ಉಳ್ಳಾಲ: ವಿಬಿ-ಜಿ ರಾಮ್-ಜಿ ಹಾಗೂ ಕೃಷಿ ಇಲಾಖೆಯ ಸೌಲಭ್ಯಗಳ ಮಾಹಿತಿ ಕಾರ್ಯಗಾರ

•   Fri, Jul 24 2026 04:34:36 PM



• ಉಳ್ಳಾಲ, 24 (DaijiworldNews/AK): ಗ್ರಾಮ ಪಂಚಾಯತಿ ನರಿಂಗಾನ, ತಾಲೂಕು ಪಂಚಾಯತ್ ಉಳ್ಳಾಲ, ಗ್ರಾಮ ಪಂಚಾಯತ್ ನರಿಂಗಾನ, ಕೃಷಿ ಇಲಾಖೆ ಬಂಟ್ವಾಳ, ಜನ ಶಿಕ್ಷಣ ಟ್ರಸ್ಟ್, ಸಂಜೀವಿನಿ ಒಕ್ಕೂಟ ನರಿಂಗಾನ ಇವುಗಳ ಸಂಯುಕ್ತ ಆಶ್ರಯದಲ್ಲಿ ಇತ್ತೀಚೆಗೆ ತೌಡುಗೋಳಿ ಸಭಾಂಗಣದಲ್ಲಿ ಕೃಷಿ ಇಲಾಖೆ ಸೌಲಭ್ಯಗಳ ಮಾಹಿತಿ, ಕೃಷಿ ಸಂಬಂಧಿತ ಐಡಿ ಕಾರ್ಡ್ಗಳ ಮಾಹಿತಿ ಹಾಗೂ ವಿ. ಬಿ. ರಾಮ್. ಜಿ ಯೋಜನೆ ಬಗ್ಗೆ ಮಾಹಿತಿ ಶಿಕ್ಷಣ ಕಾರ್ಯಕ್ರಮ ನಡೆಯಿತು.

  ಈ ಸಂದರ್ಭದಲ್ಲಿ ಮೊದಲಿಗೆ ಕೃಷಿ ಸಂಬಂಧಿತ ಸರಕಾರ ಐಡಿ ಕಾರ್ಡ್ ಗಳ ಬಗ್ಗೆ ಯೋಜನೆ ಬಗ್ಗೆ ಮೌನೇಶ್ ವಿಶ್ವಕರ್ಮ ಇವರ ನೇತೃತ್ವದ ಸಂಸಾರ ತಂಡದಿಂದ ಬೀದಿ ನಾಟಕ ನಡೆಯಿತು. ಬಂಟ್ವಾಳ ಕೃಷಿ ಇಲಾಖೆ ಅಧಿಕಾರಿ ನಂಧನ್ ಶೆಣೈ ಹಾಗೂ ಕೃಷಿ ಸಂಯೋಜಕರಾದ ಹನುಮಂತ ಬೆಳೆ ವಿಮೆ, ಬೆಳೆ ಸಮೀಕ್ಷೆ, ಐಡಿ ಕಾರ್ಡ್ ಹಾಗೂ ಕೃಷಿ ಸೌಲಭ್ಯಗಳ ಬಗ್ಗೆ ಮಾಹಿತಿ ಹಂಚಿಕೊಂಡರು. ಜಿಲ್ಲಾ ಸ್ವಚ್ಛತ ರಾಯಭಾರಿ ಶೀನ ಶೆಟ್ಟಿ ಮಾತನಾಡಿ ಕೃಷಿಯೊಂದಿಗೆ ಸ್ವಚ್ಛತೆ ಹಾಗೂ ಆರೋಗ್ಯ ಕಾಪಾಡಕೊಳ್ಳುವ ಬಗ್ಗೆ ತಿಳಿಸಿದರು.

  ತಾಲೂಕು ಪಂಚಾಯತ್ ಉಳ್ಳಾಲ ವಿಬಿ-ಜಿ ರಾಮ್-ಜಿ ಯೋಜನೆಯ ಬಗ್ಗೆ ಐ ಇ ಸಿ ಸಂಯೋಜಕರಾದ ನಿಶ್ಮಿತಾ ಅವರು ತಿಳಿಸಿದರು. ಕೃಷಿ ಸಮಾಜದ ಪ್ರಧಾನ ಕಾರ್ಯದರ್ಶಿ ಜೋಶೇಫ್ ಅವರು ಕೃಷಿ ಸಮಾಜ ಪ್ರತಿ ಸೌಲಭ್ಯವನ್ನು ರೈತರಿಗೆ ಕೃಷಿಕರಿಗೆ ತಲುಪಿಸುವ ಬಗ್ಗೆ ತಿಳಿಸಿದರು.

  ಗೊಳ್ತಾ ಮಜಲು ಪಂಚಾಯತ್ ಕೃಷಿ ಸಖಿ ಪುಷ್ಪವತಿ ಮಲ್ಲಿಗೆ ಕೃಷಿ ಬಗ್ಗೆ ಮಾಹಿತಿ ಹಾಗೂ ತರಬೇತಿ ನೀಡಿದರು ಭಾಗವಹಿಸಿದ ಕೃಷಿಕರಿಗೆ ಜನ ಶಿಕ್ಷಣ ಮೂಲಕ ಉಚಿತ ಮಲ್ಲಿಗೆ ಗಿಡ, ವೀಳ್ಯದೆಲೆ ಬಳ್ಳಿ ನೀಡಲಾಯಿತು.

  ವೇದಿಕೆಯಲ್ಲಿ ಪಂಚಾಯತ್ ಮಾಜಿ ಉಪಾಧ್ಯಕ್ಷರಾದ ಜ್ಯೋತಿ ಡಿಸೊಜಾ, ಜನ ಶಿಕ್ಷಣ ಟ್ರಸ್ಟ್ ಕೃಷ್ಣ ಮೂಲ್ಯ ಮಾಜಿ ಸದಸ್ಯರಾದ ಶ್ರೀ ಮುರಳಿ,ಪಂಚಾಯತ್ ಕಾರ್ಯದರ್ಶಿ ನಳಿನಿ, ಶ್ರೀ ಸುಂದರ, ಭಗವಾಹಿಸಿದ್ದರು

  ಜನ ಶಿಕ್ಷಣ ಟ್ರಸ್ಟ್ ಕಾರ್ಯಕ್ರಮ ಸಂಯೋಜಕ ಚೇತನ್ ಪಡ್ಪು ನಿರೂಪಿಸಿದರು.