ಕಾಲಿಗೆ ಏಟಾದ್ರೂ 'ಹೈ ಹೀಲ್ಸ್​ 'ಬೇಕಿತ್ತಾ ಪಿಗ್ಗಿ ?

•   Wed, Jun 19 2019 10:09:28 AM



• ನವದೆಹಲಿ,ಜೂ 19 (Daijiworld News/MSP): ಬಾಲಿವುಡ್‌ಗಿಂತ ಹಾಲಿವುಡ್‌ನಲ್ಲೇ ಹೆಚ್ಚು ಜನಪ್ರಿಯವಾಗುತ್ತಿರುವ ನಟಿ ಪ್ರಿಯಾಂಕ ಚೋಪ್ರಾ ಅದ್ಯಾಕೋ ಏನೋ ಏನೇ ಮಾಡಿದರೂ ಸುದ್ದಿಯಾಗುತ್ತಾರೆ. ‘ಭಾರತ್’ ಸಿನಿಮಾ ಕೈಬಿಟ್ಟಿದ್ದು, ನಿಕ್ ಜೋನಸ್ ಮದುವೆಯಾಗಿದ್ದು, ಮೆಟ್‌ ಗಾಲಾದಲ್ಲಿ ವಿಚಿತ್ರವಾಗಿ ಅಲಂಕರಿಸಿಕೊಂಡಿದ್ದು, ಬ್ಲೌಸ್​ ಇಲ್ಲದೆ ಸೀರೆಯುಟ್ಟಿದ್ದು ಹೀಗೆ ಸಾಕಷ್ಟು ವಿಚಾರಗಳಲ್ಲಿ ಸುದ್ದಿಯಾಗಿತ್ತಾನೆ ಇದ್ದಾರೆ... ಹೀಗೆ ಪ್ರಿಯಾಂಕ ಚೋಪ್ರಾ ಇದ್ದಲ್ಲಿ ಸುದ್ದಿಗಳಿಗೆ ಕೊರತೆ ಇಲ್ಲ ಎಂಬಂತಾಗಿದೆ. ಈಗಲೂ ಮತ್ತೊಮ್ಮೆ ಪ್ರಿಯಾಂಕ ಸುದ್ದಿಯಾಗಿದ್ದಾರೆ ಅದೂ ಟ್ರೋಲ್ ಮೂಲಕ!

  

  

  ಬ್ಲೌಸ್​ ಇಲ್ಲದೆ ಸೀರೆಯುಟ್ಟು ಟ್ರೋಲ್​​​ ಆಗಿದ್ದ ಪ್ರಿಯಾಂಕಾ ಮತ್ತೆ ಹೊಸ ವಿಚಾರದಲ್ಲಿ ಸುದ್ದಿಯಲ್ಲಿದ್ದಾರೆ. ಕಾಲಿಗೆ ಗಾಯವಾಗಿದ್ದರೂ ಗಂಟಿಗೆ ನೀ ಕ್ಯಾಪ್ ಹಾಕಿಕೊಂಡಿದ್ದರೂ ಹೈ ಹೀಲ್ಸ್​ ಧರಿಸಿ ನಡೆದಿಕ್ಕಾಗಿ ಇವರು ಸದ್ಯ ಟ್ರೋಲ್ ಮಾಡೋರಿಗೆ ಆಹಾರವಾಗ್ತಿದ್ದಾರೆ.

  ಇತ್ತೀಚೆಗೆ ಸ್ಕೈ ಈಸ್​ ಪಿಂಕ್ ಚಿತ್ರದ ಶೂಟಿಂಗ್​ ಮುಗಿಸಲು ಭಾರತಕ್ಕೆ ಬಂದಿದ್ದ ಪ್ರಿಯಾಂಕಾ ಆ ಬಳಿಕ ಕ್ಯಾಮೆರಾ ಕಣ್ಣಿನಲ್ಲಿ ಸಿಕ್ಕಿದ್ದು ನ್ಯೂಯಾರ್ಕ್​ ಸಿಟಿಯ ಬೀದಿಯಲ್ಲಿ. ಇದರಲ್ಲಿ ಪತಿ ನಿಕ್​ ಜೋನಾಸ್​ ಕೂಡಾ ಪ್ರಿಯಾಂಕಾ ಜತೆಗಿದ್ದಾರೆ. ಈ ಪೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ಇದರಲ್ಲಿ ಪ್ರಿಯಾಂಕ ಚೋಪ್ರಾ ಕಾಲಿಗೆ ನೀ ಕ್ಯಾಪ್​​ ತೊಟ್ಟಿರೋದು ಕೂಡಾ ಕ್ಯಾಪ್ಚರ್ ಆಗಿದೆ. ಅದು ಕೂಡಾ ಹೈ ಹೀಲ್ಸ್ ಧರಿಸಿ ನೀ ಕ್ಯಾಪ್ ಹಾಕಿರೋದು ಟ್ರೋಲಿಗರ ಕಣ್ಣಿಗೆ ಬಿದ್ದಿದೆ. ಇದೇ ಕಾರಣಕ್ಕೆ, "ಕಾಲಿಗೆ ಏಟಾದ್ರೂ ಹೈ ಹೀಲ್ಸ್​ ಬೇಕಿತ್ತಾ ?" ಟ್ರೋಲ್ ಮಾಡ್ತಿದ್ದಾರೆ.

  ಮೆಟ್‌ ಗಾಲಾದಲ್ಲಿ ರೆಡ್ ಕಾರ್ಪೆಟ್ ಮೇಲೆ ಸಿಲ್ವರ್ ಬಣ್ಣದ ವಿಚಿತ್ರ ವೇಷಭೂಷಣದಲ್ಲಿ ಕಾಣಿಸಿಕೊಂಡಿದ್ದ ಪಿಗ್ಗಿ ಸಿಲ್ವರ್ ಹೈ ಹೀಲ್ಸ್ ಧರಿಸಿದ್ದರು. ಈ ಸ್ಯಾಂಡಲ್​ ಬೆಲೆ 44 ಸಾವಿರ ಎಂದು ಅಂದು ಸುದ್ದಿಯಾಗಿತ್ತು.