ಮಂಗಳೂರು,: ಸಂಘನಿಕೇತನದ ಸಾರ್ವಜನಿಕ ಗಣೇಶೋತ್ಸವದಲ್ಲಿ ರಾಷ್ಟ್ರೀಯವಾದಿ ಕ್ರಿಶ್ಚಿಯನ್ ವೇದಿಕೆಯ ಸದಸ್ಯರು ಭಾಗಿ

•   Wed, Sep 16 2026 05:41:08 PM



• ಮಂಗಳೂರು,ಸೆ.16 (DaijiworldNews/AK): ಕೇಶವ ಸ್ಮೃತಿ ಸಂವರ್ಧನ್ ಟ್ರಸ್ಟ್ (ರಿ) ಆಶ್ರಯದಲ್ಲಿ ಆಯೋಜಿಸಲಾದ 79 ನೇ ವಾರ್ಷಿಕ ಸಾರ್ವಜನಿಕ ಗಣೇಶೋತ್ಸವದಲ್ಲಿ ರಾಷ್ಟ್ರೀಯವಾದಿ ಕ್ರಿಶ್ಚಿಯನ್ ವೇದಿಕೆಯ ನೇತೃತ್ವದಲ್ಲಿ ಕ್ರಿಶ್ಚಿಯನ್ ಸಮುದಾಯದ ಸದಸ್ಯರು ಬುಧವಾರ ಮಂಗಳೂರಿನ ಸಂಘನಿಕೇತನ ಕಾರ್ಯಕ್ರಮದಲ್ಲಿ ಭಾಗವಹಿಸಿದರು.

  

  

  

  

  

  

  

  ಸಂಘನಿಕೇತನಕ್ಕೆ ಆಗಮಿಸಿದ ನಿಯೋಗವು, ರಾಷ್ಟ್ರೀಯ ಸಮಸ್ಯೆಗಳು ಮತ್ತು ಸಾಮಾಜಿಕ ಕಳಕಳಿಗಳ ಕುರಿತು ಸಂಸ್ಥೆಯ ಕಚೇರಿಯಲ್ಲಿ ಹಿರಿಯ ಆರ್‌ಎಸ್‌ಎಸ್ ಕಾರ್ಯಕರ್ತರೊಂದಿಗೆ ಸಂವಾದ ನಡೆಸಿದರು. ನಂತರ ನಿಯೋಗವು ಸದಸ್ಯರು ಗಣೇಶೋತ್ಸವ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಗಣಪತಿಗೆ ಹೂ, ಹಣ್ಣುಗಳನ್ನು ಅರ್ಪಿಸಿ ಪೂಜೆ ಸಲ್ಲಿಸಿದರು. . ಬಳಿಕ ಸಂಸ್ಥೆಯ ಹಿರಿಯ ಸದಸ್ಯರೊಂದಿಗೆ ಉಪಾಹಾರವನ್ನು ಸವಿದರು.

  ಮಂಗಳೂರಿನ ಸಿಎ ಅಸೋಸಿಯೇಶನ್‌ನ ಅಧ್ಯಕ್ಷ ಸಿಎ ಡೇನಿಯಲ್ ಮಾರ್ಷ್ ಪಿರೇರಾ ನಿಯೋಗದ ನೇತೃತ್ವ ವಹಿಸಿದ್ದರು. ಡಾ ಅಲ್ವಿನ್ ಡೇಸಾ, ಮ್ಯಾಕ್ಸಿಮ್ ಕ್ರಾಸ್ತಾ, ನೋಟರಿ ಲಾನಿ ಪಿಂಟೋ, ವಕೀಲೆ ಜೀತ ಮೊರಾಸ್, ರೇಷ್ಮಾ ಡಿಸೋಜಾ, ನವೀನ್ ಫೆರ್ನಾಂಡಿಸ್, ಕುಲಶೇಖರ ಅರುಣ್ ಡಿಸೋಜಾ, ಸಿಂಥಿಯಾ ಮೊರಾಸ್, ರೋಮಿಯೋ ಫೆರ್ನಾಂಡಿಸ್, ನವೀನ್ ಡಿ'ಅಲ್ಮೇಡಾ, ಎವರ್ಟ್ ಡಿ'ಸೋಜಾ, ಪ್ರವಿಣ್‌ ಡಿ'ಸೋಜಾ, ಸಂದೀಪ್ ಡಿ’ಸೋಜಾ , ಪಿಂಟೊ, ಜೂಲಿಯಾನ ಮೊರಾಸ್, ಪ್ರವೀಣ್ ತಾವ್ರೋ ಮತ್ತು ಅರ್ಬನ್ ಡಿಸೋಜಾ ಕಡೆಕಾರ್ ಭಾಗವಹಿಸಿದ್ದರು.

  ಕಾರ್ಯಕ್ರಮದ ಭಾಗವಾಗಿ, ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸುತ್ತಿರುವ ಮೇಜರ್ ಪರ್ಲ್ ಫಿಯೋನಾ ಫೆರ್ನಾಂಡಿಸ್ ಅವರ ಪೋಷಕರು ಮತ್ತು ಭಾರತೀಯ ನೌಕಾಪಡೆಗೆ ನೇಮಕಗೊಂಡಿರುವ ಸಬ್-ಲೆಫ್ಟಿನೆಂಟ್ ನಿಶೆಲ್ ಡಿ'ಅಲ್ಮೇಡಾ ಅವರನ್ನು ಸನ್ಮಾನಿಸಲಾಯಿತು. ಜಿಲ್ಲಾ ಮಟ್ಟದ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ಪುರಸ್ಕೃತ ಸೇಂಟ್ ಅಲೋಶಿಯಸ್ ಪ್ರೌಢಶಾಲೆಯ ಪ್ರವೀಣ್ ಕೌಟಿನ್ಹೋ ಅವರನ್ನು ಸಹ ಸನ್ಮಾನಿಸಲಾಯಿತು.