ದೀಪಾವಳಿ ಆಚರಿಸಿ ಶುಭಕೋರಿದ ಅಮೆರಿಕ ಅಧ್ಯಕ್ಷ

•   Mon, Oct 28 2019 03:08:41 PM



• ಅಮೆರಿಕ, ಅ 28 (Daijiworld News/MSP): ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ದೀಪಾವಳಿಯನ್ನು ಆಚರಿಸುವ ಮೂಲಕ ಅಲ್ಲಿನ ಭಾರತೀಯ ಸಮುದಾಯದಕ್ಕೆ ಭಾನುವಾರ ದೀಪಾವಳಿ ಹಬ್ಬದ ಶುಭಾಶಯ ಹೇಳಿದ್ದಾರೆ.

  

  ಶುಕ್ರವಾರ ಓವಲ್​ ಕಚೇರಿಯಲ್ಲಿ ಕೆಲವು ಭಾರತೀಯರು ಹಾಗೂ ಅಮೆರಿಕನ್ನರೊಂದಿಗೆ ಸೇರಿ ಟ್ರಂಪ್​ ದೀಪ ಬೆಳಗುವ ಮೂಲಕ ದೀಪಗಳ ಹಬ್ಬ ಆಚರಿಸಿದರು. ಆ ನಂತರ ವಿಡಿಯೋ ತುಣುಕನ್ನು ಟ್ವಿಟರ್​ನಲ್ಲಿ ಶೇರ್​ ಮಾಡಿ ಶುಭಕೋರಿದ್ದಾರೆ. ಅಮೆರಿಕ ಅಧ್ಯಕ್ಷ ಪದವಿಯಲ್ಲಿ ಯಾರೇ ಇರಲಿ, ಪ್ರತಿ ವರ್ಷವೂ ದೀಪಾವಳಿ ಹಬ್ಬ ಆಚರಿಸುವ ಪ್ರತೀತಿ ಇತ್ತೀಚೆಗೆ ನಡೆದುಕೊಂಡು ಬಂದಿದೆ. ಈ ಹಿಂದೆ ಬರಾಕ್ ಒಬಾಮಾ, ಬುಷ್‌ ಕೂಡಾ ದೀಪಾವಳಿ ಹಬ್ಬ ಆಚರಿಸಿದ್ದರು.

  ಪವಿತ್ರ ಸಂಪ್ರದಾಯಗಳ ಆಚರಣೆ ಜನರನ್ನು, ಸಮುದಾಯವನ್ನು ಒಗ್ಗೂಡಿಸುತ್ತದೆ. ಇದರಿಂದ ದೇಶವೂ ಬಲಗೊಳ್ಳುತ್ತದೆ. ಈ ದೀಪಾವಳಿಯ ಬೆಳಕು ಪ್ರತಿಯೊಬ್ಬರ ಬದುಕಲ್ಲೂ ಒಳಿತನ್ನು ತರಲಿ ಎಂದು ಹಾರೈಸಿದರು.