ಸಿಹಿ ಸುದ್ದಿ ಹಂಚಿಕೊಂಡ ‘ಸು ಫ್ರಮ್ ಸೋ’ ನಟಿ ಭಾನು !

•   Thu, Jan 01 2026 01:21:00 PM



• ಬೆಂಗಳೂರು, ಜ.01 (DaijiworldNews/TA): ‘ಸು ಫ್ರಮ್ ಸೋ’ ಚಿತ್ರದಲ್ಲಿ ಭಾನು ಪಾತ್ರದಲ್ಲಿ ಅಭಿನಯಿಸಿದ ಸಂಧ್ಯಾ ಅರಕೆರೆ ಜೀವನದಲ್ಲಿನ ಖುಷಿಯ ಕ್ಷಣ ಹಂಚಿಕೊಂಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ತಮ್ಮ ಬೇಬಿ ಬಂಪ್ ಫೋಟೋಗಳನ್ನು ಹಂಚಿಕೊಂಡು ಅಭಿಮಾನಿಗಳಿಗೆ ಸಿಹಿಸುದ್ದಿ ನೀಡಿದ್ದಾರೆ. ಈ ಮೂಲಕ ಸಂಧ್ಯಾ ತಾಯಿ ಆಗುತ್ತಿರುವ ಸಂತೋಷವನ್ನು ತಮ್ಮ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.

  

  ಕಳೆದ ತಿಂಗಳು, ಸಂಧ್ಯಾ ಅರಕೆರೆ ಅವರ ಸೀಮಂತ ಶಾಸ್ತ್ರ ನೆರವೇರಿದ್ದು, ಕುಟುಂಬದವರು ಇದರಲ್ಲಿ ಭಾಗಿಯಾಗಿದ್ದರು. ಸಂಧ್ಯಾ ಅವರು ರಂಗಭೂಮಿಯ ಕಲಾವಿದೆ ಮತ್ತು ಹಲವು ನಾಟಕಗಳಲ್ಲಿ ನಟಿಸಿದ್ದಾರೆ. ಸಿನಿಮಾಗಳಲ್ಲಿ ‘ಸು ಫ್ರಮ್ ಸೋ’ ಬಳಿಕ ಅವರಿಗೆ ಹಲವು ಆಫರ್‌ಗಳು ಬಂದರೂ ಎಲ್ಲಾ ಚಿತ್ರಗಳನ್ನು ಸ್ವೀಕರಿಸುತ್ತಿಲ್ಲ ಎನ್ನಲಾಗಿದೆ.

  ಮಂಡ್ಯ ಜಿಲ್ಲೆಯ ಶ್ರೀರಂಗಪಟ್ಟಣದ ಅರಕೆರೆಯವರಾದ ಸಂಧ್ಯಾ, ನಿನಾಸಂ ನಲ್ಲಿ ನಟನೆ ಕಲಿತು, ಬಳಿಕ ಬಣ್ಣದ ಲೋಕಕ್ಕೆ ಹೆಜ್ಜೆ ಇಟ್ಟರು. ಈಗ ಜೀವನದಲ್ಲಿ ಹೊಸ ಪಾತ್ರ ತಾಯಿತನದ ಪಾತ್ರಕ್ಕೆ ಸಜ್ಜಾಗಿದ್ದಾರೆ.