ಫ್ಯಾನ್ಸ್ ಗೆ ಸಿಹಿ ಸುದ್ದಿ ನೀಡಿದ ನಟಿ ರಂಭಾ

•   Tue, Apr 22 2025 04:20:37 PM



• ಬೆಂಗಳೂರು, ಏ.22 (DaijiworldNews/AA): ಬಹುಭಾಷಾ ನಟಿ ರಂಭಾ ಅವರು ಚಿತ್ರರಂಗದಿಂದ ದೂರ ಸರಿದು ಹಲವು ವರ್ಷಗಳು ಕಳೆದಿದ್ದು, ಇದೀಗ ಬಣ್ಣದ ಲೋಕಕ್ಕೆ ಮರಳಲು ನಿರ್ಧರಿಸಿದ್ದಾರೆ.

  ಕೇವಲ 15 ವರ್ಷವಿರುವಾಗಲೇ ನಟಿ ರಂಭಾ ಬಣ್ಣದ ಲೋಕಕ್ಕೆ ಪಾದಾರ್ಪಣೆ ಮಾಡಿದ್ದರು. ಸಣ್ಣ ವಯಸ್ಸಿನಲ್ಲೇ ಜನಪ್ರಿಯತೆ ಗಳಿಸಿದ ಅವರು, ಕನ್ನಡ ಹಾಗೂ ತಮಿಳಿನ ಬಹು ಬೇಡಿಕೆಯ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. 1993ರಲ್ಲಿ ತೆರೆಕಂಡ 'ಸರ್ವರ್ ಸೋಮಣ್ಣ' ಸಿನಿಮಾವು ರಂಭಾ ಅವರ ನಟನೆಯ ಮೊದಲ ಕನ್ನಡ ಸಿನಿಮಾ. ಆ ನಂತರ ಅವರು 8 ಕನ್ನಡ ಸಿನಿಮಾಗಳಲ್ಲಿ ಅಭಿನಯಿಸಿದರು.

  2010ರಲ್ಲಿ ರಂಭಾ ಅವರು ಕೆನಡಾದಲ್ಲಿ ಸೆಟಲ್ ಆಗಿರೋ ಇಂದ್ರಕುಮಾರ್ ಪದ್ಮನಾಥನ್ ಅವರನ್ನು ವಿವಾಹವಾದರು. ಮದುವೆ ನಂತರ ನೇರವಾಗಿ ಕೆನಡಾಗೆ ತೆರಳಿದ ಬಳಿಕ ಚಿತ್ರರಂಗಕ್ಕೆ ಅವರು ಮರಳಿದ್ದು ಕಡಿಮೆ. ರಂಭಾಗೆ ಮೂವರು ಮಕ್ಕಳಿದ್ದು, ಅವರೆಲ್ಲರೂ ಶಾಲೆಗಳಿಗೆ ತೆರಳುತ್ತಿದ್ದಾರೆ.

  ಇದೀಗ ನಟನೆಗೆ ಮರಳುವ ಆಸೆಯನ್ನು ವ್ಯಕ್ತಪಡಿಸಿದ ನಟಿ ರಂಭಾ, 'ನನ್ನ ಮಗನಿಗೆ ಈಗ 6 ವರ್ಷ. ಹೆಣ್ಣುಮಕ್ಕಳು 14 ಮತ್ತು 10 ವರ್ಷ ವಯಸ್ಸಿನವರು. ಅವರ ಕೆಲಸವನ್ನು ಅವರೇ ಮಾಡಬಲ್ಲರು. ಅವರನ್ನು ನೋಡಿಕೊಳ್ಳುವುದಕ್ಕಾಗಿಯೇ ನಾನು ಇಷ್ಟು ವರ್ಷಗಳಿಂದ ಸಿನಿಮಾಗಳಿಂದ ದೂರ ಉಳಿದಿದ್ದೆ. ನನ್ನ ಗಂಡನಿಗೆ ಸಿನಿಮಾಗಳಲ್ಲಿ ನನಗಿರುವ ಆಸಕ್ತಿ ತಿಳಿದಿದೆ. ಅವರ ಪ್ರೋತ್ಸಾಹದಿಂದಲೇ ನಾನು ಟಿವಿ ಕಾರ್ಯಕ್ರಮದಲ್ಲಿ ನ್ಯಾಯಾಧೀಶನಾಗಲು ಒಪ್ಪಿಕೊಂಡೆ. ಕುಟುಂಬ ನನನ್ನ ಬೆಂಬಲಕ್ಕಿದೆ' ಎಂದಿದ್ದಾರೆ.