ವಿಶ್ವಕಪ್ ನಿಂದ ಪಾಕ್ ಕೈ ಬಿಡಿ, ಇಲ್ಲ ನಾವೇ ಟೂರ್ನಿಯಿಂದ ವಾಪಸ್...! ಭಾರತದ ಎಚ್ಚರಿಕೆ

•   Fri, Feb 22 2019 11:15:01 AM



• ಹೈದರಾಬಾದ್, ಫೆ 22(SM): ಪುಲ್ವಾಮದಲ್ಲಿ ಉಗ್ರರು ಅಟ್ಟಹಾಸ ಮೆರೆದ ಬಳಿಕ ಭಾರತ ಪಾಕಿಸ್ತಾನದೊಂದಿಗೆ ಹಲವು ವ್ಯವಹಾರಗಳನ್ನು ಮೊಟಕುಗೊಳಿಸಲು ಮುಂದಾಗುತ್ತಿದೆ. ಮೇ ತಿಂಗಳಲ್ಲಿ ನಡೆಯುವಂತ ಏಕದಿನ ವಿಶ್ವಕಪ್ ಟೂರ್ನಿ ಆಡಬಾರದೆಂಬ ಹಲವು ಊಹಾಪೋಹಗಳು ಕೇಳಿಬರುತ್ತಿವೆ. ಮೇ ಅಂತ್ಯದಲ್ಲಿ ನಡೆಯಲಿರುವ ವಿಶ್ವಕಪ್​ ಟೂರ್ನಿಯಲ್ಲಿ ಭಾರತ ಹಾಗೂ ಪಾಕಿಸ್ತಾನ ಪಾಲ್ಗೊಳ್ಳುವಿಕೆ ಇನ್ನೂ ಅಂತಿಮವಾಗಿಲ್ಲ. ಇದರ ನಡುವೆ ಐಸಿಸಿ, ಬಿಸಿಸಿಐ ವಿರುದ್ಧ ಖಡಕ್ ನಿರ್ಧಾರ ಕೈಗೊಳ್ಳುತ್ತದೆ ಎಂಬ ಮಾಹಿತಿ ಕೇಳಿ ಬರುತ್ತಿದೆ.

  

  ವಿಶ್ವಕಪ್​ನಲ್ಲಿ ಪಾಕ್ ವಿರುದ್ಧ ಆಡಬೇಕೆ, ಇಲ್ಲವೇ ಎನ್ನುವ ಕುರಿತು ಬಿಸಿಸಿಐ ಇನ್ನೂ ತನ್ನ ಅಂತಿಮ ನಿರ್ಧಾರ ಪ್ರಕಟಿಸಿಲ್ಲ. ಆದರೂ ಪಾಕ್​ ತಂಡವನ್ನು ವಿಶ್ವಕಪ್​ನಿಂದ ಬ್ಯಾನ್ ಮಾಡಿ ಇಲ್ಲವೇ ನಾವೇ ಟೂರ್ನಿಯಿಂದ ಹಿಂದಕ್ಕೆ ಸರಿಯುವುದಾಗಿ ಪತ್ರವೊಂದು ಸಿದ್ಧಗೊಂಡಿದೆ ಎನ್ನಲಾಗಿದೆ.

  ಒಂದು ವೇಳೆ ವಿಶ್ವಕಪ್​ನಲ್ಲಿ ಪಾಕ್​ ಜೊತೆ ಭಾರತ ಆಡುವುದರಿಂದ ಹಿಂದಕ್ಕೆ ಸರಿದರೆ ಬಿಸಿಸಿಐಯನ್ನು ಐಸಿಸಿ ಬ್ಯಾನ್ ಮಾಡಲಿದೆ ಎನ್ನಲಾಗುತ್ತಿದೆ. ಪಾಕಿಸ್ತಾನವನ್ನು ವಿಶ್ವಕಪ್​ನಿಂದ ಬ್ಯಾನ್ ಮಾಡಿ ಎನ್ನುವ ಭಾರತದ ಮನವಿಗೆ ಐಸಿಸಿ ಸ್ಪಂದಿಸುತ್ತದಾ ಅಥವಾ ಭಾರತವೇ ಹಿಂದಕ್ಕೆ ಸರಿಯುತ್ತಾ ಎನ್ನುವುದು ಮುಂದಿನ ವಾರದ ಐಸಿಸಿ ಸಭೆಯ ಬಳಿಕ ತಿಳಿಯಲಿದೆ.