ISRO ಕೆಲಸ ಬಿಟ್ಟು UPSC ಪಾಸಾದ IPS ಅಧಿಕಾರಿ ತೃಪ್ತಿ ಭಟ್

•   Tue, Oct 28 2025 08:20:50 AM



• ಉತ್ತರಾಖಂಡ, ಅ. 28 (DaijiworldNews/TA): ತೃಪ್ತಿ ಭಟ್ ISRO ನ ಪ್ರತಿಷ್ಠಿತ ಕೆಲಸವನ್ನು ಬಿಟ್ಟು IPS ಅಧಿಕಾರಿಯಾಗುವ ಪಯಣ ಬೆಳೆಸಿದರು. ಅವರು ತಮ್ಮ ಮೊದಲ ಪ್ರಯತ್ನದಲ್ಲಿಯೇ UPSC ಪರೀಕ್ಷೆ ಪಾಸು ಮಾಡಿ ಆಲ್ ಇಂಡಿಯಾ ರ್‍ಯಾಂಕ್‌ 165 ಪಡೆದು ಭಾರತೀಯ ಪೊಲೀಸ್ ಸೇವೆ (IPS) ಗೆ ಆಯ್ಕೆಯಾದರು. ಅವರ ಯಶಸ್ಸಿ ಕಥೆ ಇಲ್ಲಿದೆ.

  ಇಂದು, ಅವರು ಉತ್ತರಾಖಂಡದಲ್ಲಿ 40ನೇ ಬೆಟಾಲಿಯನ್ PAC ಯಲ್ಲಿ ಕಮಾಂಡೆಂಟ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಅವರ ಈ ಕಥೆ ಪ್ರತಿಯೊಬ್ಬ UPSC ಅಭ್ಯರ್ಥಿಗೂ ಮತ್ತು ವೃತ್ತಿಗಾಗಿ ಹೋರಾಡುತ್ತಿರುವ ಯುವಕರಿಗೆ ಒಂದು ಪ್ರೇರಣೆ.

  ಉತ್ತರಾಖಂಡದ ಅಲ್ಮೋಡದಲ್ಲಿ ಜನಿಸಿದ ತೃಪ್ತಿ ಭಟ್ ಬಾಲ್ಯದಿಂದಲೂ ಶಿಕ್ಷಣದಲ್ಲಿ ಮುಂದಿದ್ದರು. ಅವರು ಪಂತನಗರ ವಿಶ್ವವಿದ್ಯಾಲಯದಿಂದ ಮೆಕ್ಯಾನಿಕಲ್ ಇಂಜಿನಿಯರಿಂಗ್ ಪದವಿ ಪಡೆದರು ಮತ್ತು ಟಾಟಾ ಮೋಟಾರ್ಸ್, ಎನ್‌ಟಿಪಿಸಿ ಮತ್ತು ಮಾರುತಿ ಸುಜುಕಿ ನಂತಹ ದೊಡ್ಡ ಕಂಪನಿಗಳಲ್ಲಿ ಉದ್ಯೋಗದ ಅವಕಾಶವನ್ನು ಪಡೆದರು.

  ಅವರು NTPC ಯಲ್ಲಿ ಸಹಾಯಕ ವ್ಯವಸ್ಥಾಪಕರಾಗಿ ಕೆಲಸ ಮಾಡಲು ಪ್ರಾರಂಭಿಸಿದರು, ಆದರೆ ಶೀಘ್ರದಲ್ಲೇ ಅವರಿಗೆ ತಮ್ಮ ನಿಜವಾದ ಆಸಕ್ತಿ ಸಾರ್ವಜನಿಕ ಸೇವೆಯಲ್ಲಿ ಇದೆ ಎಂದು ಅರಿವಾಯಿತು. ಅವರು ಕೆಲಸದ ಜೊತೆಗೆ UPSC ಪರೀಕ್ಷೆಗೆ ತಯಾರಿ ನಡೆಸಲು ಪ್ರಾರಂಭಿಸಿದರು ಮತ್ತು ತಮ್ಮ ಮೊದಲ ಪ್ರಯತ್ನದಲ್ಲಿಯೇ 2013 ರಲ್ಲಿ ಯಶಸ್ಸು ಸಾಧಿಸಿದರು.