ಬಂಟ್ವಾಳ: ಹೆದ್ದಾರಿಗೆ ಉರುಳಿದ ರಸ್ತೆ ಬದಿಯಲ್ಲಿದ್ದ ಬಂಡೆಕಲ್ಲು

•   Sat, Jul 05 2025 07:47:21 PM



• ಬಂಟ್ವಾಳ, ಜು. 05 (DaijiworldNews/AA): ಬಿ.ಸಿ.ರೋಡು - ವಿಲ್ಲಾಪುರಂ ರಾಷ್ಟೀಯ ಹೆದ್ದಾರಿ ಬಂಟ್ವಾಳ ಸಮೀಪದ ಭಂಡಾರಿಬೆಟ್ಟು ಎಂಬಲ್ಲಿ ರಸ್ತೆಯ ಬದಿಯಲ್ಲೇ ಇದ್ದ ಬಂಡೆಕಲ್ಲೊಂದು ಹೆದ್ದಾರಿಗೆ ಉರುಳಿ ಘಟನೆ ಶನಿವಾರ ನಡೆಯಿತು.

  ಶನಿವಾರ ಮಧ್ಯಾಹ್ನ ಭಾರಿ ಗಾಳಿ ಮಳೆಗೆ ಮಣ್ಣು ಕುಸಿದ ವೇಳೆ ಬಂಡೆಕಲ್ಲು ರಸ್ತೆಗೆ ಉರುಳಿದೆ ಎನ್ನಲಾಗಿದ್ದು, ಕೆಲ ಹೊತ್ತು ರಸ್ತೆ ಸಂಚಾರಕ್ಕೆ ತೊಡಕುಂಟಾಯಿತು.

  ಬಂಟ್ವಾಳ ಪುರಸಭೆ ಹಾಗೂ ಕಂದಾಯ ಇಲಾಖೆ ವತಿಯಿಂದ ಜೆಸಿಬಿಯಿಂದ ತೆರವು ಕಾರ್ಯ ನಡೆಯಿತು. ಈ ಸಂದರ್ಭ ಪುರಸಭಾ ಸದಸ್ಯ ಹರಿಪ್ರಸಾದ್, ಕಂದಾಯ ಇಲಾಖಾಧಿಕಾರಿಗಳು ಸ್ಥಳದಲ್ಲಿ ಹಾಜರಿದ್ದರು.