ಮಂಗಳೂರು: ಲ್ಯಾಂಡ್ ಟ್ರೇಡ್ಸ್ ಬಿಲ್ಡರ್ ಮತ್ತು ಡೆವಲಪರ್ ನಿರ್ಮಾಣದ ನೂತನ ವಸತಿ ಸಂಕೀರ್ಣ 'ಲಕ್ಷ್ಮೀ ಗೋವಿಂದ್' ಲೋಕಾರ್ಪಣೆ

•   Sun, Sep 13 2026 08:04:57 PM



• ಮಂಗಳೂರು, ಸೆ.13 (DaijiworldNews/AA): ನಗರದ ಕದ್ರಿಯಲ್ಲಿ ಪ್ರತಿಷ್ಠಿತ ಲ್ಯಾಂಡ್ ಟ್ರೇಡ್ಸ್ ಬಿಲ್ಡರ್ ಮತ್ತು ಡೆವಲಪರ್ ಅವರಿಂದ ನಿರ್ಮಾಣಗೊಂಡ ನೂತನ ವಸತಿ ಸಂಕೀರ್ಣ 'ಲಕ್ಷ್ಮೀ ಗೋವಿಂದ್' ಭಾನುವಾರ ಲೋಕಾರ್ಪಣೆಗೊಂಡಿತು.

  ಶಾಸಕ ವೇದವ್ಯಾಸ ಕಾಮತ್ ಅವರು ನೂತನ ವಸತಿ ಯೋಜನೆಯನ್ನು ಉದ್ಘಾಟಿಸಿ ಮಾತನಾಡಿ, "ಲ್ಯಾಂಡ್ ಟ್ರೇಡ್ಸ್ ಮಾಲಕ ಶ್ರೀನಾಥ್ ಹೆಬ್ಬಾರ್ ಅವರು ಸುಂದರವಾದ ಪರಿಸರದಲ್ಲಿ ಈ ವಸತಿ ಸಮುಚ್ಚಯ 'ಲಕ್ಷ್ಮಿ ಗೋವಿಂದ್' ಅನ್ನು ನಿರ್ಮಿಸಿದ್ದಾರೆ. ಮಂಗಳೂರಿನ ಜನತೆಗೆ ಅವರು ನಗರದ ಬೇರೆ ಬೇರೆ ಭಾಗಗಳಲ್ಲಿ ಇಂತಹ ವಸತಿ ಯೋಜನೆಗಳನ್ನು ನಿರ್ಮಿಸಿದ್ದಾರೆ. ಶ್ರೀನಾಥ್ ಅವರು ಗುಣಮಟ್ಟದ ವಾಣಿಜ್ಯ ಹಾಗೂ ವಸತಿ ಅಪಾರ್ಟ್‌ಮೆಂಟ್‌ ನಿರ್ಮಾಣದಲ್ಲಿ ಹೆಸರುವಾಸಿಯಾಗಿದ್ದಾರೆ. ಅವರಿಂದ ಮನೆ ಪಡೆದವರು ಸಂತೃಪ್ತರಾಗಿದ್ದಾರೆ. ಬೆಂಗಳೂರು ಬಿಟ್ಟರೆ ಮಂಗಳೂರು ನಗರ ಅಭಿವೃದ್ಧಿಯಲ್ಲಿ ಮುಂಚೂಣಿಯಲ್ಲಿದ್ದು, ನಗರದ ಅಭಿವೃದ್ಧಿಯಲ್ಲಿ ಉದ್ಯಮಿಗಳ ಕೊಡುಗೆ ಅಪಾರ, ಅದಕ್ಕೆ ಪೂರಕವಾದ ನಿಯಮಾವಳಿಗಳನ್ನು ಮಂಗಳೂರು ಮಹಾನಗರ ಪಾಲಿಕೆ ನೀಡಿದೆ" ಎಂದು ನುಡಿದರು.

  ಮಾಜಿ ಮೇಯರ್‌ಗಳಾದ ಶಶಿಧರ ಹೆಗ್ಡೆ, ಭಾಸ್ಕರ ಕೆ, ಮಾಜಿ ಉಪಮೇಯರ್ ಲಾನ್ಸಿಲಾಟ್ ಪಿಂಟೊ , ಮಾಜಿ ಕಾರ್ಪೊರೇಟರುಗಳಾದ ಮನೋಹರ್ ಶೆಟ್ಟಿ,ಅಶೋಕ್ ಡಿ.ಕೆ, 'ಲಕ್ಷ್ಮಿ ಗೋವಿಂದ್' ವಸತಿ ಸಮುಚ್ಛಯದ ಭೂಮಿಯ ಮಾಲಕರಾದ ಸಿಎ ಸತೀಶ್ ಕಾಮತ್ ಮತ್ತು ವಿದ್ಯಾಕಾಮತ್ ಉಪಸ್ಥಿತರಿದ್ದರು. ಮಾಲೀಕರಾದ ಕೆ.ಶ್ರೀನಾಥ್ ಹೆಬ್ಬಾರ್ ಅವರು ಅತಿಥಿ ಗಣ್ಯರನ್ನು ಸಮ್ಮಾನಿಸಿದರು. ಮಹೇಶ್ ನಾಯಕ್ ಕಾರ್ಯಕ್ರಮ ನಿರೂಪಿಸಿದರು.

  ಆಧುನಿಕ ಸೌಲಭ್ಯಗಳು: ವಾಸ್ತು ಆಧಾರಿತವಾಗಿ ನಿರ್ಮಿಸಲಾದ ಈ ಕಟ್ಟಡದಲ್ಲಿ ಹಲವು ಆಧುನಿಕ ಸೌಕರ್ಯಗಳನ್ನು ಒದಗಿಸಲಾಗಿದೆ. ಲಿಫ್ಟ್ ಮತ್ತು ನೆಲ ಅಂತಸ್ತಿನಲ್ಲಿ ಸುರಕ್ಷಿತ ಪಾರ್ಕಿಂಗ್ ವ್ಯವ,ಸ್ಥೆ ಮಹಡಿಯ ಮೇಲೆ ಸುಸಜ್ಜಿತ ಸಮುದಾಯ ಭವನ, 24/7 ಸಿಸಿಟಿವಿ ಕಣ್ಗಾವಲು, ಇಂಟರ್‌ಕಾಮ್ ಸಂಪರ್ಕ ಹಾಗೂ ಶೇ 100 ಡಿಜಿ ಪವರ್ ಬ್ಯಾಕಪ್, ಅಡುಗೆ ಅನಿಲ ಸಂಪರ್ಕ, ಸೋಲಾರ್ ಶಕ್ತಿ ಹಾಗೂ ಮಳೆನೀರು ಕೊಯ್ಲು ವ್ಯವಸ್ಥೆ ಇದರಲ್ಲಿದೆ. ಕದ್ರಿಯ ಅಲ್ವಾರೆಸ್ ರಸ್ತೆಯ ಶಾಂತಿಯುತ ಪರಿಸರದಲ್ಲಿರುವ ಈ ಯೋಜನೆಗೆ ಶಾಲಾ-ಕಾಲೇಜುಗಳು, ಧಾರ್ಮಿಕ ಕ್ಷೇತ್ರಗಳು, ಮಾರುಕಟ್ಟೆ ಹಾಗೂ ಸಾರಿಗೆ ವ್ಯವಸ್ಥೆಗಳು ತೀರಾ ಹತ್ತಿರದಲ್ಲಿವೆ.

  ಅಕ್ಟೋಬರ್ 28, 1992 ರಂದು ಕೆ. ಶ್ರೀನಾಥ್ ಹೆಬ್ಬಾರ್ ಪ್ರಾರಂಭಿಸಿದ ಲ್ಯಾಂಡ್ ಟ್ರೇಡ್ಸ್ ಸಂಸ್ಥೆಯು ಐಎಸ್‌ಒ ಮಾನ್ಯತೆ ಹಾಗೂ ಕ್ರಿಸಿಲ್ 'ಡಿಎ2' ರೇಟಿಂಗ್ ಪಡೆದುಕೊಂಡಿದೆ. ಸಂಸ್ಥೆಯು ಇದುವರೆಗೆ ಸುಮಾರು 46 ಲಕ್ಷ ಚದರ ಅಡಿ ಪ್ರದೇಶದಲ್ಲಿ 45 ಯಶಸ್ವಿ ಯೋಜನೆಗಳನ್ನು ಪೂರ್ಣಗೊಳಿಸಿದ್ದು, 4, 000ಕ್ಕೂ ಹೆಚ್ಚು ಸಂತೃಪ್ತ ಗ್ರಾಹಕರನ್ನು ಹೊಂದಿದೆ.
  ಸಂಸ್ಥೆಯ ಶಿವಬಾಗ್(ಕದ್ರಿ), ಎಕ್ಸ್‌ಪರ್ಟೈಸ್ ಎನ್‌ಕ್ಲ್ಲೇವ್ (ಮಂಕಿ ಸ್ಟ್ಯಾಂಡ್), ಪ್ರಿಸ್ಟಿನ್(ಚಿಲಿಂಬಿ), ಬಿಎಂಕೆ ಸ್ಕೈ ವಿಲ್ಲಾ(ವಾಸ್ ಲೇನ್), ಮಹಾಲಕ್ಷ್ಮಿ (ಕುದ್ರೋಳಿ), ಆಲ್ಟಿಟ್ಯೂಡ್(ಲೋವರ್ ಬೆಂದೂರ್), ಕೃಷ್ಣ ಕುಟೀರ ಹಾಗೂ ದುರ್ಗಾ ಮಹಲ್ ಯೋಜನೆಗಳು ಪ್ರಗತಿಯಲ್ಲಿದೆ.

  ರಿಯಲ್ ಎಸ್ಟೇಟ್ ಕ್ಷೇತ್ರದಲ್ಲಿ 35 ವರ್ಷಗಳ ಸುದೀರ್ಘ ಅನುಭವ ಹೊಂದಿರುವ ಲ್ಯಾಂಡ್ ಟ್ರೇಡ್ಸ್ ಸಂಸ್ಥೆಗೆ ಈ ಯೋಜನೆ ಮತ್ತೊಂದು ಮೈಲಿಗಲ್ಲಾಗಿದೆ. 2024ರ ಅಕ್ಟೋಬರ್ 16 ರಂದು ಭೂಮಿ ಪೂಜೆಯೊಂದಿಗೆ ಆರಂಭಗೊಂಡ ಗ್ರೌಂಡ್ ಪ್ಲಸ್ 5 ಮಹಡಿಗಳ ಕಟ್ಟಡದ ನಿರ್ಮಾಣ ಕಾರ್ಯವು ಕೇವಲ ಎರಡೇ ವರ್ಷಗಳಲ್ಲಿ ಪೂರ್ಣಗೊಂಡಿದೆ. ಒಟ್ಟು 27 ಸೆಂಟ್ಸ್ ಜಾಗದಲ್ಲಿ ನಿರ್ಮಾಣಗೊಂಡಿರುವ ಈ ಯೋಜನೆಯಲ್ಲಿ 25 ಅಪಾರ್ಟ್‌ಮೆಂಟ್‌ಗಳು (2 ಮತ್ತು 3 ಬಿಎಚ್‌ಕೆ) ಲಭ್ಯವಿದ್ದು, ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ ಎಂದು ಸಂಸ್ಥೆಯ ಮೂಲಗಳು ತಿಳಿಸಿವೆ.