ವಿಶ್ವಕಪ್: ವೇಗದ 3 ಸಾವಿರ ರನ್-ಹೋಸ ದಾಖಲೆ ಬರೆದ ಪಾಕ್ ಬ್ಯಾಟ್ಸ್ ಮನ್

•   Wed, Jun 26 2019 11:43:15 PM



• ಬರ್ಮಿಂಗ್​​ಹ್ಯಾಮ್​, ಜೂ 26 (Daijiworld News/SM): ಈ ಬಾರಿಯ ವಿಶ್ವಕಪ್ ಹಲವು ಹೊಸದುಗಳಿಗೆ ಸಾಕ್ಷಿಯಾಗಿದೆ. ಅಲ್ಲದೆ ಹಲವು ದಾಖಲೆಗಳು ಈ ಸಲದ ವಿಶ್ವಕಪ್ ನಲ್ಲಿ ದಾಖಲಾಗಿವೆ. ಈ ಬಾರಿಯ ದಾಖಲೆ ಪಾಕ್ ಪಾಲಿಗೆ ಸಂದಿದೆ.

  

  ಪಾಕಿಸ್ತಾನದ ಬಾಬರ್​ ಅಜಂ ಏಕದಿನ ಕ್ರಿಕೆಟ್​ನಲ್ಲಿ ವೇಗವಾಗಿ 3000 ರನ್​ ದಾಖಲಿಸಿದ ಏಷ್ಯಾದ ಮೊದಲ ಹಾಗೂ ವಿಶ್ವದ 2ನೇ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ವಿಶ್ವಕಪ್​ನಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧದ ಪಂದ್ಯದಲ್ಲಿ ಬಾಬರ್​ ಈ ದಾಖಲೆ ಬರೆದಿದ್ದಾರೆ. 68 ಇನ್ನಿಂಗ್ಸ್​ಗಳಲ್ಲಿ 3000 ರನ್​ ಗಳಿಸಿದ ಸಾಧನೆಗೈದಿದ್ದಾರೆ.

  ಈ ಮೂಲಕ ಹಲವು ದಾಖಲೆಗಳು ಉಡೀಸ್ ಆಗಿವೆ. ವಿಂಡೀಸ್​ ದಿಗ್ಗಜ ವಿವಿಯನ್​ ರಿಚರ್ಡ್ಸ್​ 69 ಪಂದ್ಯಗಳಲ್ಲಿ ಈ ಸಾಧನೆಗೈದಿದ್ದಾರೆ. ಗ್ರೀನಿಡ್ಜ್ 72 ಪಂದ್ಯಗಳಲ್ಲಿ ಮೂರು ಸಾವಿರ ರನ್ ಪೂರೈಸಿದ್ದು, ದಕ್ಷಿಣ ಆಫ್ರಿಕಾದ ಗ್ಯಾರಿ ಕಸ್ಟರ್ನ್, ಭಾರತದ ಶಿಖರ್​ ಧವನ್, ಇಂಗ್ಲೆಂಡ್​ನ ರೂಟ್​ 72 ಪಂದ್ಯಗಳಿಂದ ಮೂರು ಸಾವಿರ ರನ್ ಪೂರೈಸಿದ್ದರು. ಈ ಎಲ್ಲಾ ದಾಖಲೆಗಳು ಉಡೀಸ್ ಆಗಿವೆ.