ಪುತ್ತೂರು: ಅಪ್ರಾಪ್ತ ವಯಸ್ಕರ ವಿಡಿಯೋ ಪ್ರಸಾರ ಪ್ರಕರಣ- ರಾಣೆಯಲ್ಲಿ ಕೇಸ್‌ ದಾಖಲು

•   Tue, Jul 29 2025 02:55:28 PM



• ಪುತ್ತೂರು, ಜು. 29 (DaijiworldNews/AK): ಪುತ್ತೂರಿನಲ್ಲಿ ನಡೆದ ಹಿಂದಿನ ಪ್ರಕರಣಕ್ಕೆ ಸಂಬಂಧಿಸಿದ ಇಬ್ಬರು ಅಪ್ರಾಪ್ತ ವಯಸ್ಕರನ್ನು ಒಳಗೊಂಡ ವೀಡಿಯೊವನ್ನು ಕಾನೂನು ನಿರ್ಬಂಧಗಳನ್ನು ಉಲ್ಲಂಘಿಸಿ ಸಾಮಾಜಿಕ ಮಾಧ್ಯಮ ಮತ್ತು ಇತರ ವೇದಿಕೆಗಳಲ್ಲಿ ಪ್ರಸಾರ ಮಾಡಿದ ಹಿನ್ನಲೆ ದಕ್ಷಿಣ ಕನ್ನಡ ಜಿಲ್ಲಾ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

  ಜುಲೈ 5 ರಂದು  ಅಪ್ರಾಪ್ತ ಪ್ರಾಯದ ಬಾಲಕ ಹಾಗೂ ಆತನ‌ ಜೊತೆಗಿದ್ದ ಅಪ್ರಾಪ್ತ ಪ್ರಾಯದ ಬಾಲಕಿಯ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಸಾರ ಮಾಡಿರುವ ಕುರಿತು ಪುತ್ತೂರು ಪಟ್ಟಣ ಪೊಲೀಸ್ ಠಾಣೆಯಲ್ಲಿ  ಪ್ರಕರಣ (ಅಪರಾಧ ಸಂಖ್ಯೆ 54/2025) ದಾಖಲಾಗಿತ್ತು.  ಬಾಲಾಪರಾಧಿಗಳನ್ನು ಒಳಗೊಂಡ ಮಾಧ್ಯಮಗಳನ್ನು ಹಂಚಿಕೊಳ್ಳುವುದರ ಮೇಲೆ ಕಟ್ಟುನಿಟ್ಟಿನ ಕಾನೂನು ನಿಷೇಧಗಳ ಹೊರತಾಗಿಯೂ, ಅಪರಿಚಿತ ವ್ಯಕ್ತಿಗಳು ಮತ್ತು ಮಾಧ್ಯಮ ವೇದಿಕೆಗಳು ವೀಡಿಯೊ ಕ್ಲಿಪ್ ಅನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿವೆ ಎಂದು ವರದಿಯಾಗಿದೆ.

  ಅಪ್ರಾಪ್ತ ಬಾಲಕನ ತಂದೆ ಸಲ್ಲಿಸಿದ ದೂರಿನ ಮೇರೆಗೆ, ಪೊಲೀಸರು ಸಕ್ಷಮ ನ್ಯಾಯಾಲಯದಿಂದ ಅನುಮತಿ ಪಡೆದು, ಜುಲೈ 28, 2025 ರಂದು ದಕ್ಷಿಣ ಕನ್ನಡ ಜಿಲ್ಲಾ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಬಾಲ ನ್ಯಾಯ ಕಾಯ್ದೆಯ ಸೆಕ್ಷನ್ 74 ರ ಅಡಿಯಲ್ಲಿ ಹೊಸ ಪ್ರಕರಣವನ್ನು (ಅಪರಾಧ ಸಂಖ್ಯೆ 57/2025) ದಾಖಲಿಸಿದ್ದಾರೆ. ವೀಡಿಯೊ ಪ್ರಸಾರಕ್ಕೆ ಕಾರಣರಾದವರ ವಿರುದ್ಧ ಮುಂದಿನ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ.