ಟ್ರಂಪ್ ಬೆದರಿಕೆಗೆ ಇರಾನಿಯನ್ನರು ಹೆದರದಂತೆ ಕರೆ ನೀಡಿದ ಖಮೇನಿ

•   Sun, Feb 01 2026 10:54:41 PM



• ಟೆಹ್ರಾನ್, ಫೆ. 01 (DaijiworldNews/AA): ಟ್ರಂಪ್ ಬೆದರಿಕೆಗಳಿಗೆ ಇರಾನಿಯನ್ನರು ಹೆದರದಂತೆ ಸರ್ವೋಚ್ಚ ನಾಯಕ ಅಯತೊಲ್ಲಾ ಅಲಿ ಖಮೇನಿ ಕರೆ ನೀಡಿದ್ದಾರೆ.

  ಮಧ್ಯಪ್ರಾಚ್ಯದಲ್ಲಿ ಅಮೆರಿಕ ತನ್ನ ಸೇನೆಯನ್ನ ಸಜ್ಜುಗೊಳಿಸಿದೆ. ಇತ್ತ ಇರಾನ್‌ನಲ್ಲಿ ಆರ್ಥಿಕ ದಂಗೆ ಮುಂದುವರಿದಿದ್ದು, ಅನೇಕ ರಾಷ್ಟ್ರಗಳು ಒತ್ತಡ ಹೇರಿವೆ. ಈ ಮಧ್ಯೆ ಮಾತನಾಡಿರುವ ಖಮೇನಿ, ಅಮೆರಿಕವು ನಡೆಸುವ ಯಾವುದೇ ಮಿಲಿಟರಿ ದಾಳಿಯು ಪ್ರಾದೇಶಿಕ ಯುದ್ಧಕ್ಕೆ ಪ್ರಚೋದನೆ ನೀಡುತ್ತದೆ ಎಂದಿದ್ದಾರೆ.

  ಅಮೆರಿಕನ್ನರು ಯುದ್ಧ ಆರಂಭಿಸಿದರೆ, ಈ ಬಾರಿ ಅದು ಪ್ರಾದೇಶಿಕ ಯುದ್ಧವಾಗಿರುತ್ತದೆ ಅನ್ನೋದು ಅವರಿಗೆ ತಿಳಿದಿರಬೇಕು. ಹಾಗಾಗಿ ಇರಾನಿಯನ್ನರು ಟ್ರಂಪ್ ಬೆದರಿಕೆಗಳಿಗೆ ಭಯಪಡಬೇಕಿಲ್ಲ ಎಂದು ತಿಳಿಸಿದ್ದಾರೆ. ಜೊತೆಗೆ ಅಮೆರಿಕ ವಿರುದ್ಧ ಮತ್ತೊಂದು ದಾಳಿಯ ಎಚ್ಚರಿಕೆ ನೀಡಿದ್ದಾರೆ.