ಕಾರವಾರ ಕರಾವಳಿ ಉತ್ಸವದಲ್ಲಿ ಡಿಸಿಎಂ ಡಿಕೆಶಿಗೆ 16 ಲಕ್ಷ ಮೌಲ್ಯದ ವಿಶಿಷ್ಟ ಉಡುಗೊರೆ

•   Mon, Dec 29 2025 10:35:31 AM



• ಉತ್ತರ ಕನ್ನಡ, ಡಿ. 29 (DaijiworldNews/TA): ಕಾರವಾರದಲ್ಲಿ ನಡೆದ ‘ಕರಾವಳಿ ಉತ್ಸವ’ದಲ್ಲಿ ಭಾಗವಹಿಸಿದ ಡಿಸಿಎಂ ಡಿಕೆ ಶಿವಕುಮಾರ್ ಅವರಿಗೆ ಕಾಂಗ್ರೆಸ್ ಶಾಸಕ ಸತೀಶ್ ಸೈಲ್ ಭರ್ಜರಿ ಉಡುಗೊರೆ ನೀಡಿ ಗೌರವಿಸಿದರು.

  

  ಶುಭಾಕಾಂಕ್ಷೆಯಿಂದ ನೀಡಲಾದ ಈ ಉಡುಗೊರೆ 16 ಲಕ್ಷ ರೂ. ಮೌಲ್ಯದ ಶ್ರೀಗಂಧದಿಂದ ತಯಾರಿಸಿದ ಭಗವಾನ್ ವಿಷ್ಣುವಿನ ವಿಶ್ವರೂಪ ದರ್ಶನದ ಕಲಾಕೃತಿ ಆಗಿತ್ತು. ಶಾಸಕ ಸತೀಶ್ ಸೈಲ್ ಉಡುಗೊರೆ ನೀಡುವ ಸಂದರ್ಭದಲ್ಲಿ ತಮ್ಮ ಸಂದೇಶದಲ್ಲಿ, “ಡಿಕೆ ಶಿವಕುಮಾರ್ ಅವರ ಮನಸ್ಸಿನಲ್ಲಿರುವ ಎಲ್ಲಾ ಬಯಕೆಗಳು ಈಡೇರಲೆಂದು ಆಶಿಸುತ್ತೇನೆ. ನಮಗೆ ನೀಡಿದ ಆಶ್ವಾಸನೆ ಆದಷ್ಟು ಬೇಗ ಈಡೇರಲಿ” ಎಂದು ಹಾರೈಸಿದರು.

  ಕರಾವಳಿ ಉತ್ಸವವು ರಾಜ್ಯದಲ್ಲಿ ಸ್ಥಳೀಯ ಸಂಸ್ಕೃತಿ ಮತ್ತು ಪರಂಪರೆಯನ್ನು ಬಿಂಬಿಸುವ ಒಂದು ಪ್ರಮುಖ ಕಾರ್ಯಕ್ರಮವಾಗಿದ್ದು, ಈ ವಿಶೇಷ ಉಡುಗೊರೆ ಕಾರ್ಯಕ್ರಮವನ್ನು ಮತ್ತಷ್ಟು ಗೌರವಯುತವಾಗಿ ಮಾಡಿತು.