ಜಿಎಂಯು ದಂತ ವೈದ್ಯಕೀಯ ಕಾಲೇಜು: 120 ಕ್ಲಿನಿಕಲ್‌ ಚೇರ್‌ಗಳೊಂದಿಗೆ ದಂತ ವೈದ್ಯಕೀಯ ಶಿಕ್ಷಣದಲ್ಲಿ ಹೊಸ ಮೈಲಿಗಲ್ಲು

•   Sat, Jul 25 2026 06:57:22 PM



• ಅಜ್ಮಾನ್,ಜು. 25 (DaijiworldNews/AA): ಗಲ್ಫ್ ಮೆಡಿಕಲ್ ಯೂನಿವರ್ಸಿಟಿಯ (ಜಿಎಂಯು) ಡೆಂಟಲ್‌ ಕಾಲೇಜು ಅತ್ಯಾಧುನಿಕ ತುಂಬೆ ಡೆಂಟಲ್‌ ಆಸ್ಪತ್ರೆಯ ಸಹಯೋಗದೊಂದಿಗೆ ದಂತ ವೈದ್ಯಕೀಯ ಶಿಕ್ಷಣದಲ್ಲಿ ಹೊಸ ಮೈಲಿಗಲ್ಲನ್ನು ಸ್ಥಾಪಿಸಿದೆ. ಸಂಸ್ಥೆಯ ಶೈಕ್ಷಣಿಕ ಆವರಣದಲ್ಲಿ ಲಭ್ಯವಿರುವ 120 ಕ್ಲಿನಿಕಲ್‌ ಡೆಂಟಲ್‌ ಚೇರ್‌ಗಳು ವಿದ್ಯಾರ್ಥಿಗಳಿಗೆ ಕೇವಲ ಸೈದ್ಧಾಂತಿಕ ಶಿಕ್ಷಣವಷ್ಟೇ ಅಲ್ಲದೇ ಪ್ರತ್ಯಕ್ಷ ವೈದ್ಯಕೀಯ ತರಬೇತಿಯನ್ನು ನೀಡಲು ಅತ್ಯಂತ ಪ್ರಮುಖ ಬೆನ್ನಲು ಆಗಿ ನಿಂತಿವೆ.

  
  ವಿಶ್ವದಾದ್ಯಂತ ಡೆಂಟಲ್‌ ಶಿಕ್ಷಣ ಪಡೆಯುವ ವಿದ್ಯಾರ್ಥಿಗಳಿಗೆ ಪ್ರಾಯೋಗಿಕ ತರಬೇತಿಗೆ ಸೂಕ್ತ ಸೌಲಭ್ಯ ಸಿಗದಿರುವುದು ದೊಡ್ಡ ಸವಾಲಾಗಿದೆ. ಆದರೆ ಜಿಎಮ್‌ಯು ಆವರಣದಲ್ಲಿರುವ ಬೃಹತ್‌ ಆಸ್ಪತ್ರೆ ಮೂಲಸೌಕರ್ಯದಿಂದಾಗಿ ವಿದ್ಯಾರ್ಥಿಗಳು ಸರದಿಯಲ್ಲಿ ಕಾಯುವ ಅಗತ್ಯವಿಲ್ಲ. ಆರಂಭಿಕ ಹಂತದಿಂದಲೇ ಪರಿಣಿತ ವೈದ್ಯರ ಮಾರ್ಗದರ್ಶನದಲ್ಲಿ ನೈಜ ರೋಗಿಗಳಿಗೆ ಚಿಕಿತ್ಸೆ ನೀಡುವ ಮೂಲಕ ವಿದ್ಯಾರ್ಥಿಗಳು ಅತ್ಯಂತ ಕನಿಷ್ಠ ಅವಧಿಯಲ್ಲೇ ಪ್ರಾಯೋಗಿಕ ಜ್ಞಾನ ಪಡೆದುಕೊಳ್ಳುತ್ತಿದ್ದಾರೆ. ರೋಗಿಗಳಿಗೆ ಚಿಕಿತ್ಸೆ ನೀಡುವ ಮುನ್ನ "ಫ್ಯಾಂಟಮ್‌ ಹೆಡ್‌ " ತಂತ್ರಜ್ಞಾನ ಹೊಂದಿರುವ ಅತ್ಯಾಧುನಿಕ ಸಿಮ್ಯುಲೇಶನ್‌ ಲ್ಯಾಬ್‌ಗಳಲ್ಲಿ ವಿದ್ಯಾರ್ಥಿಗಳು ತರಬೇತಿ ಪಡೆಯುತ್ತಾರೆ. ಸಿಮ್ಯುಲೇಟರ್‌ಗಳಲ್ಲಿ ತಪ್ಪುಗಳನ್ನು ಮಾಡಿ ತಿದ್ದುಪಡಿ ಮಾಡಿಕೊಳ್ಳಿ, ಆದರೆ ರೋಗಿಗಳ ಬಳಿಗೆ ಸಂಪೂರ್ಣ ನುರಿತ ಹಸ್ತಗಳೇ ತಲುಪಬೇಕು ಎಂಬ ಸೂತ್ರದೊಂದಿಗೆ ಇಲ್ಲಿ ತರಬೇತಿ ನೀಡಲಾಗುತ್ತದೆ.

  ಅಂತಾರಾಷ್ಟ್ರೀಯ ಮಟ್ಟದ ಮಾನ್ಯತೆ:

  ಜಿಎಮ್‌ಯು ಕಾಲೇಜ್‌ ಆಫ್‌ ಡೆಂಟಿಸ್ಟ್ರಿಯ " ಬ್ಯಾಚಲರ್‌ ಆಫ್‌ ಡೆಂಟಲ್‌ ಸರ್ಜರಿ (ಬಿಡಿಎಸ್‌) ಕೋರ್ಸ್‌ ಆಸ್ಟೇಲಿಯನ್‌ ಡೆಂಟಲ್‌ ಕೌನ್ಸಿಲ್‌ (ಎಡಿಸಿ) ನಿಂದ ಮಾನ್ಯತೆ ಪಡೆದ ಯುಎಇಯ ಮೊದಲ ಪದವಿ ಶಿಕ್ಷಣ ಸಂಸ್ಥೆ ಎಂಬ ಹಿರಿಮೆಗೆ ಪಾತ್ರವಾಗಿದೆ ಇದರೊಂದಿಗೆ ಯುಎಇ ಶಿಕ್ಷಣ ಸಚಿವಾಲಯ ಹಾಗೂ ನ್ಯಾಷನಲ್‌ ಇನ್‌ಸ್ಟಿಟ್ಯೂಟ್‌ ಆಫ್‌ ಹೆಲ್ತ್‌ ಸ್ಟೆಪಾಲಿಟೀಸ್‌ನ ಮಾನ್ಯತೆಗಳನ್ನೂ ಹೊಂದಿದ್ದು ಇಲ್ಲಿ ಪದವಿ ಪಡೆಯುವ ವಿದ್ಯಾರ್ಥಿಗಳಿಗೆ ಜಾಗತಿಕ ಮಟ್ಟದಲ್ಲಿ ಉದ್ಯೋಗ ಮತ್ತು ಉನ್ನತ ಶಿಕ್ಷಣದ ಬಾಗಿಲುಗಳು ತೆರೆದುಕೊಳ್ಳಲಿವೆ.

  ಐದು ವರ್ಷಗಳ ಬಿಡಿಎಸ್‌ ಪದವಿ ಕೋರ್ಸ್‌ ಸೇರಿದಂತೆ ಒಂದು ವರ್ಷದ ಇಂಟರ್ನ್‌‌ಶಿಪ್‌ ಹಾಗೂ ಎಂಡಿಎಸ್‌ (MDS-ಪಿರಿಯೊಡಾಂಟಿಕ್ಸ್‌, ಎಂಡೊಡಾಂಟಿಕ್ಸ್‌, ಆರ್ಥೋಡಾಂಟಿಕ್ಸ್‌), ಡಿಪ್ಲೋಮಾ ಕೋರ್ಸ್‌‌ಗಳಿಗೂ ಇಲ್ಲಿ ಅವಕಾಶವಿದೆ. ಶೈಕ್ಷಣಿಕ ಕಾರ್ಯಕ್ರಮಗಳಲ್ಲಿ ಡಿಜಿಟಲ್‌ ಡೆಂಟಿಸ್ಟ್ರಿ ತಂತ್ರಜ್ಞಾನಕ್ಕೆ ಹೆಚ್ಚಿನ ಒತ್ತು ನೀಡಲಾಗಿದ್ದು, 3D ಪ್ರಿಂಟಿಂಗ್‌, CAD/CAM ಸಿಸ್ಟಮ್‌ಗಳ ತರಬೇತಿಯನ್ನು ನೀಡಲಾಗುತ್ತದೆ.

  1998 ರಲ್ಲಿ ಸ್ಥಾಪನೆಗೊಂಡ ಗಲ್ಫ್‌ ಮೆಡಿಕಲ್‌ ಯೂನಿವರ್ಸಿಟಿಯು ಪ್ರಸ್ತುತ ಯುಎಇಯ ಪ್ರಮುಖ ವೈದ್ಯಕೀಯ ಶಿಕ್ಷಣ ಸಂಸ್ಥೆಗಳಲ್ಲಿ ಒಂದಾಗಿ ಗುರುತಿಸಿಕೊಂಡಿದೆ, ವಿವಿಧ ಕೋರ್ಸ್‌‌ಗಳ ಪ್ರವೇಶಾತಿ ಪ್ರಕ್ರಿಯೆ ಪ್ರಸ್ತುತ ಆರಂಭವಾಗಿದ್ದು, ಸೀಮಿತ ಸೀಟುಗಳು ಲಭ್ಯವಿವೆ. ಹೆಚ್ಚಿನ ಮಾಹಿತಿಗೆ https://gmu.ac.ae/ ವೆಬ್‌ಸೈಟ್‌ಗೆ ಭೇಟಿ ನೀಡಬಹುದು.