ಪುತ್ತೂರು : 42 ಅಡಿ ಎತ್ತರದ ಸುಂದರ ನಕ್ಷತ್ರ ರಚಿಸಿ ನೆಲ್ಯಾಡಿ ಯುವಕರ ದಾಖಲೆ!

•   Wed, Dec 10 2025 01:24:29 PM



• ಪುತ್ತೂರು, ಡಿ. 10 (DaijiworldNews/TA): ಸಂತ ಅಲ್ಫೋನ್ಸಾ ಚರ್ಚ್ ನ ಯುವಕರ ತಂಡ 42 ಅಡಿ ಎತ್ತರವಿರುವ ಕ್ರಿಸ್ಮಸ್ ನಕ್ಷತ್ರ ರಚಿಸಿ ದಾಖಲೆ ನಿರ್ಮಿಸಿದೆ. ಕಡಬ ತಾಲೂಕಿನ ನೆಲ್ಯಾಡಿ ಸಂತ ಅಲ್ಫೋನ್ಸಾ ಚರ್ಚ್ ನ ಎಸ್ಎಂವೈಎಂ ಯುವಕರು ಈ ವರ್ಷ ಕ್ರಿಸ್ಮಸ್ ಸಂಭ್ರಮಕ್ಕೆ ದಕ್ಷಿಣ ಕನ್ನಡ ಜಿಲ್ಲೆಯಲ್ಲೇ ಅತಿ ದೊಡ್ಡ ಮತ್ತು ಅತಿ ಎತ್ತರದ ಕ್ರಿಸ್ಮಸ್ ನಕ್ಷತ್ರವನ್ನು ರಚಿಸಿ ದಾಖಲೆ ನಿರ್ಮಿಸಿದ್ದಾರೆ.

  

  

  

  

  42 ಅಡಿ ಎತ್ತರವಿರುವ ಈ ಮಹಾ ಕ್ರಿಸ್ಮಸ್ ತಾರೆ, ಈಗ ಜಿಲ್ಲೆಯ ಅತಿ ಎತ್ತರದ ಕ್ರಿಸ್ಮಸ್ ನಕ್ಷತ್ರ ಎಂಬ ಗೌರವ ಪಡೆದಿದೆ. ಏಕತೆ, ಪರಿಸರ ಸ್ನೇಹಿ ಅಲಂಕಾರ ಹಾಗೂ ಸೌಹಾರ್ದತೆಯನ್ನು ಪ್ರತಿಬಿಂಬಿಸುವಂತೆ ಈ ನಕ್ಷತ್ರವನ್ನು ವಿನ್ಯಾಸಗೊಳಿಸಲಾಗಿದೆ.

  ಈ ಕ್ರಿಸ್ಮಸ್ ನಕ್ಷತ್ರ ಫಾ. ಶಾಜಿ ಮ್ಯಾಥ್ ಮತ್ತು ಫಾ.ಅಲೆಕ್ಸ್ ಜಾನ್ಸನ್ ಮಾರ್ಗದರ್ಶನದಲ್ಲಿ ನೆಲ್ಯಾಡಿ ಸಂತ ಅಲೋನ್ಸಾ ಚರ್ಚ್ನ ಯುವಕರ ಕಠಿಣ ಪರಿಶ್ರಮದ ಸಂಕೇತವಾಗಿದೆ. ಪ್ರತಿದಿನ ರಾತ್ರಿ ನಾನಾ ಕಡೆಗಳಿಂದ ಈ ನಕ್ಷತ್ರವನ್ನು ವೀಕ್ಷಿಸಲು ಜನರು ಭೇಟಿ ನೀಡುತ್ತಿದ್ದಾರೆ.