ಮೊದಲ ಪುಣ್ಯತಿಥಿಯ ಅಂಗವಾಗಿ ಹರಾಜಿಗಿದೆ ನಟಿ ಶ್ರೀದೇವಿಯ ಫೇವರಿಟ್​ ಸೀರೆ.!

•   Tue, Feb 26 2019 05:08:14 PM



• ಮುಂಬೈ,ಫೆ 26(MSP): ಬಾಲಿವುಡ್ ದಂತಕಥೆ, ಮೊದಲ ಮಹಿಳಾ ಸೂಪರ್ ಸ್ಟಾರ್ ಶ್ರೀದೇವಿ ಒಂದು ವರ್ಷ ಕಳೆದಿದೆ. ಮೊದಲ ಪುಣ್ಯತಿಥಿಯ ಅಂಗವಾಗಿ ಅವರ ಪತಿ ಬೋನಿ ಕಪೂರ್ ಶ್ರೀದೇವಿಯವರು ಉಡುತ್ತಿದ್ದ ನೇರಳೆ ಕೋಟಾ ಸೀರೆಗಳನ್ನು ಹರಾಜಿಗಿಟ್ಟಿದ್ದಾರೆ. ಶ್ರೀದೇವಿ ಅವರ ಮೆಚ್ಚಿನ ಹ್ಯಾಂಡ್​ಲೂಮ್​ ಸೀರೆಯನ್ನು ಆನ್​ಲೈನ್​ನಲ್ಲಿ ಹರಾಜು ಹಾಕಲಾಗಿದ್ದು, ಅದರಿಂದ ಬಂದ ದುಡ್ಡನ್ನು ಸದ್ದುದೇಶಕ್ಕಾಗಿ ಬಳಕೆ ಮಾಡಲಾಗುತ್ತಿದೆ.

  

  ತಮ್ಮ ಅಭೂತಪೂರ್ವ ಅಭಿನಯ, ನೃತ್ಯ ಹಾಗೂ ಸೌಂದರ್ಯದ ಮೂಲಕ ಕೋಟ್ಯಂತರ ಅಭಿಮಾನಿಗಳನ್ನು ಸಂಪಾದಿಸಿದ್ದ ಶ್ರೀದೇವಿಯವರಿಗೆ ನೇರಳೆ ಬಣ್ಣದ ಕೋಟಾ ಸೀರೆಗಳೆಂದರೆ ಬಹಳ ಇಷ್ಟ. ಈ ಸೀರೆಯನ್ನು ಹರಾಜಿಗೆ ಇರಿಸಿದ್ದು ಸಂಪಾದನೆಯಾದ ಹಣವನ್ನು ಕನ್ಸರ್ನ್ ಇಂಡಿಯಾ ಫೌಂಡೇಶನ್ ಎನ್ನುವ ಚಾರಿಟೇಬಲ್ ಟ್ರಸ್ಟ್ ಗೆ ನೀಡಲು ಬೋನಿ ಕಪೂರ್ ಮತ್ತು ಮಕ್ಕಳು ನಿರ್ಧರಿಸಿದ್ದಾರೆ. ಈ ಚಾರಿಟೇಬಲ್ ಟ್ರಸ್ಟ್ ಮಹಿಳೆ, ಮಕ್ಕಳು, ಹಿಂದುಳಿದ ವರ್ಗಗಳ ಅಭಿವೃದ್ಧಿಗೆ ಕೆಲಸ ಮಾಡುತ್ತಿದೆ.

  ಸೀರೆಯ ಆರಂಭಿಕ ಬಿಡ್​ 40,000 ರೂ. ಆಗಿತ್ತು. ಬಳಿಕ, ಬಿಡ್​ನ ಬೆಲೆ 1,30,000 ರೂ.ಗೆ ತಲುಪಿದೆ.