ಮಂಗಳೂರು: 6 ವರ್ಷಗಳ ನಂತರ ಹೊಸ ಕದ್ರಿ-ಮಲ್ಲಿಕಟ್ಟೆ ಮಾರುಕಟ್ಟೆಗೆ ಅಂಗಡಿಗಳ ಸ್ಥಳಾಂತರ

•   Mon, Jun 02 2025 02:54:36 PM



• ಮಂಗಳೂರು, ಜೂ. 02 (DaijiworldNews/AA): 6 ವರ್ಷಗಳ ನಂತರ ತಾತ್ಕಾಲಿಕ ಮಾರುಕಟ್ಟೆಯಿಂದ ನೂತನವಾಗಿ ನಿರ್ಮಿಸಲಾಗಿರುವ ಕದ್ರಿ-ಮಲ್ಲಿಕಟ್ಟೆ ಮಾರುಕಟ್ಟೆಗೆ ಜೂನ್ 2 ರಂದು ಹಲವು ಅಂಗಡಿಗಳು ಸ್ಥಳಾಂತರಗೊಂಡಿವೆ.

  ಹೊಸ ಮಾರುಕಟ್ಟೆಗೆ 2019 ರಲ್ಲಿ ಶಂಕುಸ್ಥಾಪನೆ ಮಾಡಲಾಗಿತ್ತು. ಇದೀಗ ಆರು ವರ್ಷಗಳ ನಂತರ, ಕದ್ರಿ-ಮಲ್ಲಿಕಟ್ಟೆ ಮಾರುಕಟ್ಟೆ ಅಂತಿಮವಾಗಿ ಸಾರ್ವಜನಿಕರಿಗೆ ತೆರೆದುಕೊಂಡಿದೆ. ತಾಂತ್ರಿಕ ಸಮಸ್ಯೆಗಳಿಂದಾಗಿ ಕಳೆದ ಒಂದು ವರ್ಷದಿಂದ ಮಾರುಕಟ್ಟೆ ಬಳಕೆಯಾಗದೆ ಉಳಿದಿತ್ತು.

  ಇದೀಗ ಎಲ್ಲಾ ಮೂಲಭೂತ ಸೌಕರ್ಯಗಳೊಂದಿಗೆ ಬಳಕೆಗೆ ಸಜ್ಜುಗೊಂಡಿದೆ. 25 ರಿಂದ 30 ಕ್ಕೂ ಹೆಚ್ಚು ಅಂಗಡಿಗಳು - ಮಾಂಸ ಮತ್ತು ಮೀನು ಮಳಿಗೆಗಳು, ಹೂವಿನ ವ್ಯಾಪಾರಿಗಳು, ಕಿರಾಣಿ ಅಂಗಡಿಗಳು ಸೇರಿದಂತೆ ಇತರೆ ಅಂಗಡಿಗಳು ಹೊಸ ಆವರಣದಲ್ಲಿ ಕಾರ್ಯನಿರ್ವಹಿಸಲು ಪ್ರಾರಂಭಿಸಿವೆ. 10 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಿಸಲಾಗಿರುವ ಈ ಮಾರುಕಟ್ಟೆಯು ನೆಲ ಮಹಡಿ ಮತ್ತು ಮೂರು ಹೆಚ್ಚುವರಿ ಮಹಡಿಗಳನ್ನು ಹೊಂದಿದೆ.

  ಕಂಕನಾಡಿ ಮಾರುಕಟ್ಟೆ ಮುಂದಿನ ದಿನಗಳಲ್ಲಿ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ. ಈ ಮಧ್ಯೆ, ತಾಂತ್ರಿಕ ಸಮಸ್ಯೆಯಿಂದಾಗಿ ಉರ್ವಾ ಮಾರುಕಟ್ಟೆ ತೆರೆಯುವುದು ವಿಳಂಬವಾಗುತ್ತಿದೆ. ಆದರೆ ಮಾರುಕಟ್ಟೆ ತಾಂತ್ರಿಕ ಸಮಸ್ಯೆಗಳನ್ನು ಪರಿಹರಿಸಲು ಪ್ರಯತ್ನಗಳು ನಡೆಯುತ್ತಿವೆ.

  ತಾತ್ಕಾಲಿಕ ಕದ್ರಿ-ಮಲ್ಲಿಕಟ್ಟೆ ಮಾರುಕಟ್ಟೆಯನ್ನು ನೆಲಸಮಗೊಳಿಸಲಾಗುವುದು. ಖಾಸಗಿ ಅಂಗಡಿ ಮಾಲೀಕರಿಗೆ ಹೊಸ ಮಾರುಕಟ್ಟೆಯಲ್ಲಿ ಉಳಿದಿರುವ ಸ್ಥಳಗಳನ್ನು ಬಳಸಲು ಅವಕಾಶ ನೀಡಿ ಟೆಂಡರ್ ಹೊರಡಿಸಲಾಗಿದೆ.