ಉಡುಪಿ: ಅಸ್ವಸ್ಥಗೊಂಡ ಪ್ರಯಾಣಿಕ- ಆಸ್ಪತ್ರೆಗೆ ಬಸ್‌ ತೆಗೆದುಕೊಂಡು ಹೋಗಿ ಪ್ರಾಣ ಉಳಿಸಿದ ಚಾಲಕ

•   Wed, Jun 24 2026 01:35:25 PM



• ಉಡುಪಿ,ಜೂ. 24 (DaijiworldNews/AK): ಶಿವಮೊಗ್ಗದಿಂದ ಬರುತ್ತಿದ್ದ ಖಾಸಗಿ ಬಸ್ಸಿನಲ್ಲಿ ಪ್ರಯಾಣಿಸುತ್ತಿದ್ದ ಪ್ರಯಾಣಿಕನೊಬ್ಬ ಪರ್ಕಳ ಬಳಿ ಹಠಾತ್ ಆರೋಗ್ಯದಿಂದ ಅಸ್ವಸ್ಥಗೊಂಡಿದ್ದು, ಅವರನ್ನು ಕೂಡಲೇ ಪ್ರಯಾಣಿಕರ ಸಹಿತ ಬಸ್‌ನಲ್ಲೇ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ದಾಖಿಲಸುವ ಮೂಲಕ ಚಾಲಕ ಪ್ರಾಣ ಉಳಿಸಿದ್ದಾರೆ.

  

  

  

   

  ಪ್ರಯಾಣಿಕನ ಪರಿಸ್ಥಿತಿಯ ಗಂಭೀರತೆಯನ್ನು ಅರಿತ ಬಸ್ ಚಾಲಕ ಮಂಜುನಾಥ್ ತಕ್ಷಣ ಕಾರ್ಯನಿರ್ವಹಿಸಿ ಬಸ್ಸನ್ನು ನೇರವಾಗಿ ಮಣಿಪಾಲದ ಖಾಸಗಿ ಆಸ್ಪತ್ರೆಯ ತುರ್ತು ವಿಭಾಗಕ್ಕೆ ಕರೆದುಕೊಂಡು ಹೋಗಿ ಪ್ರಯಾಣಿಕನನ್ನು ತಕ್ಷಣ ಚಿಕಿತ್ಸೆಗೆ ದಾಖಲಿಸಲಾಯಿತು. ವೈದ್ಯರು ಅಗತ್ಯ ವೈದ್ಯಕೀಯ ಆರೈಕೆಯನ್ನು ಒದಗಿಸಿ ಪ್ರಯಾಣಿಕನ ಸ್ಥಿತಿ ಈಗ ಸ್ಥಿರವಾಗಿದ್ದು, ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ವರದಿಯಾಗಿದೆ.

  ನಿನ್ನೆ ಶಿವಮೊಗ್ಗದಿಂದ ಉಡುಪಿಗೆ ಪ್ರಯಾಣಿಸುತ್ತಿದ್ದಾಗ, ಒಬ್ಬ ಪ್ರಯಾಣಿಕ ಅಸ್ವಸ್ಥನಾಗಿದ್ದಾನೆ ಎಂದು ಕಂಡಕ್ಟರ್ ನನಗೆ ತಿಳಿಸಿದರು. ನಾನು MIT ಬಳಿ ಬಸ್ ನಿಲ್ಲಿಸಿದ ತಕ್ಷಣ ಅವರನ್ನು ಪರಿಶೀಲಿಸಿದಾಗ ಅವರಿಗೆ ಹೃದಯಾಘಾತದ ಲಕ್ಷಣಗಳು ಕಂಡುಬರುತ್ತಿವೆ ಎಂದು ತಿಳಿಯಿತು.

  ಅವರು ತಣ್ಣಗಾಗಿದ್ದರು ಮತ್ತು ಬೆವರಿದ್ದರು ನಾನು ಇತರ ಪ್ರಯಾಣಿಕರನ್ನು ಕೆಳಗಿಳಿಯಲು ಹೇಳದೆ ನೇರವಾಗಿ ಮಣಿಪಾಲದ ಖಾಸಗಿ ಆಸ್ಪತ್ರೆಯ ತುರ್ತು ವಿಭಾಗಕ್ಕೆ ಬಸ್ ಅನ್ನು ಕರೆದೊಯ್ಯಲು ನಿರ್ಧರಿಸಿದೆ. ಯಾವುದೇ ಮನುಷ್ಯ ಏನು ಮಾಡಬೇಕೋ ಅದನ್ನು ನಾನು ಮಾಡಿದೆ. ನಾನು ಆಂಬ್ಯುಲೆನ್ಸ್ ಕೂಡ ಓಡಿಸುವುದರಿಂದ, ಪರಿಸ್ಥಿತಿಯ ಗಂಭೀರತೆಯನ್ನು ನಾನು ಅರ್ಥಮಾಡಿಕೊಳ್ಳಬಲ್ಲೆ, ಮತ್ತು ಯಾವುದೇ ಜವಾಬ್ದಾರಿಯುತ ಚಾಲಕನು ಅದೇ ರೀತಿ ವರ್ತಿಸುತ್ತಿದ್ದನು ಎಂದು ನಾನು ನಂಬುತ್ತೇನೆ" ಎಂದು ಬಸ್ ಚಾಲಕ ಮಂಜುನಾಥ್ ಹೇಳಿದರು. ಚಾಲಕನ ಮಾನವೀಯತೆ  ಕೆಲಸ  ಸಾರ್ವಜನಿಕರಿಂದ ವ್ಯಾಪಕ ಮೆಚ್ಚುಗೆಯನ್ನು ಗಳಿಸಿದೆ.