ಯಶ್ ನಟನೆಯ 'ರಾಮಾಯಣ' ಸಿನಿಮಾಗೆ ಬಂಡವಾಳ ಹೂಡಿದ ಆಸ್ಕರ್ ವಿಜೇತ ಹಾಲಿವುಡ್ ನಿರ್ಮಾಪಕ

•   Sun, Jun 22 2025 02:50:13 PM



• ಬೆಂಗಳೂರು, ಜೂ. 22 (DaijiworldNews/AA): ನಟ ಯಶ್ ಹಾಗೂ ಇತರೆ ಕೆಲವು ಸ್ಟಾರ್ ನಟರು ನಟಿಸುತ್ತಿರುವ 'ರಾಮಾಯಣ' ಸಿನಿಮಾಗೆ ಆಸ್ಕರ್ ವಿಜೇತ ಹಾಲಿವುಡ್ ನಿರ್ಮಾಪಕ ಚಾರ್ಲ್ಸ್ ರೋವನ್ ಬಂಡವಾಳ ಹೂಡಲಿದ್ದಾರೆ.

  ಅತ್ಯುತ್ತಮ ಸಿನಿಮಾ ಎನಿಸಿಕೊಂಡಿರುವ 'ದಿ ಡಾರ್ಟ್ ನೈಟ್ ರೈಸಸ್', 'ಥ್ರೀ ಕಿಂಗ್ಸ್' 'ಆಪನ್‌ಹೈಮರ್' ಸೇರಿದಂತೆ ಬ್ಲಾಕ್ ಬಸ್ಟರ್ ಸಿನಿಮಾಗಳಾದ 'ಡಾರ್ಕ್ ನೈಟ್', 'ಜಸ್ಟಿಸ್ ಲೀಗ್', ಸೂಪರ್ ಮ್ಯಾನ್ ಸರಣಿಯ ಹಲವು ಸಿನಿಮಾ. 'ಸೂಸೈಡ್ ಸ್ಕ್ವಾಡ್', 'ವಂಡರ್ ವುಮನ್', 'ಬ್ಯಾಟ್‌ಮ್ಯಾನ್ vs ಸೂಪರ್ ಮ್ಯಾನ್' ಇನ್ನೂ ಹಲವಾರು ಸಿನಿಮಾಗಳನ್ನು ನಿರ್ಮಿಸಿರುವ ನಿರ್ಮಾಪಕ ಚಾರ್ಲ್ಸ್ ರೋವನ್ ಅವರು ಇದೀಗ ಯಶ್ ಜೊತೆಗೆ ಕೈ ಜೋಡಿಸಿದ್ದಾರೆ.

  ರಣ್‌ಬೀರ್ ಕಪೂರ್, ಯಶ್ ಮತ್ತು ಸಾಯಿ ಪಲ್ಲವಿ ನಟಿಸುತ್ತಿರುವ 'ರಾಮಾಯಣ' ಸಿನಿಮಾವನ್ನು ನಿತೀಶ್ ತಿವಾರಿ ನಿರ್ದೇಶಿಸುತ್ತಿದ್ದು, ಈ ಸಿನಿಮಾಕ್ಕೆ ನಟ ಯಶ್ ಹಾಗೂ ನಮಿತ್ ಮಲ್ಹೋತ್ರಾ ಅವರು ಬಂಡವಾಳ ಹೂಡಿದ್ದಾರೆ. ಇದೀಗ ಈ ಸಿನಿಮಾಗೆ ಹಾಲಿವುಡ್‌ನ ಯಶಸ್ವಿ ನಿರ್ಮಾಪಕ ಚಾರ್ಲ್ಸ್ ರೋವನ್ ಕೂಡ ಬಂಡವಾಳ ಹೂಡಲಿದ್ದಾರೆ.

  ಬಹು ಕೋಟಿ ವೆಚ್ಚದದಲ್ಲಿ ನಿರ್ಮಾಣವಾಗುತ್ತಿರುವ ಈ ಸಿನಿಮಾಕ್ಕೆ ಚಾರ್ಲ್ಸ್ ರೋವನ್ ಅವರು, 'ರಾಮಾಯಣ' ಸಿನಿಮಾದ ಎರಡೂ ಭಾಗಗಳಿಗೂ ಸಹ ನಿರ್ಮಾಪಕ ಮಾತ್ರವೇ ಅಲ್ಲದೆ ಅಮೆರಿಕ ಸೇರಿದಂತೆ ಇತರೆ ದೇಶಗಳಲ್ಲಿ ಸಿನಿಮಾದ ವಿತರಣೆಯನ್ನೂ ಸಹ ಮಾಡಲಿದ್ದಾರಂತೆ.