ನಮೀಬಿಯಾದಲ್ಲಿ ಸಾಂಪ್ರದಾಯಿಕ ಡ್ರಮ್ ನುಡಿಸಿದ ಪ್ರಧಾನಿ ಮೋದಿ

•   Wed, Jul 09 2025 12:38:32 PM



• ನಮೀಬಿಯಾ, ಜು. 09 (DaijiworldNews/TA): ಪ್ರಧಾನಿ ನರೇಂದ್ರ ಮೋದಿ ಬುಧವಾರ ನಮೀಬಿಯಾದ ರಾಜಧಾನಿ ವಿಂಡ್‌ಹೋಕ್‌ಗೆ ಆಗಮಿಸಿದರು. ವಿಂಡ್‌ಹೋಕ್‌ನಲ್ಲಿರುವ ನಮೀಬಿಯಾ ವಿಮಾನ ನಿಲ್ದಾಣದಲ್ಲಿ ಇಳಿದ ನಂತರ ಅವರಿಗೆ ಸಾಂಪ್ರದಾಯಿಕ ಸ್ವಾಗತ ದೊರೆಯಿತು. ಭಾರತೀಯ ಪ್ರಧಾನಿಯನ್ನು ಸ್ವಾಗತಿಸಲು ಡ್ರಮ್ಸ್ ನುಡಿಸಲಾಯಿತು ಮತ್ತು ನೃತ್ಯಗಳನ್ನು ಪ್ರದರ್ಶಿಸಲಾಯಿತು.

  

  ಪ್ರಧಾನಿ ಮೋದಿ ಅವರು ಮೊದಲ ಬಾರಿಗೆ ನಮೀಬಿಯಾಕ್ಕೆ ಭೇಟಿ ನೀಡುತ್ತಿದ್ದು, ಅಧ್ಯಕ್ಷ ನಂದಿ-ದೈತ್ವಾ ಅವರೊಂದಿಗೆ ದ್ವಿಪಕ್ಷೀಯ ಮಾತುಕತೆ ನಡೆಸಿದ್ದಾರೆ. ನಮೀಬಿಯಾದ ರಾಜಧಾನಿಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಪ್ರಧಾನಿ ಮೋದಿ ಸಾಂಪ್ರದಾಯಿಕ ಸಂಗೀತ ಡ್ರಮ್ಸ್ ನುಡಿಸಲು ಪ್ರಯತ್ನಿಸಿದರು. ನಮೀಬಿಯಾದ ಅಧ್ಯಕ್ಷ ನೆಟುಂಬೊ ನಂದಿ-ದೈತ್ವಾ ಅವರ ಆಹ್ವಾನದ ಮೇರೆಗೆ ವಿಂಡ್‌ಹೋಕ್‌ಗೆ ಆಗಮಿಸಿದ ಪ್ರಧಾನಿಯನ್ನು ಜಾನಪದ ಕಲಾವಿದರು ಸ್ವಾಗತಿಸಿದರು. ಅವರು ಪ್ರದರ್ಶನ ನೀಡುತ್ತಿದ್ದ ಕಲಾವಿದನ ಕಡೆಗೆ ನಡೆದು ಸಾಂಪ್ರದಾಯಿಕ ಡ್ರಮ್ಸ್ ನುಡಿಸಲು ಪ್ರಯತ್ನಿಸಿದರು.

  ಇದಕ್ಕೂ ಮೊದಲು, ಪ್ರಧಾನಿ ಮೋದಿ ಘಾನಾ, ಟ್ರಿನಿಡಾಡ್ ಮತ್ತು ಟೊಬಾಗೊ, ಅರ್ಜೆಂಟೀನಾ ಮತ್ತು ಬ್ರೆಜಿಲ್‌ಗೆ ಭೇಟಿ ನೀಡಿದ್ದರು. ಮತ್ತು ಈಗ ತಮ್ಮ ಐದು ರಾಷ್ಟ್ರಗಳ ಭೇಟಿಯ ಕೊನೆಯ ಹಂತವಾಗಿ ನಮೀಬಿಯಾಕ್ಕೆ ಆಗಮಿಸಿದ್ದಾರೆ. ಅವರು ನಮೀಬಿಯಾದ ಸ್ಥಾಪಕ ಪಿತಾಮಹ ಮತ್ತು ಮೊದಲ ಅಧ್ಯಕ್ಷ ದಿವಂಗತ ಡಾ. ಸ್ಯಾಮ್ ನುಜೋಮಾ ಅವರಿಗೆ ಗೌರವ ಸಲ್ಲಿಸಲಿದ್ದಾರೆ. ವಿದೇಶಾಂಗ ಸಚಿವಾಲಯದ ಪ್ರಕಾರ, ಪ್ರಧಾನ ಮಂತ್ರಿಯವರ ಭೇಟಿಯು ನಮೀಬಿಯಾ ಜೊತೆಗಿನ ಭಾರತದ ಬಹುಮುಖಿ ಮತ್ತು ಆಳವಾದ ಐತಿಹಾಸಿಕ ಸಂಬಂಧಗಳನ್ನು ಪುನರುಚ್ಚರಿಸುತ್ತದೆ ಎಂದು ಹೇಳಲಾಗಿದೆ.

  #WATCH | PM Narendra Modi receives traditional welcome on his arrival in Windhoek, Namibia
  
  The PM tries his hand at playing the Namibian traditional drums.
  
  (video source: DD) pic.twitter.com/QnnoCeVLRx

  — ANI (@ANI) July 9, 2025