ಮೆಟ್ ಗಾಲಾ ವೇದಿಕೆ ಮೇಲೆ ಗಮನ ಸೆಳೆದ ಕರಣ್​ ಜೋಹರ್-ಇಶಾ ಅಂಬಾನಿ

•   Tue, May 05 2026 12:54:54 PM



• ಮುಂಬೈ,ಮೇ. 05 (DaijiworldNews/AK): ಫ್ಯಾಷನ್ ಲೋಕದ ಅತಿ ದೊಡ್ಡ ಹಬ್ಬ ಮೆಟ್ ಗಾಲಾ ಆರಂಭ ಆಗಿದೆ. ನ್ಯೂಯಾರ್ಕ್ ನಗರದ 'ಮೆಟ್ರೋಪಾಲಿಟನ್ ಮ್ಯೂಸಿಯಂ ಆಫ್ ಆರ್ಟ್ಸ್ ಕಾಸ್ಟ್ಯೂಮ್ ಇನ್ಸ್ಟಿಟ್ಯೂಟ್’ಗಾಗಿ ನಡೆಯುವ ಒಂದು ನಿಧಿ ಸಂಗ್ರಹಣೆ ಕಾರ್ಯಕ್ರಮ ಇದಾಗಿದೆ.

  ವಿಶ್ವದ ಖ್ಯಾತ ಸಿನಿ ತಾರೆಯರು, ಸಂಗೀತಗಾರರು, ಕ್ರೀಡಾಪಟುಗಳು ಮತ್ತು ಉದ್ಯಮಿಗಳು ಇಲ್ಲಿ ಭಾಗವಹಿಸುತ್ತಾರೆ. ಈ ಬಾರಿ ನಿರ್ಮಾಪಕರ ಕರಣ್ ಜೋಹರ್, ಮುಕೇಶ್ ಅಂಬಾನಿ ಮಗಳು ಇಶಾ ಅಂಬಾನಿ ಸೇರಿದಂತೆ ಅನೇಕರು ಭಾಗವಹಿಸಿದ್ದಾರೆ.

  ಅತಿಥಿಗಳು ವಿಭಿನ್ನ ಹಾಗೂ ಅತ್ಯಂತ ವಿಶಿಷ್ಟವಾದ ವಿನ್ಯಾಸದ ಉಡುಪುಗಳನ್ನು ಧರಿಸಿ ರೆಡ್ ಕಾರ್ಪೆಟ್ ಮೇಲೆ ನಡೆಯುತ್ತಾರೆ. ಅದೇ ರೀತಿ ಕರಣ್ ಜೋಹರ್ ಅವರು ಭಿನ್ನ ಉಡುಗೆಯಲ್ಲಿ ಎಲ್ಲರ ಗಮನ ಸೆಳೆದಿದೆ. ಇಶಾ ಅಂಬಾನಿ, ಫ್ಯಾಷನ್ ಡಿಸೈನರ್ ಮನಿಷ್ ಮಲ್ಹೋತ್ರ ಹಾಗೂ ಕರಣ್ ಜೋಹರ್ ಅವರ ಉಡುಗೆಯ ಥೀಮ್​​ಗಳು ಇದೇ ಮಾದರಿಯಲ್ಲಿ ಇದ್ದವು.

  ಮೇ ತಿಂಗಳ ಮೊದಲ ಸೋಮವಾರದಂದು ಮೆಟ್ ಗಾಲಾ ಕಾರ್ಯಕ್ರಮ ಆರಂಭ ಆಗಿದೆ. 'ವೋಗ್' ನಿಯತಕಾಲಿಕೆಯ ಸಂಪಾದಕಿ ಅನ್ನಾ ವಿಂಟರ್ ಇದರ ನೇತೃತ್ವ ವಹಿಸುತ್ತಾರೆ. 2026ರ ಮೆಟ್ ಗಾಲಾ ಕೇವಲ ಫ್ಯಾಷನ್ ಮಾತ್ರವಲ್ಲದೆ, ಕಲೆ ಮತ್ತು ತಂತ್ರಜ್ಞಾನದ ಸಂಗಮವಾಗಿದೆ.