ಅತಿ ಹೆಚ್ಚು ಲೈಕ್ಸ್ ಪಡೆದ ಸೆಲೆಬ್ರಿಟಿ ಜೋಡಿಯಾದ ರಶ್ಮಿಕಾ-ವಿಜಯ್!

•   Sat, Feb 28 2026 03:00:34 PM



• ಹೈದರ್‌ಬಾದ್‌, ಫೆ. 28 (DaijiworldNews/AK):ರಶ್ಮಿಕಾ ಮಂದಣ್ಣ ಹಾಗೂ ವಿಜಯ್ ದೇವರಕೊಂಡ ವಿವಾಹ ಆಗುತ್ತಿದ್ದಾರೆ ಎಂಬ ಸುದ್ದಿ ಹರಿದಾಡಿದ ಬೆನ್ನಲ್ಲೇ ಅವರ ಇನ್​​ಸ್ಟಾಗ್ರಾಮ್ ಪೋಸ್ಟ್ ಹೊಸ ದಾಖಲೆಯನ್ನೇ ಬರೆದಿದೆ.

  ವಿಜಯ್ ದೇವರಕೊಂಡ ಹಾಗೂ ರಶ್ಮಿಕಾ ಮಂದಣ್ಣ ಅವರ ವಿವಾಹ ಉದಯಪುರದಲ್ಲಿ ಅದ್ದೂರಿಯಾಗಿ ನಡೆಯಿತು. ರಾಜರ ಥೀಮ್​​​ನಲ್ಲಿ ಈ ಮದುವೆ ನಡೆದಿದೆ. ಈ ವಿವಾಹವನ್ನು ಕೋಟ್ಯಂತರ ರೂಪಾಯಿ ಖರ್ಚು ಮಾಡಿ ರಶ್ಮಿಕಾ ಹಾಗೂ ವಿಜಯ್ ದೇವರಕೊಂಡ ಮದುವೆಯಾಗಿದ್ದಾರೆ. ಇವರ ವಿವಾಹ ಫೋಟೋಗಳಿಗೆ ಅಭಿಮಾನಿಗಳು ಕಾದಿದ್ದರು. ವಿವಾಹವಾದ (ಫೆಬ್ರವರಿ 26) ದಿನವೇ ಸೋಶಿಯಲ್ ಮೀಡಿಯಾದಲ್ಲಿ ವಿಜಯ್ ಹಾಗೂ ರಶ್ಮಿಕಾ ಪ್ರತ್ಯೇಕವಾಗಿ ಫೋಟೋ ಪೋಸ್ಟ್ ಮಾಡಿದರು.

  ಈ ಫೋಟೋ ದಾಖಲೆ ಬರೆದಿದೆ. 24 ಗಂಟೆ ಅವಧಿಯಲ್ಲಿ ಈ ಫೋಟೋಗೆ 40.7 ಮಿಲಿಯನ್ ವೀವ್ಸ್ ಸಿಕ್ಕಿದೆ. ವಿಜಯ್ ಅವರ ಪೋಸ್ಟ್​​ಗೆ 18.1 ಮಿಲಿಯನ್ ಹಾಗೂ ರಶ್ಮಿಕಾಗೆ 22.6 ಮಿಲಿಯನ್ಸ್ ಲೈಕ್ಸ್ ಸಿಕ್ಕಿದೆ. ಸುಮಾರು 4 ಕೋಟಿ ವೀವ್ಸ್‌ ಆಗುತ್ತದೆ. ಇದು ಈ ದಂಪತಿ ಮೇಲೆ ಅಭಿಮಾನಿಗಳಿಗೆ ಇರೋ ಪ್ರೀತಿಯನ್ನು ತೋರಿಸುತ್ತದೆ.

  ಈ ಮೊದಲು ವಿವಾಹ ಆದ ಕಿಯಾರಾ ಅಡ್ವಾಣಿ ಹಾಗೂ ಸಿದ್ದಾರ್ಥ್ ದಂಪತಿಯ ಫೋಟೋ ಬರೋಬ್ಬರಿ 27 ಮಿಲಿಯನ್ ಲೈಕ್ಸ್ (24 ಗಂಟೆಯಲ್ಲಿ) ಪಡೆದಿತ್ತು. ಈಗ ಈ ದಾಖಲೆಯನ್ನು ರಶ್ಮಿಕಾ ಹಾಗೂ ವಿಜಯ್ ದೇವರಕೊಂಡ ಮುರಿದಿದ್ದಾರೆ. ಆಲಿಯಾ ಭಟ್ ಹಾಗೂ ರಣಬೀರ್ ಕಪೂರ್ (14 ಮಿಲಿಯನ್), ಕತ್ರಿನಾ ಕೈಫ್ ಹಾಗೂ ವಿಕ್ಕಿ ಕೌಶಲ್ (12.6 ಮಿಲಿಯನ್), ಅನುಷ್ಕಾ ಶರ್ಮಾ ಹಾಗೂ ವಿರಾಟ್ ಕೊಹ್ಲಿ (7.8 ಮಿಲಿಯನ್) ಪಡೆದಿತ್ತು.

  ಈಗ ರಶ್ಮಿಕಾ ಹಾಗೂ ವಿಜಯ್ ದೇವರಕೊಂಡ ಈ ಎಲ್ಲಾ ದಾಖಲೆಯನ್ನು ಮುರಿದು ಹಾಕಿದ್ದಾರೆ. ಈ ಮೂಲಕ 24 ಗಂಟೆಯಲ್ಲಿ ಅತಿ ಹೆಚ್ಚು ಲೈಕ್ಸ್ ಪಡೆದ ಸೆಲೆಬ್ರಿಟಿ ಜೋಡಿಯಾಗಿದ್ದಾರೆ