ಗ್ರೀನ್ ಕಾರ್ಡ್‌ ಮೇಲಿನ ಮಿತಿಯನ್ನು ತೆಗೆದುಹಾಕುವ ಮಸೂದೆ ಯುಎಸ್ ಸಂಸತ್ತಿನಲ್ಲಿ ಅಂಗೀಕಾರ

•   Fri, Jul 12 2019 01:18:09 PM



• ವಾಷಿಂಗ್ಟನ್, ಜು12(Daijiworld News/SS): ಯುನೈಟೆಡ್ ಸ್ಟೇಟ್ಸ್ ಸಂಸದರು ಗ್ರೀನ್ ಕಾರ್ಡ್‌ಗಳನ್ನು ನೀಡುವಲ್ಲಿ ಪ್ರಸ್ತುತ ಏಳು ಪ್ರತಿಶತದಷ್ಟು ಇರುವ ಗರಿಷ್ಟ ಮಿತಿಯನ್ನು ತೆಗೆದುಹಾಕುವ ಬಗೆಗೆ ಮಹತ್ವದ ಮಸೂದೆಯನ್ನು ಅಂಗೀಕರಿಸಿದ್ದಾರೆ.

  

  ಗ್ರೀನ್ ಕಾರ್ಡ್ ಹೊಂದಿದ ವ್ಯಕ್ತಿ ಅಮೆರಿಕಾದಲ್ಲಿ ಶಾಶ್ವತವಾಗಿ ನೆಲೆಸುವ ಹಾಗೂ ವೃತ್ತಿ (ಕೆಲಸ) ಮಾಡುವ ಅವಕಾಶವನ್ನು ಪಡೆಯುತ್ತಾನೆ. ಅಮೆರಿಕದ ಸಂಸತ್ತಿನಲ್ಲಿ ಗ್ರೀನ್‌ ಕಾರ್ಡ್‌ ವಿತರಣೆಗೆ ರಾಷ್ಟ್ರಾವಾರು ಕೋಟಾವನ್ನು ರದ್ದುಪಡಿಸುವ ಮಹತ್ವದ ವಿಧೇಯಕ ಅಂಗೀಕರಿಸಿದರೆ ಸಾವಿರಕ್ಕೂ ಹೆಚ್ಚು ನುರಿತ ಭಾರತೀಯ ಐಟಿ ವೃತ್ತಿಪರರಿಗೆ ಪ್ರಯೋಜನವಾಗಲಿದೆ.

  ಯುಎಸ್ ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ ಅಂಗೀಕರಿಸಿದ ಈ ಮಸೂದೆ, ಕಾನೂನಾಗಿ ಮಾನ್ಯತೆ ಪಡೆಯುವಾಗ ಅಮೆರಿಕಾದಲ್ಲಿ ಶಾಶ್ವತ ಕೆಲಸ ಮತ್ತು ವಾಸದ ಪರವಾನಗಿ ಬಯಸುವ ಭಾರತದಂತಹ ದೇಶಗಳ ಪ್ರತಿಭಾವಂತ ವೃತ್ತಿಪರರಿಗೆ ಅನುಕೂಲವಾಗಲಿದೆ. ಫೈರ್ಮೆಸ್ ಆಫ್ ಹೈ-ಸ್ಕಿಲ್ಡ್ ಇಮಿಗ್ರಾಟ್ಸ್ ಕಾಯ್ದೆ 2019 ಅಥವಾ ಎಚ್‌ಆರ್ 1044 ಎಂಬ ಶೀರ್ಷಿಕೆಯ ಮಸೂದೆಯನ್ನು 435 ಸದಸ್ಯರ ಸದನವು 365-65 ಮತಗಳ ಬಹುಮತದಿಂದ ಅಂಗೀಕರಿಸಿತು.

  ಪ್ರಸ್ತುತ ವ್ಯವಸ್ಥೆಯ ಪ್ರಕಾರ, ಒಂದು ನಿರ್ದಿಷ್ಟ ವರ್ಷದಲ್ಲಿ ಅಮೆರಿಕಾ ನೀಡಬೇಕಾದ ಕುಟುಂಬ ಆಧಾರಿತ ವಲಸೆಗಾರರ ​​ವೀಸಾಗಳ ಪೈಕಿ, ಒಂದು ದೇಶದ ಜನರಿಗೆಗರಿಷ್ಠ ಏಳು ಶೇಕಡಾವಷ್ಟನ್ನು ನೀಡಬಹುದಾಗಿದೆ. ಆದರೆ ಹೊಸ ಮಸೂದೆಯ ಅನುಸಾರ ಈ ಏಳು ಶೇಕಡಾ ಮಿತಿಯನ್ನು 15 ಪ್ರತಿಶತಕ್ಕೆ ಹೆಚ್ಚಿಸಲು ಅವಕಾಶವಿದೆ. ಜೊತೆಗೆ ಉದ್ಯೋಗ ಆಧಾರಿತ ವಲಸೆಗಾರರ ​​ವೀಸಾಗಳ ಮೇಲಿನ ಳು ಪ್ರತಿಶತದಷ್ಟು ಮಿತಿಯನ್ನು ತೆಗೆದುಹಾಕಲು ಸಹ ಇದು ಪ್ರಯತ್ನಿಸುತ್ತದೆ. ಹೆಚ್ಚುವರಿಯಾಗಿ, ಇದು ಚೀನಾದ ವ್ಯಕ್ತಿಗಳಿಗೆ ವೀಸಾಗಳ ಸಂಖ್ಯೆಯನ್ನು ಕಡಿಮೆಗೊಳಿಸುವ ಅಂಶವನ್ನೂ ತೆಗೆದುಹಾಕುತ್ತದೆ.