ಶ್ರೀಲಂಕಾ ಬಾಂಬ್ ಸ್ಫೋಟ-ಅದೃಷ್ಟಾವಶತ್ ಪಾರಾದ ಕನ್ನಡ ನಟಿ ರಾಧಿಕಾ ಶರತ್

•   Sun, Apr 21 2019 05:05:54 PM



• ಕೊಲೊಂಬೋ,ಏ21(Daijiworld News/AZM):ಶ್ರೀಲಂಕಾದಲ್ಲಿ ನಡೆದ ಬಾಂಬ್ ಸ್ಫೋಟದಿಂದ ಬಹುಭಾಷಾ ನಟಿ ರಾಧಿಕಾ ಶರತ್ ಕುಮಾರ್ ಅವರು ಕೂದಲೆಳೆ ಅಂತರದಲ್ಲಿ ಪಾರಾಗಿದ್ದಾರೆ ಎಂದು ರಾಧಿಕಾ ಅವರೇ ಟ್ವೀಟ್ ಮಾಡಿದ್ದಾರೆ.

  

  ರಾಧಿಕಾ ಅವರು ಬಾಂಬ್​ ಸ್ಫೋಟವಾದ ಹೋಟೆಲ್​ಗಳಲ್ಲಿ ಒಂದಾದ ಸಿನ್ನಾಮೋನ್ ಗ್ರ್ಯಾಂಡ್​ನಲ್ಲಿ ಉಳಿದುಕೊಂಡಿದ್ದು,ಅವರು ಆ ಹೋಟೆಲ್​ನಿಂದ ಹೊರಟ ನಂತರ ಅಲ್ಲಿ ಬಾಂಬ್​ ಸ್ಫೋಟವಾಗಿದೆ ಎಂದು ಅವರು ಟ್ವೀಟ್​ನಲ್ಲಿ ಬರೆದುಕೊಂಡಿದ್ದಾರೆ.

  'ಘಟನೆ ನಡೆದ ವಿಷಯ ನನಗೆ ನ್ಯೂಸ್​ನಿಂದ ತಿಳಿದಿದ್ದು, ಅವರಿಗೆ ಇದರಿಂದ ಆಘಾತವಾಗಿದೆ. ಇದು ವಿಷಾಧನೀಯ ಘಟನೆ. ನೊಂದವರ ಕುಟುಂಬದವರಿಗೆ ದೇವರು ಶಕ್ತಿ ಕೊಡಲಿ' ಎಂದು ರಾಧಿಕಾ ಇದೇ ಸಂದರ್ಭದಲ್ಲಿ ತಿಳಿಸಿದ್ದಾರೆ.

  ರಾಧಿಕಾ ಅವರು ಶ್ರೀಲಂಕಾಗೆ ಹೋದಾಗಲೆಲ್ಲ ಬಾಂಬ್​ ಸ್ಫೋಟ ನಡೆದಿರುವ ಚರ್ಚ್​ಗೆ ಹೋಗುತ್ತಿದ್ದು,ಬಾಂಬ್​ ಸ್ಫೋಟ ನಡೆಯುವ ಕೆಲವೇ ಗಂಟೆಗಳ ಮೊದಲು ಅವರು ಆ ಹೋಟೆಲ್​ನಿಂದ ಹೊರಟಿದ್ದರು ಎನ್ನಲಾಗಿದೆ.

  ಶ್ರೀಲಂಕಾದ ಕೊಲೊಂಬೋದಲ್ಲಿ ಬೆಳಿಗ್ಗೆ 7ರಿಂದ ಮಧ್ಯಾಹ್ನದವರೆಗೆ 8 ಬಾರಿ ಬಾಂಬ್​ ಸ್ಫೋಟವಾಗಿದ್ದು, 185 ಮಂದಿ ಸಾವನ್ನಪ್ಪಿದ್ದು, 450ಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ.