ಮುಂಬೈ: ಐಪಿಎಲ್ ನಲ್ಲಿ ಶತಕ ಸಿಡಿಸಿ ಮಿಂಚಿದ ಕನ್ನಡಿಗ ರಾಹುಲ್

•   Wed, Apr 10 2019 11:39:49 PM



• ಮುಂಬೈ, ಏ 10(SM): ಪ್ರಸಕ್ತ ಸಾಲಿನ ಇಂಡಿಯನ್​ ಪ್ರೀಮಿಯರ್​ ಲೀಗ್​ನಲ್ಲಿ ಮತ್ತೊಂದು ಶತಕ ಮೂಡಿ ಬಂದಿದೆ. ಮುಂಬೈ ವಿರುದ್ಧದ ಪಂದ್ಯದಲ್ಲಿ ಶತಕ ಸಿಡಿಸುವ ಮೂಲಕ ಕನ್ನಡಿಗ ಕೆ.ಎಲ್. ರಾಹುಲ್ ಮಿಂಚಿದ್ದಾರೆ.

  

  ಕಿಂಗ್ಸ್​ ಇಲೆವೆನ್​ ಪಂಜಾಬ್​​ ತಂಡದ ಆರಂಭಿಕ ಹಾಗೂ ಕನ್ನಡಿಗ ಕೆಎಲ್​ ರಾಹುಲ್​ ಮುಂಬೈ ತಂಡದ ವಿರುದ್ಧದ ಪಂದ್ಯದಲ್ಲಿ ಶತಕ ಸಿಡಿಸಿ ಮಿಂಚಿದ್ದಾರೆ.

  ಟಾಸ್​ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ಪಂಜಾಬ್​ ಉತ್ತಮ ಆರಂಭ ಪಡೆದುಕೊಂಡಿತು. ಆರಂಭಿಕರಾಗಿ ಮೈದಾನಕ್ಕಿಳಿದ ಗೇಲ್​ ಹಾಗೂ ರಾಹುಲ್​ ಜೋಡಿ ಎದುರಾಳಿ ಬೌಲರ್​ಗಳ ಬೆವರಿಳಿಸಿದರು.

  ಹೀಗಾಗಿ ಮೊದಲ ವಿಕೆಟ್​ನಷ್ಟಕ್ಕೆ 12.5 ಓವರ್​ಗಳಲ್ಲೇ 116ರನ್​ಗಳನ್ನು ಪೇರಿಸಿತ್ತು. ಈ ವೇಳೆ 63ರನ್​ಗಳಿಕೆ ಮಾಡಿದ ಗೇಲ್​ ವಿಕೆಟ್​ ಒಪ್ಪಿಸಿದರು. ಇನ್ನು ಇತ್ತ ಬ್ಯಾಟಿಂಗ್​ನಲ್ಲಿ ತಮ್ಮ ಅಬ್ಬರ ಮುಂದುರೆಸಿದ ರಾಹುಲ್​ ಕೇವಲ 64ಎಸೆತಗಳಲ್ಲಿ 6 ಸಿಕ್ಸರ್​ ಹಾಗೂ 6ಬೌಂಡರಿಗಳ ಸಹಾಯದಿಂದ ಅಜೇಯ 100ರನ್​ಗಳಿಕೆ ಮಾಡಿದರು.

  ಆ ಮೂಲಕ ಕನ್ನಡಿಗ ರಾಹುಲ್ ಮಿಂಚಿದ್ದು, ಕ್ರೀಡಾಭಿಮಾನಿಗಳಿಗೆ ರಸದೌತನ ನೀಡಿದ್ದಾರೆ.