ಪರೋಲ್‌‌‌‌‌‌‌ ಕೋರಿ ರಾಮ್‌‌ಪಾಲ್‌ ಅರ್ಜಿ - ವಜಾ ಮಾಡಿದ ಸುಪ್ರೀಂ

•   Tue, Jul 14 2020 07:04:28 PM



• ನವದೆಹಲಿ, ಜು 14 (DaijiworldNews/PY): ಹರಿಯಾಣದ ಸ್ವಯಂ ಘೋಷಿತ ದೇವಮಾನವ ರಾಮ್‌‌ಪಾಲ್‌‌ ಅವರಿಗೆ ಸುಪ್ರೀಂ ಕೋರ್ಟ್‌‌‌ ಪರೋಲ್ ಮಂಜೂರು ಮಾಡಲು ಮಂಗಳವಾರ ನಿರಾಕರಿಸಿದೆ.

  

  ರಾಮ್‌ಪಾಲ್‌‌ ಅವರ ಮೊಮ್ಮಗಳ ವಿವಾಹ ಬುಧವಾರ ನಿಗದಿಯಾಗಿದ್ದು, ಈ ನಿಟ್ಟಿನಲ್ಲಿ ವಿವಾಹಕ್ಕೆ ಹಾಜರಾಗಲು ಪರೋಲ್‌ ಮೇಲೆ ಬಿಡುಗಡೆ ಕೋರಿ ಅರ್ಜಿ ಸಲ್ಲಿಸಲಾಗಿತ್ತು. ಆದರೆ, ಈ ಕುರಿತ ಅರ್ಜಿಯನ್ನು ಮುಖ್ಯಾ ನ್ಯಾ. ಎಸ್‌‌.ಎ.ಬೋಬ್ಡೆ ಅವರ ನೇತೃತ್ವದ ನ್ಯಾಯಪೀಠ ವಜಾ ಮಾಡಿತ್ತು.

  2018ರ ಅಕ್ಟೋಬರ್‌‌ 17ರಂದು ಹತ್ಯೆ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ರಾಮ್‌ಪಾಲ್‌‌ ಹಾಗೂ ಅವರ 13 ಬೆಂಬಲಿಗರು ಜೀವಾವಧಿ ಶಿಕ್ಷೆಗೆ ಗುರಿಯಾಗಿದ್ದರು.

  ರಾಮ್‌‌ಪಾಲ್‌‌ ಅವರ ಆಶ್ರಮದಲ್ಲಿ ನವೆಂಬರ್‌‌ 19, 2014ರಂದು ಮಹಿಳೆಯೋರ್ವರ ಶವ ಪತ್ತೆಯಾಗಿತ್ತು. ರಾಮ್‌‌ಪಾಲ್‌ ಅವರನ್ನು ಪೊಲೀಸರು ಅದೇ ದಿನ ಬಂಧಿಸಿದ್ದು, ಪ್ರಕರಣ ದಾಖಲಿಸಿದ್ದರು.