‘ಕರಾವಳಿ ಪ್ರವಾಸೋದ್ಯಮ ನೀತಿಗೆ ಜ.10ರಂದು ಮಂಗಳೂರಿನಲ್ಲಿ ಸಭೆ’ - ಡಿಸಿಎಂ ಡಿಕೆಶಿ

•   Mon, Dec 29 2025 02:13:31 PM



• ಕಾರವಾರ, ಡಿ. 29 (DaijiworldNews/TA): ಕರಾವಳಿ ಜಿಲ್ಲೆಗಳಿಗೆ ಪ್ರತ್ಯೇಕ ಹೊಸ ಪ್ರವಾಸೋದ್ಯಮ ನೀತಿ ರೂಪಿಸಲಾಗುತ್ತಿದ್ದು, ಈ ಸಂಬಂಧ ಜ.10ರಂದು ಮಂಗಳೂರಿನಲ್ಲಿ ಕರಾವಳಿಯ ಮೂರು ಜಿಲ್ಲೆಯ ಜಿಲ್ಲಾಧಿಕಾರಿಗಳು, ಪ್ರವಾಸೋದ್ಯಮ ಇಲಾಖೆ ಅಧಿಕಾರಿಗಳ ಸಭೆ ಕರೆದಿದ್ದೇನೆ ಎಂದು ಡಿಸಿಎಂ ಡಿ.ಕೆ. ಶಿವಕುಮಾರ್ ಹೇಳಿದರು.

  

  ಕಾರವಾರದಲ್ಲಿ ಸುದ್ದಿಗಾರರ ಜತೆ ಮಾತನಾಡಿ, ಜ.10ರ ಸಭೆಗೆ ರಾಜ್ಯದ ಹಾಗೂ ವಿದೇಶದ ಉದ್ಯಮಿಗಳನ್ನು ಆಹ್ವಾನಿಸಲಾಗಿದೆ. ಮೂರು ಜಿಲ್ಲೆಗಳ ಉಸ್ತುವಾರಿ ಸಚಿವರು, ಪ್ರವಾಸೋದ್ಯಮ ಸಚಿವರು, ಸ್ಪೀಕರ್ ಇರುತ್ತಾರೆ. ಸ್ಥಳೀಯ ಶಾಸಕರು, ಕರಾವಳಿ ಜಿಲ್ಲೆಯ ಸಂಸದರಿಗೂ ಆಹ್ವಾನ ನೀಡಲಾಗಿದೆ ಎಂದು ತಿಳಿಸಿದರು.