ಫನಿ ಚಂಡಮಾರುತ಼-ಮುನ್ನೆಚ್ಚರಿಕೆ ನೀಡಿದ ಭಾರತಕ್ಕೆ ವಿಶ್ವಸಂಸ್ಥೆ ಶ್ಲಾಘನೆ

•   Sat, May 04 2019 09:38:47 PM



• ನ್ಯೂಯಾರ್ಕ್,ಮೇ4(DaijiworldNews/AZM): 'ಫನಿ' ಚಂಡಮಾರುತದ ಬಗ್ಗೆ 'ಬಹುತೇಕ ಸೂಜಿಮೊನೆಯಷ್ಟು ನಿಖರ' ಮುನ್ನೆಚ್ಚರಿಕೆಯನ್ನು ನೀಡಿರುವ ಭಾರತೀಯ ಹವಾಮಾನ ಇಲಾಖೆಯನ್ನು ವಿಶ್ವಸಂಸ್ಥೆಯ ವಿಪತ್ತು ನಿಭಾವಣೆ ಇಲಾಖೆ ಶ್ಲಾಘಿಸಿದೆ.

  

  ಈ ನಿಖರ ಮುನ್ನೆಚ್ಚರಿಕೆಯಿಂದಾಗಿ ಅಧಿಕಾರಿಗಳು ಜನರ ತೆರವು ಯೋಜನೆಯನ್ನು ರೂಪಿಸಲು ಸಾಧ್ಯವಾಯಿತು ಹಾಗೂ ಸಾವಿನ ಪ್ರಮಾಣವನ್ನು ಕನಿಷ್ಠ ಮಟ್ಟಕ್ಕೆ ಇಳಿಸಲು ಸಾಧ್ಯವಾಯಿತು ಎಂದು ಅದು ಹೇಳಿದೆ.

  ಅತ್ಯಂತ ಪ್ರಬಲ ಚಂಡಮಾರುತವು ಒಡಿಶಾದ ಕರಾವಳಿ ನಗರ ಪುರಿಯ ಸಮೀಪ ಶುಕ್ರವಾರ ನೆಲಕ್ಕೆ ಅಪ್ಪಳಿಸಿರುವುದನ್ನು ಸ್ಮರಿಸಬಹುದಾಗಿದೆ. ಚಂಡಮಾರುತದಿಂದಾಗಿ ಕನಿಷ್ಠ 8 ಮಂದಿ ಮೃತಪಟ್ಟಿದ್ದಾರೆ.

  'ಫನಿ' ಚಂಡಮಾರುತದ ಚಲನವಲನಗಳ ಮೇಲೆ ವಿಶ್ವಸಂಸ್ಥೆಯ ಇಲಾಖೆಗಳು ನಿಗಾ ಇಟ್ಟಿವೆ ಹಾಗೂ ಬಾಂಗ್ಲಾದೇಶದ ನಿರಾಶ್ರಿತ ಶಿಬಿರಗಳಲ್ಲಿ ವಾಸಿಸುತ್ತಿರುವ ಕುಟುಂಬಗಳ ರಕ್ಷಣಗೆ ಕ್ರಮಗಳನ್ನು ತೆಗೆದುಕೊಳ್ಳುತ್ತಿವೆ.
  ''ಬಹುತೇಕ ಅತ್ಯಂತ ನಿಖರ ಹವಾಮಾನ ಮುನ್ನೆಚ್ಚರಿಕೆಯಿಂದಾಗಿ, ನಿರ್ದಿಷ್ಟ ಪೀಡಿತ ಪ್ರದೇಶಗಳ ಜನರನ್ನು ತೆರವುಗೊಳಿಸಲು ಅಧಿಕಾರಿಗಳಿಗೆ ಸಾಧ್ಯವಾಯಿತು. 10 ಲಕ್ಷಕ್ಕೂ ಅಧಿಕ ಮಂದಿಯನ್ನು ಪರಿಹಾರ ಶಿಬಿರಗಳಿಗೆ ಸಾಗಿಸಲಾಗಿತ್ತು.