ನವದೆಹಲಿ: ಸಚಿನ್, ರಾಹುಲ್ ರಂತಹವರ ಮಾರ್ಗದರ್ಶನ ರೋಹಿತ್ ಗೆ ಅಗತ್ಯವಿದೆ-ಗಂಭೀರ್

•   Tue, Aug 06 2019 10:08:05 PM



• ನವದೆಹಲಿ, ಆ 06 (DaijiworldNews/SM): ಟೀಂ ಇಂಡಿಯಾದಲ್ಲಿ ಭರ್ಜರಿ ಫಾರ್ಮನಲ್ಲಿರುವ ರೋಹಿತ್​ ಶರ್ಮಾ ಪರವಾಗಿ ತಂಡದ ಮಾಜಿ ಆಟಗಾರ ಹಾಗೂ ಸಂಸದ ಗೌತಮ್ ಗಂಭೀರ್ ಬ್ಯಾಟ್ ಬೀಸಿದ್ದಾರೆ.

  

  ರಾಹುಲ್​ ದ್ರಾವಿಡ್​ ಅಥವಾ ಸಚಿನ್​ ತೆಂಡೂಲ್ಕರ್​ ಅವರಂತಹ ಟೆಸ್ಟ್​ ತಜ್ಞರು ಮೆಂಟರ್​ ಆದರೆ, ರೋಹಿತ್ ವಿಶ್ವಶ್ರೇಷ್ಠ ಟೆಸ್ಟ್​ ಬ್ಯಾಟ್ಸ್​ಮನ್​ ಆಗಲಿದ್ದಾರೆ ಎಂದರು. ಇತ್ತೀಚೆಗಷ್ಟೇ ಮುಗಿದ ವಿಶ್ವಕಪ್ ಪಂದ್ಯದಲ್ಲಿ ರೋಹಿತ್ ಅತ್ಯುತ್ತಮ ಪ್ರದರ್ಶನ ನೀಡಿದ್ದರು. ಸರಣಿಯ ಬಹುತೇಕ ಎಲ್ಲಾ ಪಂದ್ಯಗಳಲ್ಲಿ ಉತ್ತಮವಾಗಿ ಬ್ಯಾಟಿಂಗ್ ಮಾಡುವ ಮೂಲಕ ಎಲ್ಲರ ಗಮನ ಸೆಳೆದಿದ್ದರು. ಮಾತ್ರವಲ್ಲದೆ, ಹಲವಾರು ದಾಖಲೆಗಳನ್ನು ಬರೆದಿದ್ದರು. 9 ಪಂದ್ಯಗಳಿಂದ 5 ಸೆಂಚುರಿ ಸಹಿತ 648 ರನ್​ಗಳಿಸಿದ್ದರು.

  ಪ್ರಸ್ತುತ ನಡೆಯುತ್ತಿರುವ ವಿಂಡೀಸ್​ ವಿರುದ್ಧದ ಟಿ-20 ಸರಣಿಯಲ್ಲಿ ಎರಡು ಪಂದ್ಯಗಳಲ್ಲೂ ಭಾರತದ ಪರ ಗರಿಷ್ಠ ಸ್ಕೋರ್ ದಾಖಲಿಸಿರುವ ಕೀರ್ತಿಯನ್ನು ರೋಹಿತ್ ಹೊಂದಿದ್ದಾರೆ. ಅಲ್ಲದೆ ಅತ್ಯಧಿಕ ಸಿಕ್ಸರ್ ಭಾರಿಸಿದ ದಾಖಲೆಯನ್ನು ರೋಹಿತ್ ಹೊಂದಿದ್ದಾರೆ.

  ರೋಹಿತ್​ ನಿಜಕ್ಕೂ ಸೀಮಿತ ಓವರ್​ಗಳ ಪಂದ್ಯಗಳಲ್ಲಿ ಅತ್ಯುತ್ತಮ ಬ್ಯಾಟ್ಸ್​ಮನ್.​ ಆದರೆ, ಟೆಸ್ಟ್​ ಕ್ರಿಕೆಟ್​ಗೆ ಹೋಲಿಸಿದರೆ ಅವರ ಪ್ರದರ್ಶನ ತೀರಾ ಕಳಪೆಯಾಗಿದೆ. ರೋಹಿತ್​ ಶರ್ಮಾಗೆ ರಾಹುಲ್ ದ್ರಾವಿಡ್​ ಅಥವಾ ಸಚಿನ್​ ತೆಂಡೂಲ್ಕರ್​ ಅಂತಹವರು ಕೆಲವು ತಿಂಗಳು ಮಾರ್ಗದರ್ಶಕರಾದರೆ ರೋಹಿತ್​ ನಿಜಕ್ಕೂ ಟೆಸ್ಟ್​ನಲ್ಲೂ ತಮ್ಮ ಪ್ರತಿಭೆ ಹೊರಹಾಕಿಲಿದ್ದಾರೆ ಎಂದು ಗಂಭೀರ್ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.