ಸಿಂಗಲ್​ ರನ್​ಗೆ ಆಕ್ರೋಶ, ಸುಮ್ಮನಿದ್ದ ಕಾರ್ತಿಕ್ ಸಮರ್ಥಿಸಿದ್ದು ಹೀಗೆ

•   Fri, Feb 15 2019 12:07:29 PM



• ನವದೆಹಲಿ, ಫೆ 14(SM): ಹ್ಯಾಮಿಲ್ಟನ್​ನಲ್ಲಿ ನ್ಯೂಜಿಲ್ಯಾಂಡ್ ವಿರುದ್ಧದ ನಡೆದ ಕೊನೆಯ ಟಿ-20 ಪಂದ್ಯದಲ್ಲಿ ಭಾರತದ ಸೋಲಿಗೆ ದಿನೇಶ್​ ಕಾರ್ತಿಕ್ ಅಂತಿಮ ಓವರ್​ನಲ್ಲಿ ಸಿಂಗಲ್​ ತೆಗೆದುಕೊಳ್ಳದಿರೋದೆ​​ ಕಾರಣ ಅಂತ ಹಲವರು ಆಕ್ರೊಶ ವ್ಯಕ್ತಪಡಿಸಿದ್ದರು. ಈ ವಿಚಾರಕ್ಕೆ ಇದೀಗ ದಿನೇಶ್​ ಕಾರ್ತಿಕ್​ ಸಮರ್ಥನೆ ನೀಡಿದ್ದಾರೆ.

  

  ಮಾಧ್ಯಮವೊಂದಕ್ಕೆ ಸಂದರ್ಶನ ನೀಡಿರುವ ಕಾರ್ತಿಕ್, ಅಂತಿಮ ಓವರ್​ನಲ್ಲಿ ನನಗೆ ಸಿಕ್ಸರ್​​ ಭಾರಿಸುವ ವಿಶ್ವಾಸವಿತ್ತು. ಅದೇ ಕಾರಣಕ್ಕಾಗಿ ನಾನು ಸಿಂಗಲ್ ರನ್ ಗಳನ್ನು ನಿರಾಕರಿಸಿದ್ದೆ ಎಂದಿದ್ದಾರೆ.

  ಟೀಂ ಇಂಡಿಯಾಗೆ ಲಾಸ್ಟ್ ಓವರ್​​ನಲ್ಲಿ ಗೆಲುವಿನ ನಗೆ ಬೀರಲು 16 ರನ್​ಗಳ ಅಗತ್ಯತೆ ಇತ್ತು. ಈ ವೇಳೆ ಬ್ಯಾಟಿಂಗ್ ಮಾಡುತ್ತಿದ್ದ ದಿನೇಶ್ ಕಾರ್ತಿಕ್ ಮೊದಲ ಎಸೆತದಲ್ಲಿ 2 ರನ್ ಪೇರಿಸಿದರು. ನಂತರ 2ನೇ ಹಾಗೂ 3ನೇ ಎಸೆತದಲ್ಲಿ ಒಂದು ರನ್​ ತೆಗೆದುಕೊಳ್ಳುವ ಅವಕಾಶವಿದ್ದರೂ, ರನ್ ತೆಗೆಯದೆ ತಾವೇ ಪಂದ್ಯವನ್ನ ಗೆಲುವಿನ ದಡ ಸೇರಿಸುವ ಆತ್ಮವಿಶ್ವಾಸದೊಂದಿಗೆ ಕೃನಾಲ್​ ಪಾಂಡ್ಯಗೆ ಬ್ಯಾಟಿಂಗ್​ ಮಾಡಲು ಅವಕಾಶ ನೀಡಿರಲಿಲ್ಲ.

  ಹೀಗಾಗಿ ಮುಂದಿನ ಎಸೆತದಲ್ಲಿ ಕಾರ್ತಿಕ್​​ ಜೋರಾಗಿ ಹೊಡೆದ್ರೂ ಅದು ನೇರವಾಗಿ ಫೀಲ್ಡರ್​ ಕೈ ಸೇರಿದ ಪರಿಣಾಮ ಕೇವಲ ಒಂದು ರನ್​ ದಕ್ಕಿತು. ನಂತರ ಬ್ಯಾಟಿಂಗ್​ ಮಾಡಲು ಬಂದ ಕೃನಾಲ್​ ಕೂಡ ಸಿಂಗಲ್​ ರನ್​ ತೆಗೆದುಕೊಂಡರು. ಮುಂದಿನ ಎಸೆತದಲ್ಲಿ ಕಾರ್ತಿಕ್​ ಸಿಕ್ಸ್​​ರ್​ ಸಿಡಿಸಿದ್ರೂ ಕೂಡ ಭಾರತ ತಂಡ 4ರನ್​ಗಳ ಅಂತರದೊಂದಿಗೆ ನ್ಯೂಜಿಲ್ಯಾಂಡ್ ಗೆ ಶರಣಾಯಿತು.