ಮಂಗಳೂರು: ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಮಾಕ್ ಡ್ರಿಲ್

•   Thu, May 08 2025 12:46:08 AM



• ಮಂಗಳೂರು,ಮೇ. 07 (DaijiworldNews/AK): ಭಾರತ-ಪಾಕ್‌ ಪ್ರತೀಕಾರದ ಸಂಘರ್ಷದ ಹಿನ್ನೆಲೆಯಲ್ಲಿ ಇಂದು ದೇಶಾದ್ಯಂತ ಮಾಕ್ ಡ್ರಿಲ್ ಕೈಗೊಳ್ಳಲಾಯಿತು. ಗೃಹ ಸಚಿವಾಲಯವು ಆದೇಶಿಸಿದ ರಾಷ್ಟ್ರೀಯ ಮಟ್ಟದ ನಾಗರಿಕ ಅಣಕು ಪ್ರದರ್ಶನದ ಭಾಗವಾಗಿ, ಮಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವು ಮೇ 7, 2025 ರಂದು ಭಾರತದಾದ್ಯಂತ ತುರ್ತು ವಿಮಾನ ನಿಲ್ದಾಣ ಸ್ಥಳಾಂತರಿಸುವ ಅಣುಕು ಪ್ರದರ್ಶನ ನಡೆಸಿತು.

  ವಿಮಾನ ನಿಲ್ದಾಣದ ತುರ್ತು ಕಾರ್ಯಾಚರಣೆ ಯೋಜನೆಯ ಪ್ರಕಾರ ಈ ಮಾಕ್‌ ಡ್ರಿಲ್ ಅನ್ನು ನಡೆಸಲಾಯಿತು. ವಿಮಾನ ನಿಲ್ದಾಣದ ಕಾರ್ಯಾಚರಣೆಗಳ ಮೇಲೆ ಯಾವುದೇ ಪರಿಣಾಮ ಬೀರದಂತೆ, ಎಲ್ಲಾ ವಿಮಾನ ನಿಲ್ದಾಣದ ಪಾಲುದಾರರನ್ನು ಒಳಗೊಂಡ ಮಾಕ್‌ ಡ್ರಿಲ್ ಅನ್ನು CISF ಸಂಯೋಜಿಸಿತು.