ತೆರೆ ಮೇಲೆ ಬರಲಿದೆ ಉಪೇಂದ್ರ ಅಭಿನಯದ ಬುದ್ದಿವಂತ-2

•   Sat, May 25 2019 02:20:14 PM



• ಬೆಂಗಳೂರು,25(DaijiworldNews/AZM):ಕನ್ನಡ ಚಿತ್ರರಂಗದ ರಿಯಲ್ ಸ್ಟಾರ್ ಉಪೇಂದ್ರರವರು ಬುದ್ಧಿವಂತ-2 ಮೂಲಕ ಮತ್ತೇ ತೆರೆ ಮೇಲೆ ಬರಲು ರೆಡಿಯಾಗಿ ನಿಂತಿದ್ದಾರೆ. ಹೌದು ಉಪ್ಪಿ ಅಭಿನಯಿಸ್ತಿರೋ ಬುದ್ಧಿವಂತ-2 ಸಿನಿಮಾದ ಮೂಹೂರ್ತ ನೇರವೇರಿದೆ.

  

  ಸ್ಯಾಂಡಲ್​ವುಡ್​ನ ರಿಯಲ್ ಸ್ಟಾರ್, ಸೂಪರ್ ಸ್ಟಾರ್​, ಬುದ್ಧಿವಂತ, ನಿರ್ದೇಶಕ, ನಟ ಅಂದ್ರೆ ಅದು ಉಪೇಂದ್ರ ಅನ್ನೋದರಲ್ಲಿ ಸಂಶಯವಿಲ್ಲ. ಒಬ್ಬ ನಟ ಕೇವಲ ನಟನೇಗೆ ಮಾತ್ರ ಸೀಮಿತವಾಲ್ಲ. ಆತ ನಿರ್ದೇಶಕನಾಗಿಯೂ, ಹಾಡುಗಾರನಾಗಿಯೂ, ನಿರ್ಮಾಪಕನಾಗಿಯೂ ಕೆಲಸ ಮಾಡಬಲ್ಲ ಸಕಲಕಾಲವಲ್ಲಭ ಅಂತಾ ಪ್ರೋವ್ ಮಾಡಿದವರು ಇದೇ ರಿಯಲ್ ಸ್ಟಾರ್ ಉಪೇಂದ್ರ. ಉಪ್ಪಿ, ಸ್ಯಾಂಡಲ್​ವುಡ್​ನಲ್ಲಿ ಡಿಫರೆಂಟ್​​ ಸಿನಿಮಾಗಳ ಬ್ರಾಂಡ್ ಅಬಾಸಿಡರ್ ಅಂದ್ರೆ ತಪ್ಪಾಗಲಾರದು. ಬಿಕಾಸ್ ಆಫ್​ ತಮ್ಮದೇ ಸ್ಟೈಲ್​ನಲ್ಲಿ ಸಿನಿಮಾಗಳನ್ನ ಕಣ್ಣಿಗೆ ಕಟ್ಟುವಂತೆ ಕಟ್ಟಿಕೊಟ್ಟವರು ಇದೇ ಉಪೇಂದ್ರ.

  

  ಒಂದ್ಕಡೆ ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಉಪೇಂದ್ರ ಬ್ಯೂಸಿಯಾಗಿದ್ದಾರೆ. ಆದ್ರೆ ಈ ನಡುವೆ ರಿಯಲ್ ಸ್ಟಾರ್ ಉಪ್ಪಿ ಅಭಿನಯಿಸ್ತಿರೋ ಬುದ್ಧಿವಂತ-2 ಸಿನಿಮಾದ ಮೂಹೂರ್ತ ನೇರವೇರಿತು.

  ಅಂದ ಹಾಗೇ ಈ ಬುದ್ಧಿವಂತ-2 ಸಿನಿಮಾ ಅಂದು ಸೂಪರ್ ಡೂಪರ್ ಹಿಟ್ ಆದ ಬುದ್ಧಿವಂತ ಸಿನಿಮಾದ ಸೀಕ್ವೇಲ್ ಅಲ್ಲ. ಅದೇ ಟೈಟಲ್ ಇಟ್ಕೊಂಡು ರೆಡಿಯಾಗ್ತಿರೋ ಚಿತ್ರ. ಅಂದು ಉಪ್ಪಿ ಬುದ್ಧಿವಂತ ಸಿನಿಮಾದಲ್ಲಿ 8 ವಿಭಿನ್ನ ಗೆಟಪ್​ನಲ್ಲಿ ಮೋಡಿ ಮಾಡಿದ್ರು. ಆದ್ರೆ ಇಂದು ಬುದ್ಧಿವಂತ-2 ಸಿನಿಮಾದಲ್ಲಿ 2 ಗೆಟಪ್​ನಲ್ಲಿ ಕಮಾಲ್ ಮಾಡಲಿದ್ದಾರೆ.

  

  ಬುದ್ಧಿವಂತ ಸಿನಿಮಾದಲ್ಲಿ ರಿಯಲ್ ಸ್ಟಾರ್​ಗೆ ಜೋಡಿಯಾಗಿ ಪೂಜಾ ಗಾಂಧಿ, ಸುಮನ್ ರಂಗನಾಥ್ ಸೇರಿದಂತೆ ಮೂರು ಜನ ನಟಿಯರು ಅಭಿನಯಿಸಿದ್ರು. ಇಂದು ಬುದ್ಧಿವಂತ-2 ಚಿತ್ರದಲ್ಲಿ ಮೇಘನಾ ಹಾಗೂ ಸೋನಾಲ್ ಮಾಂಟೇರಿಯಾ ನಟಿಸಲಿದ್ದಾರೆ. ಅಲ್ಲದೇ ಈ ಸೂಪರ್ ಸ್ಟಾರ್ ಉಪ್ಪಿ 12 ಸಿನಿಮಾಗಳಿಗೆ ಮ್ಯೂಸಿಕ್ ಕಂಪೋಸ್ ಮಾಡಿರೋ ಗುರುಕಿರಣ್ ಮತ್ತೆ 4 ವರ್ಷದ ಬಳಿಕ ಬುದ್ಧಿವಂತ-2 ಸಿನಿಮಾಕ್ಕೆ ಮ್ಯೂಸಿಕ್ ಕಂಪೋಸ್ ಮಾಡ್ತಿದ್ದಾರೆ.

  

  . ಸದ್ಯ ಸಿಂಪಲ್ ಆಗಿ ಮುರ್ಹೂತ ನೇರವೇರಿಸಿರೋ ಚಿತ್ರತಂಡ ಇದೇ 27ರಿಂದ ಶೂಟಿಂಗ್ ಶುರು​ ಮಾಡಲಿದೆ. ಬುದ್ದಿವಂತ ಅಂತೂ ಹಿಟ್ ಆಯಿತು. ಇನ್ನು ಬುದ್ದಿವಂತ-2 ಥಿಯೇಟರ್ ಗಳಲ್ಲಿ ಯಾವ ರೀತಿ ಸದ್ದು ಮಾಡಲಿದೆ ಎಂದು ಕಾದು ನೋಡಬೇಕಾಗಿದೆ.