UPSC 2ನೇ ಪ್ರಯತ್ನದಲ್ಲಿ ಐಪಿಎಎಸ್- 3ನೇ ಪ್ರಯತ್ನದಲ್ಲಿ ಟಾಪ್​ ರ‍್ಯಾಂಕ್ ಪಡೆದ ಆದಿತ್ಯ ಶ್ರೀವಾಸ್ತವ್ ಯಶೋಗಾಥೆ

•   Mon, Jun 02 2025 08:00:32 AM



• ನವದೆಹಲಿ, ಜೂ.02 (DaijiworldNews/AK): ಯೂನಿಯನ್ ಪಬ್ಲಿಕ್ ಸರ್ವಿಸ್ ಕಮಿಷನ್ ಸಿವಿಲ್ಸ್ 2023 ರಲ್ಲಿ ಲಕ್ನೋದ ಆದಿತ್ಯ ಶ್ರೀವತ್ಸವ ಮೊದಲ ರ‍್ಯಾಂಕ್ ಪಡೆದುಕೊಂಡಿದ್ದಾರೆ.ಅವರ ಸಕ್ಸಸ್‌ ಸ್ಟೋರಿ ಇಲ್ಲಿದೆ.

  ಯುಪಿಎಸ್​ಸಿ ಟಾಪರ್ ಆದಿತ್ಯ ಶ್ರೀವಾತ್ಸವ ಲಕ್ನೋ ನಿವಾಸಿ. ಅವರು ತಮ್ಮ ಶಾಲಾ ಶಿಕ್ಷಣವನ್ನು ಸಿಟಿ ಮಾಂಟೆಸ್ಸರಿ ಸ್ಕೂಲ್, ಅಲಿಗಂಜ್ ಶಾಖೆ, ಲಕ್ನೋದಲ್ಲಿ ಪೂರ್ಣಗೊಳಿಸಿದ್ದಾರೆ ಅವರು ತಮ್ಮ 12 ನೇ ತರಗತಿ ಪರೀಕ್ಷೆಯಲ್ಲಿ 95% ಅಂಕಗಳೊಂದಿಗೆ ಉತ್ತಮ ಸಾಧನೆ ಮಾಡಿದ್ದರು. ನಂತರ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಕಾನ್ಪುರದಲ್ಲಿ ಬಿಟೆಕ್, ಎಂ. ಟೆಕ್​ ಮುಗಿಸಿ ಬೆಂಗಳೂರಿನ ಎಂಎನ್​ಸಿ ಕಂಪನಿಯಲ್ಲಿ 15 ತಿಂಗಳ ಕಾಲ ಕೆಲಸ ಮಾಡಿದರು.

  2020ರಲ್ಲಿ ಕೆಲಸ ಬಿಟ್ಟು ಯುಪಿಎಸ್​ಸಿಗೆ ಅಧ್ಯಯನ ಶುರು ಮಾಡಿದರು.ನಾಗರಿಕ ಸೇವಾ ಪರೀಕ್ಷೆಯಲ್ಲಿ ಆದಿತ್ಯ ಶ್ರೀವತ್ಸವ ಅವರ ಯಶಸ್ಸು ಗಮನಾರ್ಹವಾಗಿದೆ. ಅವರು 2022 UPSC ಪರೀಕ್ಷೆಯಲ್ಲಿ 236 ನೇ ರ‍್ಯಾಂಕ್ ಪಡೆದು, ಭಾರತೀಯ ಪೊಲೀಸ್ ಸೇವೆಯನ್ನು ಆಯ್ಕೆ ಮಾಡಿಕೊಂಡರು.

  2023 ರಲ್ಲಿ ದೇಶದಲ್ಲೇ ಮೊದಲ ಶ್ರೇಯಾಂಕ ಪಡೆಯುವುದು ಅತ್ಯುತ್ತಮ ಸಾಧನೆ ಮಾಡಿದ್ದಾರೆ. ಆದಿತ್ಯ ಶ್ರೀವಾಸ್ತವ ತಂದೆ ಅಜಯ್ ಶ್ರೀವಾಸ್ತವ ಕೇಂದ್ರ ಲೆಕ್ಕ ಪರಿಶೋಧನಾ ಇಲಾಖೆಯಲ್ಲಿ ಎಎಒ ಆಗಿ ಕೆಲಸ ಮಾಡುತ್ತಿದ್ದಾರೆ. ಆದರೆ ಅವರ ತಂಗಿ ನವದೆಹಲಿಯಲ್ಲಿ ನಾಗರಿಕ ಸೇವಾ ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದಾರೆ. ಆದಿತ್ಯನ ತಾಯಿ ಅಭಾ ಶ್ರೀವಾಸ್ತವ ಗೃಹಿಣಿ.

  ಶ್ರೀವಾಸ್ತವ್​ ತರಬೇತಿ ಇಲ್ಲದೆ ಈ ಯಶಸ್ಸನ್ನು ಸಾಧಿಸಿದ್ದಾರೆ. ಅವರು ತಮ್ಮ ಎರಡನೇ ಪ್ರಯತ್ನದಲ್ಲಿ ಯುಪಿಎಸ್‌ಸಿಯನ್ನು ಭೇದಿಸಿದ್ದರು. ಇದೀಗ ಮೂರನೇ ಪ್ರಯತ್ನದಲ್ಲಿ ರ‍್ಯಾಂಕ್ ಪಡೆದುಕೊಂಡಿದ್ದಾರೆ.