ಗಡಿಪಾರು ಆದೇಶ ಪ್ರಶ್ನಿಸಲು ವಿಜಯ್‌ ಮಲ್ಯಗೆ ಅನುಮತಿ ನೀಡಿದ ಲಂಡನ್‌ ನ್ಯಾಯಾಲಯ

•   Wed, Jul 03 2019 11:10:39 AM



• ಲಂಡನ್, ಜು03(Daijiworld News/SS): ಗಡಿಪಾರು ಪ್ರಕ್ರಿಯೆ ಎದುರಿಸುತ್ತಿರುವ ವಿಜಯ್ ಮಲ್ಯಗೆ ಬ್ರಿಟನ್ ಹೈಕೋರ್ಟ್ ತುಸು ನಿರಾಳತೆ ನೀಡಿದ್ದು, ಗಡಿಪಾರು ಆದೇಶವನ್ನು ಪ್ರಶ್ನಿಸಿ ಹೈಕೋರ್ಟ್ ಮೆಟ್ಟಿಲೇರಲು ಅವಕಾಶ ನೀಡಿದೆ.

  

  ಕಳೆದ ಏಪ್ರಿಲ್​ನಲ್ಲಿ ಮಲ್ಯ ಸಲ್ಲಿಸಿದ್ದ ಮೇಲ್ಮನವಿಯನ್ನು ರಾಯಲ್ ಕೋರ್ಟ್ಸ್ ಆಫ್ ಜಸ್ಟಿಸ್​ನ ಅಡ್ಮಿನಿಸ್ಟ್ರೇಟಿವ್ ಕೋರ್ಟ್ ವಿಚಾರಣೆ ನಡೆಸಿದೆ. ಬ್ರಿಟನ್ ಗೃಹ ಕಾರ್ಯದರ್ಶಿ ಸಾಜಿದ್ ಜಾವಿದ್ ನೀಡಿದ್ದ ಗಡಿಪಾರು ಆದೇಶ ಪ್ರಶ್ನಿಸಿ ಹೈಕೋರ್ಟ್​ನಲ್ಲಿ ಮನವಿ ಸಲ್ಲಿಸಲು ದ್ವಿಸದಸ್ಯ ನ್ಯಾಯಪೀಠ ಅವಕಾಶ ನೀಡಿದೆ.

  ಇದರಿಂದ ಈ ಪ್ರಕರಣ ಹೈಕೋರ್ಟ್​ನಲ್ಲಿ ವಿಚಾರಣೆಗೆ ಬರಲಿದೆ ಎಂದು ತಿಳಿದುಬಂದಿದೆ. ಒಂದು ವೇಳೆ ಮೇಲ್ಮನವಿಗೆ ಹೈಕೋರ್ಟ್ ಅವಕಾಶ ನೀಡದೆ ಇದ್ದಲ್ಲಿ 28 ದಿನಗಳೊಳಗಾಗಿ ಅವರನ್ನು ಭಾರತಕ್ಕೆ ಹಸ್ತಾಂತರಿಸಬೇಕಾಗುತ್ತಿತ್ತು.

  ಮಲ್ಯ ವಿರುದ್ಧ 9000 ಕೋಟಿ ರೂ. ಹಣ ವಂಚನೆ ಮತ್ತು ಎಫ್​ಇಎಂಎ ಉಲ್ಲಂಘನೆ ಪ್ರಕರಣ ದಾಖಲಿಸಲಾಗಿದೆ.