ಉಡುಪಿ: 4,711 ರೂ. ಡೀಸೆಲ್ ಹಾಕಿಸಿ ಹಣ ಕೊಡದೇ ಕಾರು ಚಾಲಕ ಪರಾರಿ -ದೂರು ದಾಖಲು

•   Tue, Jun 30 2026 04:23:33 PM



• ಉಡುಪಿ, ಜೂ. 30 (DaijiworldNews/AK): ಪೆಟ್ರೋಲ್‌ ಬಂಕ್‌ನಲ್ಲಿ ಕಾರಿಗೆ 4,711 ರೂ. ಮೌಲ್ಯದ ಡೀಸೆಲ್‌ ಹಾಕಿಸಿಕೊಂಡು ಹಣ ಕೊಡದೆ ಅಪರಿಚಿತ ವ್ಯಕ್ತಿಗಳು ವಾಹನ ಚಲಾಯಿಸಿಕೊಂಡು ಪರಾರಿಯಾದ ಘಟನೆ ಉಡುಪಿ ಜಿಲ್ಲೆಯ ಕುರ್ಕಲ್ ಗ್ರಾಮದಲ್ಲಿರುವ ಇಂಡಿಯನ್ ಆಯಿಲ್ ಇಂಧನ ಕೇಂದ್ರದಲ್ಲಿ ನಡೆದಿದೆ. ಆರೋಪಿಗಳ ವಿರುದ್ಧ ಶಿರ್ವ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.

  ಕುರ್ಕಲ್ ಇಂಧನ ತುಂಬುವ ಕೇಂದ್ರದ ವ್ಯವಸ್ಥಾಪಕ ಆಶಿಶ್ ಕರ್ಕಡ ಅವರು ಸಲ್ಲಿಸಿದ ದೂರಿನ ಪ್ರಕಾರ, ಜೂನ್ 27 ರಂದು ರಾತ್ರಿ 9.20 ರ ಸುಮಾರಿಗೆ ಈ ಘಟನೆ ಸಂಭವಿಸಿದೆ. ಬಿಳಿ ಬಣ್ಣದ ಫೋರ್ಡ್ ಇಕೋಸ್ಪೋರ್ಟ್ ಕಾರು ಬಂಕ್‌ಗೆ ಬಂದು ಫುಲ್‌ ಟ್ಯಾಂಕ್ ಡೀಸೆಲ್ ಹಾಕುವಂತೆ ಹೇಳಿದ್ದಾರೆ. ಇಂಧನ ತುಂಬಿದ ನಂತರ ಬಿಲ್ ಕೊಡುವಂತೆ ಸಿಬ್ಬಂದಿಯನ್ನು ಕೇಳಿದ್ದಾರೆ. ಆದರೆ ಬಿಲ್ ಸಿದ್ಧಪಡಿಸುವ ವೇಳೆ ವಾಹನ ಸವಾರರು ಹಣ ಪಾವತಿಸದೇ ಬಂಕ್‌ನಿಂದ ವೇಗವಾಗಿ ಪರಾರಿಯಾಗಿದ್ದಾರೆ .  ಅವರು 4,711.09 ರೂ ನಷ್ಟು  ಇಂಧನವನ್ನು ವಾಹನಕ್ಕೆ ಹಾಕಿಸಿಕೊಂಡಿದ್ದರು ಎನ್ನಲಾಗಿದೆ.

  ಇಂಧನ ಬಂಕ್ ಸಿಬ್ಬಂದಿಯ ಪ್ರಕಾರ , ವಾಹನದೊಳಗೆ ಮೂವರು ಯುವಕರು ಇದ್ದರು. ಅವರು ನಿರರ್ಗಳವಾಗಿ ತುಳು ಮಾತನಾಡುತ್ತಿದ್ದರು ಮತ್ತು ಕುಮಟಾದವರೆಂದು ಹೇಳಿಕೊಳ್ಳುತ್ತಿದ್ದರು ಎಂದು ವರದಿಯಾಗಿದೆ. ದೂರುದಾರರು , ವಾಹನದೊಳಗೆ ಬಿಯರ್ ಬಾಟಲ್ ಮತ್ತು ಚಿಪ್ಸ್‌ ಪ್ಯಾಕೆಟ್‌ಗಳು ಕಂಡುಬಂದಿವೆ ಎಂದು ಹೇಳಲಾಗಿರುವುದರಿಂದ, ಕಾರಿನಲ್ಲಿ ಪ್ರಯಾಣಿಸುವವರು ಮದ್ಯದ ಅಮಲಿನಲ್ಲಿದ್ದರು ಎಂದು ಸಿಬ್ಬಂದಿ  ಅನುಮಾನ ವ್ಯಕ್ತಪಡಿಸಿದ್ದು,  ಕಾರಿನ ಕಿಟಕಿಗಳು ಸಹ ಕಪ್ಪು ಬಣ್ಣದಲ್ಲಿದ್ದವು ಎಂದು ವರದಿಯಾಗಿದೆ.

  ಘಟನೆಯ ಬಗ್ಗೆ ಸಿಸಿಟಿವಿ ದೃಶ್ಯಾವಳಿಗಳು ಲಭ್ಯವಿದೆ ಎಂದು ಇಂಧನ ಕೇಂದ್ರದ ಆಡಳಿತ ಮಂಡಳಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಆದರೆ ಪ್ರಕಾಶಮಾನವಾದ ಹೆಡ್‌ಲೈಟ್‌ನಿಂದ ಕ್ಯಾಮೆರಾದಲ್ಲಿ ವಾಹನದ ನೋಂದಣಿ ಸಂಖ್ಯೆಯನ್ನು ಸ್ಪಷ್ಟವಾಗಿ ಗುರುತಿಸಲು ಸಾಧ್ಯವಾಗುತ್ತಿಲ್ಲ. ಆಂತರಿಕ ಪರಿಶೀಲನೆಯಲ್ಲಿ ವೇಳೆ ಇಂಧನ ಬಂಕ್ ಸಿಬ್ಬಂದಿ ಭಾಗಿಯಾಗಿಲ್ಲ ಮತ್ತು ಈ ಅಪರಾಧವನ್ನು ಅಪರಿಚಿತ ವ್ಯಕ್ತಿಗಳು ಮಾಡಿದ್ದಾರೆ ಎಂದು ದೂರಿನಲ್ಲಿ ಹೇಳಲಾಗಿದೆ.

  ಶಿರ್ವಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಹೆಚ್ಚಿನ ತನಿಖೆ ನಡೆಯುತ್ತಿದೆ.