ಸೊಮಾಲಿಯಾದಲ್ಲಿ ಕಾರ್ ಬಾಂಬ್ ಸ್ಪೋಟ-9 ಬಲಿ

•   Wed, Jan 04 2023 05:17:37 PM



• ಶ್ರೀನಗರ, ಜ 04 (DaijiworldNews/DB): ಪೂರ್ವ ಆಫ್ರಿಕಾದ ಸೊಮಾಲಿಯಾದಲ್ಲಿ ಭಾರೀ ಕಾರ್ ಬಾಂಬ್ ಸ್ಪೋಟ ಸಂಭವಿಸಿದ್ದು, ಕನಿಷ್ಠ ಒಂಬತ್ತು ಮಂದಿ ಸಾವನ್ನಪ್ಪಿದ್ದಾರೆ. ಹಲವರು ಗಾಯಗೊಂಡಿದ್ದಾರೆ ಎಂದು ತಿಳಿದು ಬಂದಿದೆ.

  ಬುಧವಾರ ಬೆಳಗ್ಗೆ ಮಧ್ಯ ಸೊಮಾಲಿಯಾದ ಹಿರಾನ್ ಪ್ರದೇಶದಲ್ಲಿ ಮಹಾಸ್ ಪಟ್ಟಣದ ಮೇಲೆ ಅಲ್-ಶಬಾಬ್ ಸಂಘಟನೆಯ ಭಯೋತ್ಪಾದಕರು ಸ್ಪೋಟಕ ತುಂಬಿದ ವಾಹನಗಳೊಂದಿಗೆ ದಾಳಿ ನಡೆಸಿದ್ದರು. ಈ ವೆಳೆ ಪಟ್ಟಣದಲ್ಲಿದ್ದವರ ಪೈಕಿ ಒಂಬತ್ತು ಜನ ಸಾವಿಗೀಡಾಗಿದ್ದಾರೆ. ಹಲವರು ಗಾಯಗೊಂಡಿದ್ದಾರೆ ಎಂದು ಸೊಮಾಲಿ ಭದ್ರತಾ ಅಧಿಕಾರಿ ಅಬ್ದುಲ್ಲಾಹಿ ಅಡೆನ್ ತಿಳಿಸಿರುವುದಾಗಿ ವರದಿಯಾಗಿದೆ.

  ಸ್ಪೋಟದ ತೀವ್ರತೆಯಿಂದಾಗ ಇಡೀ ಪಟ್ಟಣ ಪ್ರದೇಶವೇ ಅಲುಗಾಡಿತ್ತು. ಕೂಡಲೇ ಕಾರ್ಯಾಚರಣೆಗಿಳಿದ ಭದ್ರತಾ ಪಡೆಗಳು ಪ್ರತಿದಾಳಿ ನಡೆಸಿದ್ದಾರೆ. ಸ್ಪೋಟ ನಡೆಸಿದ ಸಂಘಟನೆಯು ಅಲ್-ಖೈದಾದೊಂದಿಗೆ ಸಂಪರ್ಕ ಹೊಂದಿರುವ ಗುಂಪಾಗಿದೆ ಎಂದು ತಿಳಿದು ಬಂದಿದೆ.