ಇಂದಿನಿಂದ 'ರಾಹುಲ್‌ ಕಿ ಮನ್‌ ಕಿ ಬಾತ್'

•   Tue, Jul 14 2020 09:40:11 AM



• ನವದೆಹಲಿ, ಜು.13 (DaijiworldNews/MB) : ಕೇಂದ್ರದ ವಿರುದ್ದ ನಿರಂತರವಾಗಿ ವಾಗ್ದಾಳಿ ನಡೆಸುತ್ತಿರುವ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಇಂದಿನಿಂದ ತಮ್ಮದೇ ಆದ ಮನ್‌ ಕಿ ಬಾತ್‌ ಆರಂಭದ ಬಗ್ಗೆ ಘೋಷಣೆ ಮಾಡಿದ್ದಾರೆ.

  

  ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, ''ಇಂದು ಭಾರತೀಯ ಸುದ್ದಿ ಮಾಧ್ಯಮದ ಬಹುಪಾಲು ಭಾಗವನ್ನು ಫ್ಯಾಸಿಸ್ಟ್ ಹಿತಾಸಕ್ತಿಗಳು ಸೆರೆಹಿಡಿದಿವೆ. ಟಿವಿ ಚಾನಲ್‌ಗಳಲ್ಲಿ ಹಾಗೂ ವಾಟ್ಸಾಪ್‌ ಫಾರ್ವರ್ಡ್‌ಗಳಲ್ಲಿ ಹಾಗೂ ಸುಳ್ಳು ಸುದ್ದಿಗಳಲ್ಲಿ ದ್ವೇಷ ತುಂಬಿದ ಸುದ್ದಿಗಳು ಹರಡುತ್ತಿದೆ. ಈ ಸುಳ್ಳು ಸುದ್ದಿಗಳು ಭಾರತವನ್ನು ವಿಭಜಿಸುತ್ತಿದೆ'' ಎಂದು ಹೇಳಿದ್ದಾರೆ.

  ''ಸತ್ಯದ ಮೇಲೆ ಆಸಕ್ತಿ ಇರುವವರಿಗೆ ನಾನು ಪ್ರಸ್ತುತ ವ್ಯವಹಾರಗಳು, ಇತಿಹಾಸ ಮತ್ತು ಬಿಕ್ಕಟ್ಟನ್ನು ಸ್ಪಷ್ಟಪಡಿಸಬಯಸುತ್ತೇನೆ. ನಾಳೆಯಿಂದ ನಾನು ನನ್ನ ಆಲೋಚನೆಗಳನ್ನು ನಿಮ್ಮೊಂದಿಗೆ ವೀಡಿಯೊದಲ್ಲಿ ಹಂಚಿಕೊಳ್ಳುತ್ತೇನೆ'' ಎಂದು ಜುಲೈ 13 ರ ಸೋಮವಾರ ಟ್ವೀಟ್‌ ಮಾಡಿದ್ದಾರೆ.

  ಇನ್ನು ರಾಹುಲ್ ಗಾಂಧಿ ಟೆಲಿಗ್ರಾಮ್‌ನಲ್ಲೂ ಕೂಡ ತಮ್ಮ ಖಾತೆ ತೆರೆದಿದ್ದಾರೆ.

  I want to make our current affairs, history and crisis clear and accessible for those interested in the truth.
  
  From tomorrow, I’ll be sharing my thoughts with you on video.

  — Rahul Gandhi (@RahulGandhi) July 13, 2020