ಉಡುಪಿ: 2026ನೇ ಸಾಲಿನ ಯಕ್ಷಗಾನ ಅಕಾಡೆಮಿಯ ಪ್ರಶಸ್ತಿ ಪ್ರಕಟ

•   Thu, Aug 13 2026 09:04:21 PM



• ಉಡುಪಿ, ಆ. 13 (DaijiworldNews/AK): ಯಕ್ಷಗಾನ ಅಕಾಡೆಮಿಯು 2026ನೇ ಸಾಲಿನ ಪ್ರಶಸ್ತಿಗಳನ್ನು ಪ್ರಕಟಿಸಲಾಗಿದೆ. , ಖ್ಯಾತ ತೆಂಕುತಿಟ್ಟು ಮತ್ತು ಬಡಗುತಿಟ್ಟು ಯಕ್ಷಗಾನ ಕಲಾವಿದ ಎಂ.ಕೆ.ರಮೇಶ್ ಆಚಾರ್ಯ ಅವರನ್ನು ಪ್ರತಿಷ್ಠಿತ ಪಾರ್ತಿಸುಬ್ಬ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.

  ತೆಂಕುತಿಟ್ಟು ಕಲಾವಿದರಾದ ಜಪ್ಪು ದಯಾನಂದ ಶೆಟ್ಟಿ ಅವರಿಗೆ ಗೌರವ ಪ್ರಶಸ್ತಿಗಳನ್ನು ನೀಡಲಾಗಿದೆ. ತೆಂಕುತಿಟ್ಟು ಭಾಗವತರಾದ ಸಿರಿಬಾಗಿಲು ರಾಮಕೃಷ್ಣಮಯ್ಯ, ತೆಂಕುತಿಟ್ಟು ಮದ್ದಳೆ ಕಲಾವಿದ ಪದ್ಮನಾಭ ಉಪಾಧ್ಯಾಯ, ಬಡಗುತಿಟ್ಟು ಕಲಾವಿದರಾದ ಮಹಾಬಲ ದೇವಾಡಿಗ; ಮತ್ತು ಮೂಡಲಪಾಯ ಯಕ್ಷಗಾನ ಭಾಗವತರಾದ ದೊಡ್ಡ ಮಲ್ಲಯ್ಯ ಅವರನ್ನು ಗೌರವ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.

  ವೇದಮೂರ್ತಿ ರಾಘವೇಂದ್ರ ಆಸ್ರಣ್ಣ, ತೆಂಕುತಿಟ್ಟು ವೇಷಭೂಷಣ ಕಲಾವಿದೆ ಪೂರ್ಣಿಮಾ ಯತೀಶ್ ರೈ, ತೆಂಕುತಿಟ್ಟು ಭಾಗವತ ದುರ್ಗಾಪರಮೇಶ್ವರಿ ಕುಕ್ಕಿಲ, ತೆಂಕುತಿಟ್ಟು ಹಾಸ್ಯ ಕಲಾವಿದ ಉಜಿರೆ ನಾರಾಯಣ ಪೂಜಾರಿ ಮತ್ತು ತೆಂಕುತಿಟ್ಟು ಚೆಂಡೆ ಕಲಾವಿದರಾದ ವಿದ್ವಾನ್ ಲಕ್ಷ್ಮೀ ನಾರಾಯಣ ಉಪಾಧ್ಯ, ಬಡಗುತಿಟ್ಟು ಕಲಾವಿದರು ಹೆರಿಯ ನಾಯ್ಕ್ ಮೊಗೆಬೆಟ್ಟು, ಬಡಬಡಗು ಕಲಾವಿದರಾದ ರಾಮಗೌಡ ಗುಣವಂತೆ, ಹಿರಿಯ ತೆಂಕುತಿಟ್ಟು ಕಲಾವಿದರಾದ ಪಡ್ರೆ ಕುಮಾರ್, ತೆಂಕುತಿಟ್ಟು ವರ್ಣರಂಜಿತ ವೇಷಭೂಷಣ ಕಲಾವಿದ ರೇಶ್ ಕುಪ್ಪೆಪದವು, ಮತ್ತು ಯಕ್ಷಗಾನ ಕಲಾವಿದ ಶಿವಯ್ಯ, ಮೂಡಲಪಾಯ ಅವರಿಗೆ ಯಕ್ಷ ಸಿರಿ ಪ್ರಶಸ್ತ್ರಿಗೆ ಆಯ್ಕೆ ಮಾಡಲಾಗಿದೆಸ್‌

  2026 ರ ದತ್ತಿನಿಧಿ ಪ್ರಶಸ್ತಿಗಳ ಅಡಿಯಲ್ಲಿ, ಮೂಡಲಪಾಯ ಯಕ್ಷಗಾನ ಕಲಾವಿದ ಭೀಮಣ್ಣ ಅವರನ್ನು ದಿವಂಗತ ಕರ್ಕಿ ಹಿರಿಯಪರಮಯ್ಯ ಹಾಸ್ಯಗಾರ ದತ್ತಿ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ. ಆಂಧ್ರಪ್ರದೇಶದ ಸಂಶೋಧಕ ಪ್ರೊ.ಎಂ.ಎನ್.ವೆಂಕಟೇಶ್ ಅವರನ್ನು ಡಾ.ತಲ್ಲೂರ್ಸ್‌ ಶಿವರಾಮ ಶೆಟ್ಟಿ ಫ್ಯಾಮಿಲಿ ಟ್ರಸ್ಟ್ ದತ್ತಿ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.