ಉಡುಪಿ: ತಾಯಿ ಮತ್ತು ಮಗ ನಾಪತ್ತೆ

•   Fri, Apr 11 2025 07:44:13 PM



• ಉಡುಪಿ, ಏ.11 (DaijiworldNews/AA): ಕುಂದಾಪುರ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯ ನಿವಾಸಿಯಾದ ಸ್ವಾತಿ (30) ಮತ್ತು ಆಕೆಯ 7 ವರ್ಷದ ಮಗ ಭವಿಷ್ ಎಸ್ ಅವರು ಏಪ್ರಿಲ್ 5 ರಿಂದ ನಾಪತ್ತೆಯಾಗಿದ್ದಾರೆ.

  ತಾನು ತೆಕ್ಕಟ್ಟೆ ಕೊಮೆಯಲ್ಲಿರುವ ತನ್ನ ಅಜ್ಜಿಯ ಮನೆಗೆ ಹೋಗುತ್ತಿರುವುದಾಗಿ ಕುಟುಂಬಸ್ಥರಿಗೆ ತಿಳಿಸಿ ಸ್ವಾತಿ ಮತ್ತು ಭವಿಷ್ ಮನೆಯಿಂದ ಹೊರಟಿದ್ದಾರೆ. ಆದರೆ ಅವರಿಬ್ಬರು ಅಜ್ಜಿಯ ಮನೆಗೂ ತೆರಳದೇ ಮನೆಗೂ ಹಿಂತಿರುಗದೇ ನಾಪತ್ತೆಯಾಗಿದ್ದಾರೆ.

  ಸ್ವಾತಿ ಅವರು ಸುಮಾರು 5 ಅಡಿ ಎತ್ತರ, ಮಧ್ಯಮ ದೇಹ, ಕಪ್ಪು ಮೈಬಣ್ಣ ಮತ್ತು ಅಂಡಾಕಾರದ ಮುಖವನ್ನು ಹೊಂದಿದ್ದಾರೆ. ಅವರು ಕನ್ನಡ ಮಾತನಾಡುತ್ತಾರೆ. ಅವರ ಮಗ ಭವಿಷ್ ಸುಮಾರು 7 ವರ್ಷ ವಯಸ್ಸಿನವನಾಗಿದ್ದು, 2.5 ಅಡಿ ಎತ್ತರ, ಮಧ್ಯಮ ದೇಹ, ಕಪ್ಪು ಮೈಬಣ್ಣ ಮತ್ತು ದುಂಡಗಿನ ಮುಖವನ್ನು ಹೊಂದಿದ್ದಾನೆ. ಅವನು ಕೂಡ ಕನ್ನಡ ಮಾತನಾಡುತ್ತಾನೆ.

  ಇವರ ಬಗ್ಗೆ ಯಾವುದೇ ಮಾಹಿತಿ ಲಭ್ಯವಾದಲ್ಲಿ ಕುಂದಾಪುರ ಗ್ರಾಮಾಂತರ ಪೊಲೀಸ್ ಉಪ-ನಿರೀಕ್ಷಕರನ್ನು 9480805468, ಕುಂದಾಪುರ ವೃತ್ತ ನಿರೀಕ್ಷಕರನ್ನು 9480805433 ಅಥವಾ ಉಡುಪಿ ಪೊಲೀಸ್ ನಿಯಂತ್ರಣ ಕೊಠಡಿಯನ್ನು 0820-2526444 ಗೆ ಸಂಪರ್ಕಿಸುವಂತೆ ಕುಂದಾಪುರ ಗ್ರಾಮಾಂತರ ಪೊಲೀಸ್ ಉಪ-ನಿರೀಕ್ಷಕರ ಕಚೇರಿಯ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.