ದೇಶದಲ್ಲಿ 5 ಲಕ್ಷಕ್ಕೂ ಅಧಿಕ ಮಂದಿ ಗುಣಮುಖ - ಶೇ 62.78 ಕ್ಕೇರಿದ ಚೇತರಿಕೆ ಪ್ರಮಾಣ

•   Sun, Jul 12 2020 01:01:39 PM



• ನವದೆಹಲಿ, ಜು.12 (DaijiworldNews/MB) : ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ತೀವ್ರವಾಗಿ ಏರಿಕೆಯಾಗುತ್ತಿದ್ದರು ಇತ್ತ ಸೋಂಕಿನಿಂದ ಗುಣಮುಖರಾಗುವವರ ಸಂಖ್ಯೆಯೂ ಏರಿಕೆಯಾಗುತ್ತಿದೆ. ಈವರೆಗೆ ದೇಶದಲ್ಲಿ ದಾಖಲಾದ ಸೋಂಕು ಪ್ರಕರಣಗಳ ಪೈಕಿ ಶೇ 62.78 ರಷ್ಟು ಮಂದಿ ಗುಣಮುಖರಾಗಿದ್ದು ಇದು ಆಶಾದಾಯಕ ಬೆಳವಣಿಗೆಯಾಗಿದೆ.

  

  ದೇಶದಾದ್ಯಂತ 5,15,386 ಮಂದಿ ಕೊರೊನಾದಿಂದ ಗುಣಮುಖರಾಗಿದ್ದು ಕಳೆದ ಒಂದು ದಿನದಲ್ಲೇ 16,872 ಮಂದಿ ಸೋಂಕಿನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.

  ಇನ್ನು ದೇಶದಲ್ಲೇ ಅಧಿಕ ಕೊರೊನಾ ಪ್ರಕರಣಗಳು ದಾಖಲಾಗಿರುವ ಮಹಾರಾಷ್ಟ್ರದಲ್ಲಿ ಗುಣಮುಖರಾಗಿರುವ ಪ್ರಮಾಣವು ಕೂಡಾ ಅಧಿಕವಾಗಿದ್ದು 246600 ಸೋಂಕಿತರ ಪೈಕಿ 136985 ಮಂದಿ ಗುಣಮುಖರಾಗಿದ್ದಾರೆ. ಲಡಾಖ್, ಛತ್ತೀಸ್‌ಗಢ, ಉತ್ತರಾಖಂಡ್, ದೆಹಲಿ ಮತ್ತು ರಾಜಸ್ಥಾನದಲ್ಲಿ ಚೇತರಿಕೆ ದರ ಶೇಕಡ 76 ಕ್ಕಿಂತ ಹೆಚ್ಚಿದೆ.