ವಿಶಾಖ ಪಟ್ಟಣ: ಐಪಿಎಲ್ ನಲ್ಲಿ 150 ವಿಕೆಟ್ ಕಿತ್ತ 4ನೇ ಬೌಲರ್ ಹರ್ಭಜನ್

•   Sat, May 11 2019 08:59:25 PM



• ವಿಶಾಖ ಪಟ್ಟಣ, ಮೇ 11 (Daijiworld News/SM): ಡೆಲ್ಲಿ ಕ್ಯಾಪಿಟಲ್​ ವಿರುದ್ಧ ನಡೆದ ಎರಡನೇ ಕ್ವಾಲಿಫೈಯರ್​ನಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್​ ಗೆಲುವು ಸಾಧಿಸಿ ಫೈನಲ್ ಗೆ ಎಂಟ್ರಿ ನೀಡಿದೆ. ಸಿಎಸ್ ಕೆ ತಂಡದ ಹರ್ಭಜನ್ ಸಿಂಗ್ ಈ ಪಂದ್ಯದಲ್ಲಿ ಸಾಧನೆಗೈದಿದ್ದಾರೆ.

  

  ಹರ್ಭಜನ್​ಸಿಂಗ್​ ಐಪಿಎಲ್​ ಇತಿಹಾಸದಲ್ಲಿ 150 ವಿಕೆಟ್​ ಪಡೆದ ಸಾಧನೆ ಮಾಡಿದ್ದಾರೆ. ಡೆಲ್ಲಿ ಕ್ಯಾಪಿಟಲ್​ನ ಶೆರ್ಫಾನ್​ ರುದರ್​ಫೋರ್ಡ್​ ವಿಕೆಟ್​ ಉರುಳಿಸಿ ಈ ಸಾಧನೆಗೈದಿದ್ದಾರೆ. ಐಪಿಎಲ್ ಇತಿಹಾಸದಲ್ಲಿ 150 ವಿಕೆಟ್​ ಪಡೆದ 4ನೇ ಬೌಲರ್​ ಎಂಬ ಖ್ಯಾತಿಗೆ ಪಾತ್ರರಾಗಿದ್ದಾರೆ.

  ಹರಭಜನ್​ ಸಿಂಗ್​ಗೂ ಮೊದಲು ಮುಂಬೈ ಇಂಡಿಯನ್ಸ್​ ಲಸಿತ್​ ಮಲಿಂಗಾ 169(121 ಪಂದ್ಯ), ಅಮಿತ್ ಮಿಶ್ರಾ 157(147), ಕೆಕೆಆರ್​ನ ಪಿಯುಸ್​ ಚಾವ್ಲಾ 150(157) ವಿಕೆಟ್​ ಪಡೆದಿದ್ದಾರೆ.ಹರ್ಭಜನ್​ ಸಿಂಗ್​ ಈ ಟೂರ್ನಿಯಲ್ಲಿ 10 ಪಂದ್ಯಗಳಿಂದ 16 ವಿಕೆಟ್​ ಪಡೆದು ಚೆನ್ನೈ ಸೂಪರ್​ಕಿಂಗ್ಸ್​ ಪರ ಹೆಚ್ಚು ವಿಕೆಟ್​ ಪಡೆದ 3 ನೇ ಬೌಲರ್​ ಎನಿಸಿದರು.