ಮಾಸ್ಕೋ-ವಿಮಾನದಲ್ಲಿ ಬೆಂಕಿ-41 ಮಂದಿ ಪ್ರಯಾಣಿಕರು ಮೃತ್ಯು

•   Mon, May 06 2019 08:34:31 AM



• ಮಾಸ್ಕೋ,ಮೇ6(DaijiworldNews/AZM):ಮಾಸ್ಕೋದ ವಿಮಾನ ನಿಲ್ದಾಣದಲ್ಲಿ ಪ್ರಯಾಣಿಕರ ವಿಮಾನ ತುರ್ತಾಗಿ ಇಳಿಯುತ್ತಿದ್ದ ವೇಳೆ ಬೆಂಕಿಗಾಹುತಿಯಾಗಿ 41 ಮಂದಿ ಪ್ರಯಾಣಿಕರು ಮೃತಪಟ್ಟಿರುವ ಘಟನೆ ಇಂದು ವರದಿಯಾಗಿದೆ.

  

  ರಷ್ಯಾ ನಿರ್ಮಿತ ‘ಸೂಪರ್‌ ಜೆಟ್‌-100’ ವಿಮಾನ ಬೆಂಕಿಗಾಹುತಿಯಾಗಿದ್ದು, ದುರಂತದಲ್ಲಿ 41 ಮಂದಿ ಪ್ರಯಾಣಿಕರು ಮೃತಪಟ್ಟಿದ್ದಾರೆ. ರಷ್ಯಾದ ಷೆರೆಮೆಟ್ಯೆವೊ ನಿಲ್ದಾಣದಿಂದ ಮುರ್ಮನ್ಸ್ಕ್​ ನಗರಕ್ಕೆ ಹೊರಟಿದ್ದ ವಿಮಾನಕ್ಕೆ ಟೇಕಾಫ್​ ಆದ ಕೆಲವೇ ನಿಮಿಷಗಳಲ್ಲಿ ಅಪಾಯದ ಸುಳಿವು ಸಿಕ್ಕಿತ್ತು. ಹೀಗಾಗಿ ಮಾಸ್ಕೋದ ಬುಸಿಸ್ಟ್​​​ ವಿಮಾನ ನಿಲ್ದಾಣದಲ್ಲಿ ತುರ್ತು ಭೂಸ್ಪರ್ಶ ಮಾಡಲು ಯತ್ನಿಸಿದಾಗ ಬೆಂಕಿ ಅವಘಡ ಸಂಭವಿಸಿದೆ.

  ವಿಮಾನದಲ್ಲಿ ಸುಮಾರು 73 ಪ್ರಯಾಣಿಕರು ಪ್ರಯಾಣ ಬೆಳಸಿದ್ದು,. ಸದ್ಯ ಉಳಿದ ಪ್ರಯಾಣಿಕರ ರಕ್ಷಣೆ ಮಾಡಲಾಗಿದೆ. ಹಾಗೂ ಗಾಯಾಳುಗಳನ್ನು ಸ್ಥಳೀಯ ಆಸ್ಪತ್ರೆಗೆ ರವಾನಿಸಲಾಗಿದೆ.