ಮಂಗಳೂರು: ಕೋಸ್ಟಲ್ ಫಿಲ್ಮ್ ಅವಾರ್ಡ್ಸ್ 2025- 'ನೆತ್ತೆರೆಕೆರೆ' ಚಿತ್ರಕ್ಕೆ ಪ್ರಶಸ್ತಿಗಳ ಸುರಿಮಳೆ, ವಿನೀತ್ ಕುಮಾರ್ ಅತ್ಯುತ್ತಮ ನಟ

•   Tue, May 26 2026 01:50:57 PM



• ಮಂಗಳೂರು, ಮೇ. 26 (DaijiworldNews/AA): ಅಸ್ತ್ರ ಗ್ರೂಪ್ ಸಹಭಾಗಿತ್ವದಲ್ಲಿ 'ಸ್ಯಾಂಡಿಸ್ ಕಂಪನಿ' ಆಯೋಜಿಸಿದ್ದ ಕೋಸ್ಟಲ್ ಫಿಲ್ಮ್ ಅವಾರ್ಡ್ಸ್ 2025 ಪ್ರದಾನ ಸಮಾರಂಭವು ಭಾನುವಾರ ಮಂಗಳೂರಿನ ಮೂಲ್ಕಿ ಸುಂದರ್ ರಾಮ್ ಶೆಟ್ಟಿ ಕನ್ವೆನ್ಷನ್ ಸೆಂಟರ್‌ನಲ್ಲಿ ಅತ್ಯಂತ ವೈಭವದಿಂದ ಜರುಗಿತು. ತುಳು ಚಿತ್ರರಂಗದ ಸಾಧಕರನ್ನು ಗೌರವಿಸುವ ಈ ಸಮಾರಂಭದಲ್ಲಿ ಸ್ಯಾಂಡಲ್‌ವುಡ್ ಮತ್ತು ತುಳು ಚಿತ್ರರಂಗದ ಪ್ರಮುಖ ಗಣ್ಯರು ಭಾಗವಹಿಸಿದ್ದರು.

  2025ರ ಸಾಲಿನ ತುಳು ಸಿನಿಮಾಗಳ ಅತ್ಯುತ್ತಮ ನಟ-ನಟಿಯರು ಹಾಗೂ ತಂತ್ರಜ್ಞರನ್ನು ಈ ಕಾರ್ಯಕ್ರಮದಲ್ಲಿ ಗೌರವಿಸಲಾಯಿತು. ಸಾಂಸ್ಕೃತಿಕ ಪ್ರದರ್ಶನಗಳು ಸಂಜೆಯ ರಂಗನ್ನು ಮತ್ತಷ್ಟು ಹೆಚ್ಚಿಸಿದವು. ರಂಗಭೂಮಿ ಮತ್ತು ಚಲನಚಿತ್ರ ಹಿರಿಯ ನಟಿ ಸರೋಜಿನಿ ಎಸ್. ಶೆಟ್ಟಿ ಅವರಿಗೆ ಜೀವಮಾನದ ಸಾಧಕಿ ಪುರಸ್ಕಾರ ನೀಡಿ ಗೌರವಿಸಲಾಯಿತು. ಚಿತ್ರರಂಗಕ್ಕೆ ನೀಡಿದ ಕೊಡುಗೆಗಾಗಿ ಡಾ. ದೇವದಾಸ್ ಕಾಪಿಕಾಡ್ ಅವರಿಗೆ ವರ್ಸಟೈಲ್ ಆಕ್ಟರ್ ಪ್ರಶಸ್ತಿ ಪ್ರದಾನ ಮಾಡಲಾಯಿತು.

  ಅಸ್ತ್ರ ಪ್ರೊಡಕ್ಷನ್ ನಿರ್ಮಾಣದ ಹಾಗೂ ಸ್ವರಾಜ್ ಶೆಟ್ಟಿ ನಿರ್ದೇಶನದ ನೆತ್ತೆರೆಕೆರೆ ಸಿನಿಮಾ ಪ್ರಮುಖ ವಿಭಾಗಗಳಲ್ಲಿ ಪ್ರಶಸ್ತಿಗಳನ್ನು ಬಾಚಿಕೊಂಡಿತು.

  ಪ್ರಮುಖ ಪ್ರಶಸ್ತಿ ವಿಜೇತರು:
  ಅತ್ಯುತ್ತಮ ಪ್ರಭಾವಶಾಲಿ ಸಿನಿಮಾ: ಪಿದಾಯಿ
  ಅತ್ಯುತ್ತಮ ನಟ: ವಿನೀತ್ ಕುಮಾರ್ (ಮಿಡಲ್ ಕ್ಲಾಸ್ ಫ್ಯಾಮಿಲಿ)
  ಅತ್ಯುತ್ತಮ ನಟಿ: ದಿಶಾಲಿ ಪೂಜಾರಿ (ನೆತ್ತೆರೆಕೆರೆ)
  ಅತ್ಯುತ್ತಮ ಬಾಲ ನಟ: ಅಕ್ಷರ್ ಜೆ. ಶೆಟ್ಟಿ (ಜೈ)
  ಅತ್ಯುತ್ತಮ ಬಾಲ ನಟಿ: ಲಕ್ಷ ಲಂಚುಲಾಲ್ (ಮೀರಾ)
  ಅತ್ಯುತ್ತಮ ಪೋಷಕ ನಟಿ: ರೂಪಾಶ್ರೀ ವರ್ಕಾಡಿ (ಮಿಡಲ್ ಕ್ಲಾಸ್ ಫ್ಯಾಮಿಲಿ)
  ಅತ್ಯುತ್ತಮ ಪೋಷಕ ನಟ: ನವೀನ್ ಡಿ. ಪಡೀಲ್ (ಜೈ)
  ಅತ್ಯುತ್ತಮ ಹಾಸ್ಯ ನಟ: ಅರವಿಂದ್ ಬೋಳಾರ್ (ಜೈ)
  ಅತ್ಯುತ್ತಮ ನಿರ್ದೇಶಕ: ಸಂತೋಷ್ ಮಾಡ (ಪಿದಾಯಿ)

  ವಿಶೇಷ ಪ್ರಶಸ್ತಿಗಳು:
  ಯೂತ್ ಐಕಾನ್ ಮೇಲ್: ಸ್ವರಾಜ್ ಶೆಟ್ಟಿ
  ಯೂತ್ ಐಕಾನ್ ಫಿಮೇಲ್: ಸಮತಾ ಅಮೀನ್
  ಅತ್ಯುತ್ತಮ ಹಿನ್ನೆಲೆ ಸಂಗೀತ: ಕಾರ್ತಿಕ್ ಮೂಲ್ಕಿ (ನೆತ್ತೆರೆಕೆರೆ)
  ಅತ್ಯುತ್ತಮ ಕಥೆ: ರಾಹುಲ್ ಅಮೀನ್ (ಮಿಡಲ್ ಕ್ಲಾಸ್ ಫ್ಯಾಮಿಲಿ)
  ಅತ್ಯುತ್ತಮ ಸಂಗೀತ ನಿರ್ದೇಶಕ: ಲಿಖಿತ್ ಪ್ರಸಾದ್ (ಧರ್ಮ ಚಾವಡಿ)

  ಡೆಬ್ಯು ಹಾಗೂ ತಾಂತ್ರಿಕ ವಿಭಾಗಗಳು:
  ಅತ್ಯುತ್ತಮ ಡೆಬ್ಯು ನಟ: ಅಶ್ವಥ್ (ಮೀರಾ)
  ಅತ್ಯುತ್ತಮ ಡೆಬ್ಯು ನಟಿ: ಧನ್ಯ ಪೂಜಾರಿ (ಧರ್ಮ ಚಾವಡಿ)
  ಅತ್ಯುತ್ತಮ ಡೆಬ್ಯು ನಿರ್ದೇಶಕ: ಸ್ವರಾಜ್ ಶೆಟ್ಟಿ (ನೆತ್ತೆರೆಕೆರೆ)
  ಅತ್ಯುತ್ತಮ ಛಾಯಾಗ್ರಹಣ: ಉದಯ್ ಬಲ್ಲಾಳ್ (ನೆತ್ತೆರೆಕೆರೆ)
  ಅತ್ಯುತ್ತಮ ಸಂಕಲನ: ಗಣೇಶ್ ನೀರ್ಚಾಲು (ನೆತ್ತೆರೆಕೆರೆ)
  ಅತ್ಯುತ್ತಮ ಕಲಾ ನಿರ್ದೇಶನ: ವಿಪಿನ್
  ಅತ್ಯುತ್ತಮ ಸಾಹಸ ನಿರ್ದೇಶನ: ಮಾಸ್ ಮಾದ (ನೆತ್ತೆರೆಕೆರೆ)
  ಅತ್ಯುತ್ತಮ ಪಬ್ಲಿಸಿಟಿ ಡಿಸೈನ್: ದೇವಿ ರೈ (ನೆತ್ತೆರೆಕೆರೆ)
  ಅತ್ಯುತ್ತಮ ಸಾಹಿತ್ಯ: ಅರುಣ್ ಉಳ್ಳಾಲ (ನೆತ್ತೆರೆಕೆರೆ)
  ಅತ್ಯುತ್ತಮ ನೃತ್ಯ ಸಂಯೋಜನೆ: ನವೀನ್ ಶೆಟ್ಟಿ ಆರ್ಯನ್ (ಮಿಡಲ್ ಕ್ಲಾಸ್ ಫ್ಯಾಮಿಲಿ)

  ಸಂಗೀತ ಮತ್ತು ಜನಪ್ರಿಯ ಪ್ರಶಸ್ತಿಗಳು:
  ಅತ್ಯುತ್ತಮ ಹಿನ್ನೆಲೆ ಗಾಯಕ: ನಿಹಾಲ್ ತಾವ್ರೋ (ಪಿಲಿಪಂಜ)
  ಅತ್ಯುತ್ತಮ ಹಿನ್ನೆಲೆ ಗಾಯಕಿ: ವೈಕುಂಬ್ ವಿಜಯಲಕ್ಷ್ಮಿ (ನೆತ್ತೆರೆಕೆರೆ)
  ಅತ್ಯುತ್ತಮ ಖಳನಾಯಕ: ರಾಜದೀಪಕ್ ಶೆಟ್ಟಿ (ಜೈ)
  ಅತ್ಯಂತ ಜನಪ್ರಿಯ ಚಿತ್ರ: ಮಿಡಲ್ ಕ್ಲಾಸ್ ಫ್ಯಾಮಿಲಿ
  ಅತ್ಯುತ್ತಮ ಸಾಮಾಜಿಕ ಪ್ರಭಾವದ ಚಿತ್ರ: ಮೀರಾ
  ಅತ್ಯುತ್ತಮ ಚಿತ್ರ: ಜೈ

  ಈ ಭವ್ಯ ಸಮಾರಂಭದಲ್ಲಿ ಹಿರಿಯ ನಿರ್ದೇಶಕರಾದ ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್, ಡಾ. ದೇವದಾಸ್ ಕಾಪಿಕಾಡ್, ನಟ ಅರ್ಜುನ್ ದೇವ್, ನಿರ್ಮಾಪಕಿ ಶಿಲ್ಪಾ ಗಣೇಶ್, ಆರ್. ಧನರಾಜ್, ಪಮ್ಮಿ ಕೊಡಿಯಾಲ್ ಬೈಲ್, ಅರವಿಂದ್ ಬೋಳಾರ್, ಪ್ರಖ್ಯಾತ ಸಂಗೀತ ನಿರ್ದೇಶಕರಾದ ಗುರುಕಿರಣ್ ಮತ್ತು ಮಣಿಕಾಂತ್ ಕದ್ರಿ, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ಹಿರಿಯ ಪತ್ರಕರ್ತ ಜಗನ್ನಾಥ ಶೆಟ್ಟಿ ಬಾಳ, ಸ್ಯಾಂಡಿಸ್ ಕಂಪನಿಯ ಸ್ಥಾಪಕಾಧ್ಯಕ್ಷ ಸಂದೇಶ್ ರಾಜ್ ಬಂಗೇರ, ಅಸ್ತ್ರ ಗ್ರೂಪ್ ಸಿಇಒ ಮತ್ತು ನಿರ್ಮಾಪಕ ಲಂಚುಲಾಲ್, ಮೈಂಡ್ ಮೆಕ್ಯಾನಿಸಂ ಅಧ್ಯಕ್ಷ ಶ್ರೀನಾಥ್ ಶೆಟ್ಟಿ, ವಿತರಕ ಸಚಿನ್ ಎ.ಎಸ್ ಹಾಗೂ ವಕೀಲ ರಾಘವೇಂದ್ರ ರಾವ್ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.

  ವಿನೀತ್ ಕುಮಾರ್, ಶರ್ಮಿಳಾ ಅಮೀನ್ ಮತ್ತು ಮಂಜು ರೈ ಕಾರ್ಯಕ್ರಮವನ್ನು ಅತ್ಯಂತ ಯಶಸ್ವಿಯಾಗಿ ನಿರೂಪಿಸಿದರು.