12 ವರ್ಷಗಳ ಬಳಿಕ ಹಾಲಿವುಡ್ ಗೆ ನಟಿ ಟಬು ರೀ ಎಂಟ್ರಿ

•   Wed, May 15 2024 04:40:17 PM



• ಮುಂಬೈ, ಮೇ.15(DaijiworldNews/AA): ಬರೋಬ್ಬರಿ 12 ವರ್ಷಗಳ ನಂತರ ಬಾಲಿವುಡ್ ನಟಿ ಟಬು ಅವರು ಹಾಲಿವುಡ್ ಗೆ ರೀ ಎಂಟ್ರಿ ನೀಡಲಿದ್ದಾರೆ. 

  

  ಹೌದು ನಟಿ ಟಬು ಮತ್ತೆ ಹಾಲಿವುಡ್‌ನತ್ತ ಮುಖ ಮಾಡಿದ್ದಾರೆ. 'ಡ್ಯೂನ್' ಹೆಸರಿನ ದೀರ್ಘ ಕಾದಂಬರಿಯನ್ನು ಆಧರಿಸಿ ತಯಾರಾಗುತ್ತಿರುವ ವೆಬ್ ಸರಣಿಯಲ್ಲಿ ಟಬು ನಟಿಸಲಿದ್ದಾರೆ. ವೆಬ್ ಸರಣಿಯಲ್ಲಿ ಸಿಸ್ಟರ್ ಫ್ರಾಂಕೆಸ್ಕಾ ಹೆಸರಿನ ಪಾತ್ರದಲ್ಲಿ ನಟಿ ಕಾಣಿಸಿಕೊಳ್ಳಲಿದ್ದಾರೆ. 

  ಟಬು ನಟಿಸುತ್ತಿರುವ ಸಿಸ್ಟರ್ ಫ್ರಾಂಕೆಸ್ಕಾ ಪಾತ್ರವು ಬಹಳ ಗಟ್ಟಿ ಪಾತ್ರವಾಗಿದೆ. ಇದು ವೆಬ್ ಸರಣಿಯ ಅತ್ಯಂತ ಪ್ರಮುಖ ಪಾತ್ರಗಳಲ್ಲಿ ಒಂದಾಗಿದ್ದು, ಸಾಮ್ರಾಜ್ಯದ ಮೇಲೆ ಅತೀಮೋಹ ಹೋಂದಿರುವ ಪಾತ್ರ ಇದಾಗಿದೆ. 

  ಎಮ್ಮಾ ವಾಟ್ಸನ್ ಸೇರಿದಂತೆ ಕೆಲವು ದೊಡ್ಡ ಹಾಲಿವುಡ್ ನ ತಾರಾ ಬಳಗವನ್ನು ಹೊಂದಿರುವ ವೆಬ್ ಸರಣಿ ಇದಾಗಿದೆ. ಈ ವೆಬ್ ಸರಣಿಯು ಬೇರೆ ಗ್ರಹವೊಂದರಲ್ಲಿ ನಡೆಯುವ ಕತೆಯನ್ನು ಹೊಂದಿದೆ. ಸದ್ಯದಲ್ಲೇ ವೆಬ್ ಸರಣಿಯ ಶೂಟಿಂಗ್‌ನಲ್ಲಿ ನಟಿ ಟಬು ಭಾಗವಹಿಸಲಿದ್ದಾರೆ ಎಂದು ತಿಳಿದುಬಂದಿದೆ.