ಬೈಂದೂರು: ಬಲೆಗೆ ಬಿದ್ದ 350 ಕೆ.ಜಿ. ತೂಕದ ಬೃಹತ್ ಮಡಲು ಮೀನು

•   Fri, Nov 28 2025 01:50:07 PM



• ಬೈಂದೂರು, ನ. 28 (DaijiworldNews/AA): ಬೈಂದೂರು ತಾಲೂಕಿನ ಉಪ್ಪುಂದ ಸಮೀಪದ ಮೀನುಗಾರರ ಬಲೆಗೆ ಸುಮಾರು 350 ಕೆ.ಜಿ. ತೂಕದ ಬೃಹತ್ ಗಾತ್ರದ ಮಡಲು ಮೀನು ದೊರೆತಿರುವುದಾಗಿ ವರದಿಯಾಗಿದೆ.

  ಗಿಲ್‌ನೆಟ್ ಮೀನುಗಾರರ ಬಲೆಗೆ ಬಿದ್ದ ಈ ಮೀನನ್ನು ಮಲ್ಪೆ ಬಂದರಿಗೆ ತರಲಾಯಿತು. ಸುಮಾರು 13 ಅಡಿ ಉದ್ದದ ಈ ಮೀನು 350 ಕೆಜಿ ತೂಕವನ್ನು ಹೊಂದಿದೆ. ಇದನ್ನು ಕೆ.ಜಿ.ಗೆ 70ರೂ.ನಂತೆ ಕೇರಳದ ಮೀನು ವ್ಯಾಪಾರಿಗಳಿಗೆ ಮಾರಾಟ ಮಾಡಲಾಯಿತು. ಸ್ಥಳೀಯವಾಗಿ ಮಡಲು ಎಂದು ಮತ್ತು ಕೇರಳದಲ್ಲಿ ಕಟ್ಟಕಂಬ ಎಂದು ಈ ದೈತ್ಯ ಮೀನು ಕರೆಯಲ್ಪಡುತ್ತದೆ.

  ಮಲೆನಾಡು ಪ್ರದೇಶ ಮತ್ತು ಕೇರಳದಲ್ಲಿ ಈ ಜಾತಿಯ ಮೀನಿಗೆ ಹೆಚ್ಚಿನ ಬೇಡಿಕೆ ಇದೆ ಎಂದು ಎಸ್‌ಕೆಆರ್‌ಸಿಬಿ ಪಕ್ಷದ ಸುರೇಶ್ ತಿಳಿಸಿದ್ದಾರೆ.