'ಸ್ವಾವಲಂಬನೆ, ಶೌರ್ಯ, ಸಮುದ್ರ ಭದ್ರತೆಯಲ್ಲಿ ನೌಕಾಪಡೆಯ ಕೊಡುಗೆ ಅಮೋಘ'- ಪ್ರಧಾನಿ ಮೋದಿ

•   Thu, Dec 04 2025 11:18:35 AM



• ನವದೆಹಲಿ, ಡಿ. 04 (DaijiworldNews/TA): ನೌಕಾಪಡೆಯ ದಿನಾಚರಣೆಯ ಸಂದರ್ಭದಲ್ಲಿ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಗುರುವಾರ ಭಾರತೀಯ ನೌಕಾಪಡೆಯ ಎಲ್ಲಾ ಸಿಬ್ಬಂದಿಗೆ ಹೃತ್ಪೂರ್ವಕ ಶುಭಾಶಯಗಳನ್ನು ತಿಳಿಸಿದರು. ದೇಶದ ಸಮುದ್ರ ಗಡಿಗಳನ್ನು ಕಾಪಾಡುವ ದಿಟ್ಟ ಸಂಕಲ್ಪ, ಸ್ವಾವಲಂಬನೆ, ಹಾಗೂ ನೌಕಾಪಡೆಯ ಶೌರ್ಯವನ್ನು ಅವರು ಶ್ಲಾಘಿಸಿದರು.

  

  ಪ್ರತಿ ವರ್ಷ ಡಿಸೆಂಬರ್ 4ರಂದು ಆಚರಿಸಲಾಗುವ ನೌಕಾಪಡೆಯ ದಿನ, 1971ರ ಇಂಡೋ–ಪಾಕ್ ಯುದ್ಧದ ಸಂದರ್ಭದಲ್ಲಿ ನಡೆದ ಐತಿಹಾಸಿಕ ಆಪರೇಷನ್ ಟ್ರೈಡೆಂಟ್‌ನಲ್ಲಿ ಭಾರತೀಯ ನೌಕಾಪಡೆಯ ಸಾಧನೆಯನ್ನು ಸ್ಮರಿಸುವ ದಿನವಾಗಿದ್ದು, ಪಿಎನ್‌ಎಸ್ ಖೈಬರ್ ಸೇರಿದಂತೆ ಹಲವು ಪಾಕಿಸ್ತಾನಿ ಹಡಗುಗಳನ್ನು ಮುಳುಗಿಸುವ ಮೂಲಕ ನೌಕಾಪಡೆಯು ನೀಡಿದ್ದ ಭಾರೀ ಹೊಡೆತವನ್ನು ಸ್ಮರಿಸಲಾಗುತ್ತದೆ.

  ಪ್ರಧಾನಮಂತ್ರಿ ಎಕ್ಸ್‌ನಲ್ಲಿ, *“ನೌಕಾಪಡೆಯ ಎಲ್ಲಾ ಸಿಬ್ಬಂದಿಗೆ ನೌಕಾಪಡೆಯ ದಿನದ ಶುಭಾಶಯಗಳು. ನಮ್ಮ ನೌಕಾಪಡೆ ಅಸಾಧಾರಣ ಧೈರ್ಯ ಮತ್ತು ದೃಢಸಂಕಲ್ಪಕ್ಕೆ ಪ್ರಸಿದ್ಧ. ಅವರು ನಮ್ಮ ತೀರಗಳನ್ನು ರಕ್ಷಿಸುತ್ತಾರೆ ಹಾಗೂ ನಮ್ಮ ಕಡಲ ಹಿತಾಸಕ್ತಿಗಳನ್ನು ಬಲಪಡಿಸುತ್ತಾರೆ. ಇತ್ತೀಚಿನ ವರ್ಷಗಳಲ್ಲಿ ನೌಕಾಪಡೆ ಸ್ವಾವಲಂಬನೆ ಮತ್ತು ಆಧುನೀಕರಣದತ್ತ ಮಹತ್ವದ ಹೆಜ್ಜೆ ಹಾಕಿದ್ದು, ಇದು ನಮ್ಮ ಭದ್ರತೆಯನ್ನು ಮತ್ತಷ್ಟು ಹೆಚ್ಚಿಸಿದೆ,” ಎಂದು ಹೇಳಿದರು.

  ಪ್ರಧಾನಮಂತ್ರಿ ನೀಡಿದ ವೀಡಿಯೊ ಸಂದೇಶದಲ್ಲಿ, ದೇಶದ ಸಮುದ್ರ ಗಡಿಗಳನ್ನು ರಕ್ಷಿಸುವ ಮತ್ತು ಆರ್ಥಿಕ ಜೀವನಾಡಿಗಳನ್ನು ಸುರಕ್ಷಿತವಾಗಿಡುವಲ್ಲಿ ನೌಕಾಪಡೆಯ ನಿರ್ಣಾಯಕ ಪಾತ್ರವನ್ನು ಅವರು ಉಲ್ಲೇಖಿಸಿದರು. ಕಡಲಾಚೆಯ ಪೆಟ್ರೋಲ್ ಹಡಗುಗಳು, ಜಲಾಂತರ್ಗಾಮಿ ನೌಕೆಗಳು, ವಿಮಾನವಾಹಕ ನೌಕೆಗಳು ಸೇರಿದಂತೆ ನೌಕಾಪಡೆಯ ಸಾಮರ್ಥ್ಯ ದಿನೇದಿನೇ ವಿಸ್ತರಿಸುತ್ತಿರುವುದನ್ನು ಅವರು ಪ್ರಶಂಸಿಸಿದರು.

  ಭಾರತ ಜಾಗತಿಕ ಒಳಿತಿಗಾಗಿ ಶಕ್ತಿ ಮತ್ತು ಸಾಮರ್ಥ್ಯವನ್ನು ಬಳಸುವ ದೀರ್ಘಕಾಲದ ಸಂಪ್ರದಾಯವನ್ನು ಹೊಂದಿದೆ ಎಂದು ಮೋದಿ ಹೇಳಿದರು. ಪರಸ್ಪರ ಸಂಪರ್ಕಿತ ಜಾಗತಿಕ ಆರ್ಥಿಕತೆಯ ಯುಗದಲ್ಲಿ, ಭಾರತೀಯ ನೌಕಾಪಡೆಯು ಜಾಗತಿಕ ಸಮುದ್ರ ಭದ್ರತೆ ಮತ್ತು ಸ್ಥಿರತೆಯಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತಿದೆ ಎಂದು ಅವರು ಒತ್ತಿ ಹೇಳಿದರು.

  Navy Day greetings to all personnel of the Indian Navy. Our Navy is synonymous with exceptional courage and determination. They safeguard our shores and uphold our maritime interests. In the recent years, our Navy has focussed on self-reliance and modernisation. This has enhanced… pic.twitter.com/JxPqLiEc9x

  — Narendra Modi (@narendramodi) December 4, 2025