತದೆ. ಈ ಪೋಸ್ಟ್ ಆನ್‌ಲೈನ್‌ನಲ್ಲಿ 2.94 ಲಕ್ಷ ವೀಕ್ಷಣೆಗಳು ಮತ್ತು 6,600 ಲೈಕ್ಸ್ ಪಡೆದುಕೊಂಡಿದ್ದು, ನೆಟ್ಟಿಗರು ಇದನ್ನು “ಕಳಪೆ ವಾಯುಮಾಲಿನ್ಯದಿಂದ ರಕ್ಷಿಸಿಕೊಳ್ಳಲು ಉತ್ತಮ ಯೋಜನೆ” ಎಂದು ಮೆಚ್ಚಿದ್ದಾರೆ.

  ಜನವರಿ 7 ರ ಮುಂಜಾನೆ ಮುಂಬೈ ನಗರದಲ್ಲಿ ಒಟ್ಟಾರೆ ವಾಯು ಗುಣಮಟ್ಟ ಸೂಚ್ಯಂಕ 332 ಕ್ಕೆ ತಲುಪಿದ್ದು, ಇದು ‘ತೀವ್ರ’ ವರ್ಗಕ್ಕೆ ಸೇರಿದೆ. ಇದರಿಂದ ಮಕ್ಕಳು, ಹಿರಿಯ ನಾಗರಿಕರು, ಉಸಿರಾಟ ಮತ್ತು ಹೃದಯ ಸಂಬಂಧಿ ಸಮಸ್ಯೆಗಳನ್ನು ಎದುರಿಸಬಹುದು. ನಗರದ ಮೂಲಸೌಕರ್ಯ ಅಭಿವೃದ್ಧಿ ಕಾರ್ಯಗಳು, ಮೆಟ್ರೋ ಕಾರಿಡಾರ್, ಫ್ಲೈಓವರ್, ರಸ್ತೆ ಅಗಲೀಕರಣ ಮತ್ತು ಖಾಸಗಿ ರಿಯಲ್ ಎಸ್ಟೇಟ್ ನಿರ್ಮಾಣಗಳು ಧೂಳಿನ ಮಟ್ಟವನ್ನು ಹೆಚ್ಚಿಸಿದ್ದವು. ವಾಹನಗಳಿಂದ ಹೊರಸೂಸುವ ಹೊಗೆ, ವಿಶೇಷವಾಗಿ ಗರಿಷ್ಠ ಸಂಚಾರ ಸಮಯದಲ್ಲಿ, ಪರಿಸ್ಥಿತಿಯನ್ನು ಇನ್ನೂ ಉಲ್ಬಣಗೊಳಿಸುತ್ತಿದೆ. ಮುಂಬೈನಲ್ಲಿ ಆರೋಗ್ಯಕರ ಜೀವನವನ್ನು ಕಾಯ್ದುಕೊಳ್ಳಲು ಒಳಾಂಗಣ ಸ್ಥಳಗಳಲ್ಲಿ ವ್ಯಾಯಾಮ ಮಾಡುವುದು ಜನಪ್ರಿಯ ಆಯ್ಕೆ ಆಗುತ್ತಲೇ ಬಂದಿದೆ.

  View this post on Instagram

  A post shared by Bhavin Parmar (@bhavin_2203)