ಚುನಾವಣೆಯಲ್ಲಿ ಗೆದ್ದರೆ 4.75 ಲಕ್ಷ ರೂ. - ಪ್ರತಿ ಅಮೆರಿಕದ ಪ್ರಜೆಗೆ ಬಂಪರ್‌ ಆಫರ್‌ ಪ್ರಕಟಿಸಿದ ಟ್ರಂಪ್‌

•   Thu, Sep 10 2026 12:58:51 PM



• ವಾಷಿಂಗ್ಟನ್‌, ಸೆ. 10 (DaijiworldNews/AK): ಭಾರತದ ಚುನಾವಣೆಯಲ್ಲಿ ಪಕ್ಷಗಳು ಉಚಿತ ಆಫರ್‌ ಘೋಷಿಸುವ ಟ್ರೆಂಡ್‌ ಈಗ ಸಾಮಾನ್ಯ. ಆದರೆ ಈಗ ಅಮೆರಿಕಕ್ಕೂ ಈ ಟ್ರೆಂಡ್‌ ಲಗ್ಗೆ ಇಟ್ಟಿದೆ. ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಮಧ್ಯಂತರ ಚುನಾವಣೆಯಲ್ಲಿ ತಮ್ಮ ಪಕ್ಷಕ್ಕೆ ಮತ್ತೆ ಅಧಿಕಾರಕ್ಕೆ ಬಂದರೆ ಪ್ರತಿ ಅಮೆರಿಕದ ಪ್ರಜೆಗೆ 5 ಸಾವಿರ ಡಾಲರ್‌(4.75 ಲಕ್ಷ ರೂ.) ನೀಡಲಾಗುವುದು ಎಂದು ಬಂಪರ್‌ ಆಫರ್‌ ಪ್ರಕಟಿಸಿದ್ದಾರೆ.

  ನವೆಂಬರ್‌ನಲ್ಲಿ ನಡೆಯಲಿರುವ ಮಧ್ಯಂತರ ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷವು ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ (ಕೆಳಮನೆ) ಮತ್ತು ಸೆನೆಟ್ (ಮೇಲ್ಮನೆ) ಎರಡರಲ್ಲೂ ಬಹುಮತ ಉಳಿಸಿಕೊಂಡರೆ, ದೇಶದ ಪ್ರತಿಯೊಬ್ಬ ವಯಸ್ಕ ಪ್ರಜೆಗೂ 5,000 ಡಾಲರ್‌ಗೆ ಹೆಚ್ಚು ಡಿವಿಡೆಂಡ್ ನೀಡುವುದಾಗಿ ಟ್ರಂಪ್ ಘೋಷಿಸಿದ್ದಾರೆ.

  
  ಡಲ್ಲಾಸ್‌ನಲ್ಲಿ ನಡೆದ ರಿಪಬ್ಲಿಕನ್ ಪಕ್ಷದ ಪ್ರಥಮ ಮಧ್ಯಂತರ ಸಮಾವೇಶದಲ್ಲಿ ಸುಮಾರು 1 ಗಂಟೆ 45 ನಿಮಿಷಗಳ ಕಾಲ ಭಾಷಣ ಮಾಡಿದ ಟ್ರಂಪ್, “ರಿಪಬ್ಲಿಕನ್‌ಗಳು ಉಭಯ ಸದನಗಳಲ್ಲೂ ಜಯಭೇರಿ ಬಾರಿಸಿದರೆ, ಪ್ರತಿಯೊಬ್ಬ ಅಮೆರಿಕನ್ ವಯಸ್ಕ ನಾಗರಿಕನಿಗೆ 5,000 ‘ಟ್ರಂಪ್ ಡಿವಿಡೆಂಡ್’ ವಿತರಿಸುತ್ತೇನೆ ಎಂಬುದು ನನ್ನ ವಾಗ್ದಾನ” ಎಂದು ಹೇಳುವ ಮೂಲಕ ಮತದಾರರ ಓಲೈಕೆಗೆ ಮುಂದಾಗಿದ್ದಾರೆ.