ಮೆಟ್ ಗಾಲಾದಲ್ಲಿ ಪ್ರಿಯಾಂಕಾ ಚೋಪ್ರಾ ಧರಿಸಿದ್ದ ಗೌನ್ ಬೆಲೆ ಎಷ್ಟು ಗೊತ್ತಾ ?

•   Wed, May 08 2019 07:25:57 PM



• ನ್ಯೂಯಾರ್ಕ್, ಮೇ08(Daijiworld News/SS): ಅಮೆರಿಕದ ಮೆಟ್ ಗಾಲಾ ಸಮಾರಂಭದಲ್ಲಿ ಭಾಗವಹಿಸಿರುವ ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಹಾಗೂ ಪತಿ ನಿಖ್ ಜೋನಾಸ್ ವಿಚಿತ್ರ ಉಡುಗೆಯಲ್ಲಿ ಕಾಣಿಸಿಕೊಂಡಿದ್ದು ಈ ಫೋಟೋ ಬಾರಿ ವೈರಲ್ ಆಗಿತ್ತು.

  

  ಮೆಟ್ ಗಾಲಾದಲ್ಲಿ ಪ್ರಿಯಾಂಕಾ ಚೋಪ್ರಾ, ದೀಪಿಕಾ ಪಡುಕೋಣೆ ಸೇರಿದಂತೆ ಹಾಲಿವುಡ್ ನಟ-ನಟಿಯರು ವಿಚಿತ್ರ ವೇಷಭೂಷಣದಲ್ಲಿ ಕಾಣಿಸಿಕೊಂಡಿದ್ದಾರೆ.

  ಮೆಟ್​​ ಗಾಲಾ ಈವೆಂಟ್​​ನಲ್ಲಿ ಇದು ಹೊಸದೇನಲ್ಲ​. ಇದಕ್ಕಿಂತ ಚಿತ್ರ ವಿಚಿತ್ರ ಲುಕ್​ಗಳಲ್ಲಿ ಸೆಲೆಬ್ರಿಟಿಗಳು ಕಾಣಿಸಿಕೊಳ್ತಾರೆ. ಪ್ರತಿ ವರ್ಷ ನಡೆಯೋ ಈ ಈವೆಂಟ್​​ನಲ್ಲಿ ಥೀಮ್​ ಪ್ರಕಾರ ಡ್ರೆಸ್​ ಮಾಡಿಕೊಳ್ಳಬೇಕು. ಹೀಗಾಗಿ ಪ್ರಿಯಾಂಕಾ ಹಾಗು ದೀಪಿಕಾ ಪುಡಕೋಣೆ ಇಂಥ ಡ್ರಮ್ಯಾಟಿಕ್​​ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ.

  ಸತತ ಮೂರನೇ ವರ್ಷ ಮೆಟ್​ ಗಾಲಾದಲ್ಲಿ ಭಾಗಿಯಾಗಿರೋ ಪ್ರಿಯಾಂಕ, ಪತಿ ನಿಕ್​ ಜೋನಾಸ್​​ ಜೊತೆ ಆಗಮಿಸಿದ್ರು. ಇಬ್ಬರೂ ಡಿಯೋರ್​ ಬಟ್ಟೆಗಳನ್ನ ಧರಿಸಿದ್ದರು. ಪ್ರಿಯಾಂಕಾ ಸಿಲ್ವರ್​ ಬಣ್ಣದ ಮೆಶ್​​ ಗೌನ್​​ನಲ್ಲಿ ಕಾಣಿಸಿಕೊಂಡ್ರು. ಎಲ್ಲಕ್ಕಿಂತ ಹೆಚ್ಚು ಗಮನ ಸೆಳೆದಿದ್ದು ಪ್ರಿಯಾಂಕಾಳ ಹೇರ್​ಸ್ಟೈಲ್. ಇನ್ನು ನಿಕ್​ ಜೋನಾಸ್​ ಬಿಳಿ ಬಣ್ಣದ ಸೂಟ್ ಹಾಗೂ ಸಿಲ್ವರ್​ ಕಲರ್​​ ಶೂ​ ಧರಿಸಿದ್ದರು.

  ಅಷ್ಟಕ್ಕೂ ಮೆಟ್ ಗಾಲಾ ಪಿಂಕ್ ಕಾರ್ಪೆಟ್ನಲ್ಲಿ ಪ್ರಿಯಾಂಕ ಧರಿಸಿದ್ದ ಗೌನ್ ಬೆಲೆ ಎಷ್ಟು ಗೊತ್ತಾ...? ಬರೋಬ್ಬರಿ 45 ಲಕ್ಷ. ಪ್ರಿಯಾಂಕ ಹಾಕಿದ್ದ ಕಿವಿಯೋಲೆ ಬೆಲೆ ಬರೋಬ್ಬರಿ 10 ಲಕ್ಷ. ಇದೀಗ ಟ್ರೋಲ್ ಆಗುವುದಕ್ಕೆ ಇಷ್ಟೆಲ್ಲಾ ಖರ್ಚು ಮಾಡ್ಬೇಕಿತ್ತಾ ಎಂದು ಜನ ಪ್ರಶ್ನಿಸುತ್ತಿದ್ದಾರೆ.